კიბოს შესახებ გავრცელებული მცდარი წარმოდგენები: კიბოს მითები - 1

კიბოს დაწყებისა და გავრცელების შესახებ ხშირი, მეცნიერულად მცდარი განცხადებები, განსაკუთრებით ძველ თეორიებზე დაყრდნობით, შეიძლება აზრიანი ჩანდეს. მაგრამ მცდარი წარმოდგენები ზედმეტ შფოთვას და ეფექტიანი პრევენციისა თუ მკურნალობის გადაწყვეტილების შეფერხებასაც იწვევს. მომდევნო სტატიებში ნახავთ გავრცელებულ განცხადებებსა და მცდარ აღქმებზე თანამედროვე სამეცნიერო ინფორმაციას.
აუარესებს შაქრის მოხმარება კიბოს?
არა. მართალია კვლევები აჩვენებს, რომ კიბოს უჯრედები ნორმალურზე მეტ შაქარს (გლუკოზას) მოიხმარს, არცერთში შაქრით კიბოს გაუარესება ან შაქრის შეწყვეტით შემცირება თუ გაქრობა არ გამოვლენილა. თუმცა ჭარბი ტკბილეული წონის მატებას უწყობს ხელს და ცნობილია, რომ სიმსუქნე სულ მცირე 10 ტიპის კიბოს რისკს ზრდის.
იწვევს ხელოვნური დამატკბობლები კიბოს?
არა. მკვლევრებმა დამატკბობლების (საქარინი, ციკლამატი, ასპარტამი, კალიუმის აცესულფამი, სუკრალოზა, ნეოტამი) უსაფრთხოება შეისწავლეს და ადამიანში კიბოს გამომწვევობის მტკიცებულება ვერ იპოვეს. ციკლამატის გარდა ყველა მათგანის ამერიკაში გაყიდვა FDA-მ დაამტკიცა.
ნიშნავს კიბო სიცოცხლის დაკარგვას?
ჩვენს მსგავს სამედიცინო თვალსაზრისით განვითარებულ ქვეყნებში ბოლო 20 წლის განმავლობაში კიბოთი სიკვდილის ალბათობა სტაბილურად მცირდება. დღეს ძუძუს, პროსტატისა და ფარისებრი ჯირკვლის ზოგი კიბოს 5 წლიანი გადარჩენა %90-ზე მეტია. ყველა კიბოს 5 წლიანი გადარჩენა დაახლოებით %66-ია.
ეს მაჩვენებლები მრავალი ადამიანის მონაცემებს ეფუძნება. კონკრეტული პაციენტის სიცოცხლის ხანგრძლივობა და გადარჩენა დამოკიდებულია ზრდის სიჩქარეზე, გავრცელებაზე, ეფექტიანი მკურნალობის არსებობასა და ზოგად ჯანმრთელობაზე, სხვა მრავალ ფაქტორთან ერთად. უწყვეტი სამეცნიერო კვლევები ყოველდღიურად მეტ სიცოცხლეს გადაარჩენს.
წყაროები
Causes and Prevention, Risk Factors
https://www.cancer.gov/about-cancer/causes-prevention/risk/myths
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.





მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.