ASCO 2020 B.J. Kennedy-ის ჯილდო გერიატრიულ ონკოლოგიაში მუშაობისთვის დოქტორ Andrew E. Chapman-ს გადაეცა

Byrl James „BJ“ Kennedy იყო ამერიკელი ექიმი, რომელსაც „სამედიცინო ონკოლოგიის მამად“ მიიჩნევენ. 1972 წელს ის სამედიცინო ონკოლოგიის დამფუძნებელი გახდა. მრავალწლიანი ონკოლოგიური მუშაობის შემდეგ დოქტორი Kennedy 6 აპრილს 2003 წელს მრავლობითი მიელომით გარდაიცვალა..
2007 წლიდან ASCO-მ (ამერიკის კლინიკური ონკოლოგიის საზოგადოება) BJ Kennedy-ის პატივსაცემად მისი სახელობის ჯილდოს გადაცემა დაიწყო ხანდაზმულთა კიბოს კვლევაში, დიაგნოსტიკასა და მკურნალობაში განსაკუთრებული წვლილის მქონე მეცნიერებისთვის.
2020 წლის BJ Kennedy-ის ჯილდო გერიატრიულ (ხანდაზმულთა) ონკოლოგიაში მუშაობის გამო დოქტორ Andrew E. Chapman-ს მიენიჭა. თავის განცხადებაში დოქტორი Chapman ამბობდა: „ამ მნიშვნელოვანი ჯილდოს მიღება ჩემთვის დიდი პატივია“. „ეს ჯილდო მხოლოდ ჩემთვის კი არა, მთელი გერიატრიული ონკოლოგიის ოჯახისთვის მნიშვნელოვანია. ის ASCO-ს ყოველწლიურ შეხვედრაზე ყოველ წელს ჩვენი სფეროს გახსენებას უწყობს ხელს.“
მზარდი საჭიროება
საიდუმლო არ არის, რომ მოსახლეობის დაბერებასთან ერთად კიბოს შემთხვევებისა და გადარჩენილი ხანდაზმული პაციენტების რაოდენობა მნიშვნელოვნად გაიზრდება. პრაქტიკაში დოქტორი Chapman წლებია ამ ხანდაზმული მოსახლეობის მკურნალობის სირთულეებს აწყდება.
„ფილადელფიის ჩრდილო-აღმოსავლეთ ნაწილში, სადაც ვმუშაობდი, კიბოს დიაგნოზის მქონე პაციენტების საშუალო ასაკი 80-იანი წლების შუაში იყო,“ — ამბობდა დოქტორი Chapman. „ამ პაციენტების დანახვისას დიდი ხნის განმავლობაში ძლიერ იმედგაცრუებას ვგრძნობდი, რადგან მეგონა, მათთვის კიდევ ბევრი რამ შეგვეძლო და უნდა გაგვეკეთებინა“.
იმ დროს დოქტორმა Chapman-მა, მრავალი სამედიცინო ონკოლოგის მსგავსად, იცოდა ხანდაზმული კიბოს პაციენტების მკურნალობა — მისი პაციენტების უდიდესი ნაწილი სწორედ ამ ასაკობრივ ჯგუფს ეკუთვნოდა. თუმცა ერთ დღეს „გერიატრიული ონკოლოგიის“ პანელს დაესწრო.
„ამან ნამდვილად დამაინტერესა“, — თქვა დოქტორმა Chapman-მა. „ლიტერატურის გაცნობა დავიწყე და გაოცებული დავრჩი, როცა აღმოვაჩინე, რომ არსებობდა სპეციალურად ხანდაზმული პაციენტების საჭიროებებზე ორიენტირებული სფერო.“
მიღებული შთაგონებით Chapman-მა გერიატრიული ონკოლოგიის პროგრამა დაიწყო და თავისი განყოფილების კოლეგებთან თანამშრომლობას შეუდგა.
მისი აზრით, ამ პაციენტებს რთული სამკურნალო პროცესი ჰქონდათ და გუნდური მოვლა სჭირდებოდათ. ყველა საკითხი მთლიანობაში უნდა განხილულიყო და წინ წამოწეულიყო ის, რის მიღწევაც თავად პაციენტებს სურდათ მოვლის პერიოდში.
დღეს Chapman-ის გუნდი შედგება სამედიცინო ონკოლოგისგან, გერიატრისგან, ფარმაცევტისგან, კვების სპეციალისტისგან, სოციალური მუშაკისგან და მალე ფიზიოთერაპევტიც დაემატება. ხანდაზმული კიბოს პაციენტებისადმი ამ მთლიანობითმა მიდგომამ მას ეს ღირებული ჯილდო მოუტანა.
წყაროები
Dr. Andrew E. Chapman to Receive the 2020 B.J. Kennedy Award for a Lifetime of Work in the Field of Geriatric Oncology.
dailynews.ascopubs.org - 13 May 2020.
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.




მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.