Facebook-ის დამფუძნებელი ცუკერბერგი უჯრედების რუკის შედგენას შეუდგა

Facebook-ის დამფუძნებლის მარკ ცუკერბერგისა და მისი პედიატრი მეუღლის პრისცილა ჩანის მიერ განხორციელებული 3 მილიარდი დოლარის ინვესტიციით მეცნიერები ადამიანის სხეულის ყველა უჯრედის რუკის შედგენას გეგმავენ.
Chan Zuckerberg Initiative-ის სამეცნიერო ხელმძღვანელისა და ამავე დროს ნეირომეცნიერის, კორი ბარგმანის თქმით, ადამიანის უჯრედების ატლასის პროექტი, ადამიანის გენომის პროექტივით ფართომასშტაბიანი პროექტია.
ამ პროექტში შეისწავლიან ადამიანის ორგანიზმში არსებულ 200-ზე მეტი განსხვავებული ტიპის სულ 30 ტრილიონ უჯრედს. ამ გზით გამოიკვლევენ უჯრედების თვისებებს, მათ მუშაობას, ერთმანეთთან ურთიერთკავშირსა და სხეულის სხვადასხვა ნაწილში არსებული უჯრედების განსხვავებების გავლენას. ამგვარად, ნორმალური უჯრედების შესწავლიდან გამომდინარე, უკეთ გაიგებენ კიბოს უჯრედების აგებულებას.
მეცნიერებმა ჯერ არ იციან, რამდენ უჯრედს შეიძლება ჰქონდეს განსაკუთრებული ფუნქცია. ამ კითხვაზე პასუხს დიდი მნიშვნელობა აქვს ჯანსაღი ორგანიზმის მუშაობისა და დაავადებების გასაგებად.
კალიფორნიაში გამართულ 2017 Big Data in Biomedicine კონგრესზე გამოსვლისას დოქტორმა ბარგმანმა თქვა, რომ ეს კვლევა მედიცინისა და ბიოლოგიის მეცნიერებებს ერთი ნაბიჯით წინ წასწევს.
უჯრედების ატლასის პროექტი, Biohub სახელწოდების გაერთიანების ნაწილია. Biohub, რომელიც თავს დამოუკიდებელ არაკომერციულ ორგანიზაციად წარადგენს, სან-ფრანცისკოს ყურის რეგიონის მეცნიერების გასაერთიანებლად შეიქმნა.
Chan Zuckerberg Initiative-ის მიზანია ამ საუკუნის ბოლომდე ყველა დაავადების მკურნალობის, პრევენციის ან კონტროლის შესაძლებლობა არსებობდეს.
მკვლევრები აღიარებენ, რომ ეს მიზანი გიჟურად ჟღერს და ამბობენ: „ადამიანის ორგანიზმის თითოეული უჯრედის რუკაზე დატანა ამბიციური მიზანია და საერთაშორისო სამეცნიერო საზოგადოება მზად არის ამ გამოწვევისთვის. ამ საქმეს გუნდურად მომუშავე ბიოლოგები, ინჟინრები და ტექნოლოგები სჭირდება. ‘Chan Zuckerberg Biohub’ ამ დიდი მიზნის ნაწილად ყოფნით ამაყობს.“
მიუხედავად იმისა, რომ ეს მიზანი შორეული ჩანს, საუკუნის დასასრულამდე ჯერ კიდევ 83 წელია. 1934 წელს არ არსებობდა ანტიბიოტიკები, ქიმიოთერაპია და არტერიული წნევის წამლები. ამასთანავე, ცნობილი არ იყო კავშირი კიბოსა და თამბაქოს მოხმარებას შორის. ეს ყველაფერი დღემდე გასულ მხოლოდ 83 წელიწადში აღმოაჩინეს.
წყაროები
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.





მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.