ფულვესტრანტი (Faslodex) შორს წასული ძუძუს კიბოს პირველი ხაზის მკურნალობაში იმედისმომცემია

ადრეული დიაგნოზით სრულად განკურნებად ქცეულ ძუძუს კიბოს მრავალი არჩევანი აქვს: ქირურგია, ქიმიო-, რადიო-, ჰორმონული და სამიზნე მკურნალობა. არჩევანი დამოკიდებულია სიმსივნის ბიოლოგიაზე, ტიპზე, ზომაზე, სხეულში გავრცელებასა და პაციენტის საერთო ფუნქციურ მდგომარეობაზე.
ძუძუს კიბო ოთხ ძირითად ტიპად განიხილება. ყველაზე ხშირი ჯგუფია ჰორმონრეცეპტორდადებითი ანუ ჰორმონული მკურნალობით სარგებლის მიმღები, რომელიც თითქმის ყველა ძუძუს კიბოს %50-ზე მეტს შეადგენს. ძირითადი სტრატეგიის კიდევ ერთი პაციენტთან დაკავშირებული ფაქტორი მენოპაუზაა. მენოპაუზის შემდეგ ჰორმონმგრძნობიარე მეტასტაზურ პაციენტებში ჰორმონულ მკურნალობაზე პასუხი თითქმის ქიმიოთერაპიაზე მეტია. უმართებულესია ქიმიოთერაპიამდე ჰორმონულით დაწყება. დღევანდელი კვლევა მეტასტაზურ ჰორმონმგრძნობიარე კიბოში მიდგომას შეცვლის. ზოგადი სტრატეგიაა სქემის გამოყენება მანამ, სანამ მუშაობს, პასუხი არის და აუტანელი გვერდითი მოვლენა არ ჩანს. ექიმებს ყველაზე სასარგებლო და ნაკლებად საზიანო არჩევანი გვსურს.
ერთ-ერთი პატივსაცემი ონკოლოგიური ჟურნალის, Journal of Clinical Oncology-ისსექტემბრის, 2015 წლის ნომერში გამოქვეყნებულ კვლევაში მენოპაუზის შემდგომ ჰორმონრეცეპტორდადებით ქალებში ადრე მეორე ხაზში სასურველი ჰორმონული წამლის, ფულვესტრანტის, პირველ ხაზში, ანუ პირველ არჩევანად გამოყენებამ გასაოცარი სარგებელი მოიტანა.
- კვლევაში მენოპაუზის შემდგომ ძუძუს კიბოს მქონე 205 ქალი ჩართეს. მათ შორს წასული დაავადებისთვის ადრე მკურნალობა არ ჰქონდათ მიღებული და ჰორმონის (ესტროგენის) რეცეპტორი დადებითი იყო. ადგილობრივად შორს წასული ან შორს წასული დაავადების მქონეთა ნაწილს ფულვესტრანტი (Faslodex), სხვებს კი სტანდარტული პირველი ხაზის ჰორმონული ანასტროზოლი (Arimidex) მისცეს.
- შედეგების ანალიზისას, დადებითი პასუხი (კლინიკური სარგებელი) ფულვესტრანტზე % 72, ანასტროზოლზე %67 იყო; გაუარესებამდე მედიანური დრო ფულვესტრანტისთვის 23, Arimidex-ისთვის კი 13 თვე. ფულვესტრანტის სარგებლის ხანგრძლივობა თითქმის ორმაგი აღმოჩნდა და ამ დადებითმა სხვაობამ სიცოცხლეც მნიშვნელოვნად გაახანგრძლივა.
ჩვენს ქვეყანაში ჯერ მხოლოდ მეორე ხაზისთვის დამტკიცებული ფულვესტრანტი (Faslodex), ვფიქრობთ, ამ კვლევით პირველ ხაზშიც გამოყენებისკენ უბიძგებს. სიცოცხლის გამახანგრძლივებელი, მძიმე გვერდითი მოვლენების არმქონე და პაციენტის ქიმიოთერაპიისგან შეძლებისდაგვარად დამცავი მკურნალობების წარმატება ონკოლოგებს გვახარებს და იმედს ყოველდღე წინ სწევს.
წყაროები
Fulvestrant 500 mg Versus Anastrozole 1 mg for the First-Line Treatment of Advanced Breast Cancer: Overall Survival Analysis From the Phase II FIRST Study.
J Clin Oncol. 2015 Sep 14. pii: JCO.2015.61.5831.
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.





მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.