ახალგაზრდობაში ბოჭკოს დიდი რაოდენობით მიღებამ ქალებში ძუძუს კიბოს რისკი შეიძლება შეამციროს

Pediatrics-ში გამოქვეყნებული კვლევის მიხედვით, ზრდისა და ახალგაზრდა ზრდასრულობის პერიოდში ბოჭკოთი მდიდარი საკვები ქალებში ძუძუს კიბოს რისკს შეიძლება ამცირებდეს.
ამერიკაში ჩატარებულმა 20 წლიანმა კვლევამ აჩვენა, რომ ქალებს, რომლებიც ახალგაზრდა ზრდასრულობისას ბევრ ბოჭკოს მოიხმარდნენ, ამავე პერიოდში ძალიან მცირე ბოჭკოს მომხმარებლებთან შედარებით ძუძუს კიბოს საერთო განვითარების რისკი 12 პროცენტიდან 19 პროცენტამდე ნაკლები ჰქონდათ.
ასევე ახალგაზრდობის წლებში ბოჭკოვანი საკვების დიდი რაოდენობით მომხმარებელ ქალებში, მცირე მომხმარებლებთან შედარებით, მენოპაუზამდე ძუძუს კიბოს განვითარების რისკი 24 პროცენტით ნაკლები აღმოჩნდა.
მკვლევრებმა 27-დან 44 წლამდე 90.534 ქალის მონაცემები განიხილეს და მათ 20 წლის განმავლობაში აკვირდებოდნენ. ასევე გამოკითხეს, როგორ იკვებებოდნენ ეს ქალები სკოლის უფროს კლასებში. კვლევის განმავლობაში ძუძუს კიბო 2.833 ქალს დაუდგინდა. ამის მიხედვით მკვლევრებმა დაასკვნეს, რომ მეტი ბოჭკოვანი საკვების მომხმარებელ ქალებს ძუძუს კიბოს უფრო დაბალი რისკი ჰქონდათ, ვიდრე მცირე მომხმარებლებს.
კვლევის პასუხისმგებელი ავტორის მიხედვით, ზრდის პერიოდში დღეში 10 გრამი ბოჭკოს მიღება — მაგალითად, ერთი ვაშლისა და სრულმარცვლოვანი ხორბლის პურის 2 ნაჭრის ჭამა — ძუძუს კიბოს რისკს საშუალოდ 14 პროცენტით ამცირებს.
მკვლევართა ჯგუფი ახალგაზრდობაში ბოჭკოთი მდიდარი საკვების მიღებასა და ძუძუს კიბოს რისკის შემცირებას შორის კავშირს ზუსტი მექანიზმით ვერ ხსნის, თუმცა ვარაუდობს, რომ ეს შეიძლება უკავშირდებოდეს სისხლში მაღალი ესტროგენის რაოდენობის შემცირებას ბოჭკოთი მდიდარი საკვების გავლენით.
ამ და მსგავსმა კვლევებმა კიდევ ერთხელ შეგვახსენა და ხაზგასმით აჩვენა, რომ ახალგაზრდობის კვების ჩვევები მოგვიანებით ასაკში ჯანმრთელობაზე მნიშვნელოვან როლს თამაშობს. ჩვენც შეგვიძლია ვთქვათ, რომ ქალების მიერ ადრეულ ასაკში ბოჭკოთი მდიდარი საკვების მიღება მომავალში ძუძუს კიბოს პრევენციაში შეიძლება დაეხმაროს.
წყაროები
Dietary Fiber Intake in Young Adults and Breast Cancer Risk.
PEDIATRICS Volume 137, number 3, March 2016. DOI: 10.1542/peds.2015-1226
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.





მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.