ქალი, რომელსაც სჯეროდა, რომ სამყაროს სიკეთე გადაარჩენდა - Tessa Jowell ტვინის კიბოთი გარდაიცვალა

წარმატებებით სავსე ცხოვრების მქონე ქალს ტვინის კიბო რომ დაემართა, ახლობლები მისი ავადმყოფობის გამო ცრემლს ღვრიდნენ, Tessa Jowel-მა კი თქვა: „არ მეშინია. კარგად ვიცი ჩემი მიზანი და რა მსურს, მაგრამ საიდან ვიცოდე, რამდენ ხანს ვიცოცხლებ? ყველაფერს გავაკეთებ, რომ ეს დრო კარგად გამოვიყენო და გავახანგრძლივო.“ მკურნალობისასაც, მიუხედავად სიცოცხლის დასასრულის მოახლოების განცდისა, სხვა ადამიანებისთვის სასარგებლო ქმედებებს აგრძელებდა.

ვინ არის Tessa Jowell?

Dame Tessa Jowell 1947 წელს ლონდონში დაიბადა და აბერდინის წმინდა მარგარეტის გოგონათა სკოლაში სწავლობდა. უმაღლესი სწავლა აბერდინის უნივერსიტეტში გააგრძელა, შემდეგ ედინბურგისა და ლონდონის Goldsmiths უნივერსიტეტებშიც საქმიანობდა.

Dame Tessa 1992 წელს Dulwich-ის ლეიბორისტი დეპუტატი გახდა და პოლიტიკურ სცენაზე გამოჩნდა. სიცოცხლის ბოლოს ბრიტანეთის ყოფილ პრემიერ Tony Blair-თან კამპანიებს ატარებდა. სიკვდილის მოლოდინის მიუხედავად მომავალზე ფიქრობდა და ხალხის დასახმარებლად ყველაფერს გასცემდა. ეკავა კულტურის, ოლიმპიადის, კაბინეტის ოფისის, ლონდონის მინისტრისა და გენერალური დირექტორის მოადგილის მნიშვნელოვანი თანამდებობები.

როგორც მუშათა მხარდამჭერი და პოლიტიკოსი, ყველაფერს ღირებულებას მატებდა, ქალთა თანაბარ ანაზღაურებას უზრუნველყოფდა, ბავშვებისთვის Sure Start დიდი პროგრამა დაიწყო და ინგლისში 2012 ოლიმპიადა მან მოიტანა.

მეორე ქმარზე, ადვოკატ David Mills-ზე, დაახლოებით 27 წელი იყო დაქორწინებული. დაშორების შემდეგ ქმრის იტალიის პრემიერ Silvio Berlusconi-სთან კავშირებზე დავა დაიწყო. 2012 წელს BBC Woman's Hour-ს Dame Tessa ეუბნებოდა, მან მითხრა, „ჩემი პრობლემა ხარ, ჩემი საზრუნავი ხარ“ და დავშორდით. „ძალიან მატკინა გული.“ თქვა მან.

Dame Tessa-ს პირველად 2017 წლის მაისში სწრაფი გავრცელებისა და ზრდის გამო მაღალი ხარისხის ტვინის სიმსივნედ კლასიფიცირებული გლიობლასტომა (GBM-4) დაუდგინდა. BBC-ს უთხრა: „ტვინის მწვავე და ძალიან მძიმე კიბო დამიდგინეს. მანამდე არანაირი სიმპტომი ან ნიშანი არ ყოფილა. ვიფიქრე, ამ კიბოს გავუმკლავდები."

ოჯახმა დიდი მწუხარებით განაცხადა, რომ 12 მაისს 2018 წელს, 70 წლის ასაკში, სახლში გარდაიცვალა. პრემიერ Theresa May-ის თქმით, ავადმყოფობისას მისი ღირსება და სიმამაცე „თავმდაბალი“ და „შთამაგონებელი“ იყო, ხოლო კამპანია მთელი ცხოვრების საჯარო სამსახურის მუდმივი პატივისცემაა.

IAAF-ის პრეზიდენტმა და ლონდონის ოლიმპიადის საორგანიზაციო კომიტეტის ყოფილმა უფროსმა Lord Sebastian Coe-მ თქვა, რომ ლონდონის 2012 ოლიმპიადა Dame Tessa-ს გარეშე არ ჩატარდებოდა.

„საბოლოოდ სიცოცხლეს მნიშვნელობას ანიჭებს არა მხოლოდ ის, როგორ ვიცხოვრეთ, არამედ ისიც, როგორ დასრულდა.“ ამბობდა ერთ გამოსვლაში. სურდა, ამ სიტყვებს სხვა კიბოს პაციენტებისთვის იმედი მიეცა და მათ კიბოსთან ერთადაც ეცხოვრათ. ყოფილმა პრემიერმა Tony Blair-მა BBC-ს ქებით უთხრა, ის „ყოველთვის მართალი, ერთგული, კეთილგანწყობილი და ბრძენი საჯარო მოხელე“ იყო.

მთელი ცხოვრება მამაცი, ძლიერი, მზრუნველი აქტივისტი და ქალთა უფლებების დამცველი Tessa Jowel ჩვენთვის ასევე მაისში, 2009 წელს, ძუძუს კიბოთი გარდაცვლილ Türkan Saylan მასწავლებელს გვახსენებდა. პროფესორი, დოქტორი Türkan Saylan ექიმი იყო, რომელმაც თურქეთში განათლებას, ჯანდაცვასა და სხვა სფეროებს დიდი წვლილი შესწირა და უამრავი ადგილობრივი თუ საერთაშორისო წარმატებული საქმე გააკეთა.

13 დეკემბერს 1935 წელს სტამბოლში დაბადებულმა Saylan-მა Kandilli-ის გოგონათა ლიცეუმი და სტამბოლის მედიცინის ფაკულტეტი დაამთავრა. 1968 წელს დერმატოვენეროლოგიის სპეციალობა მიიღო და 1968 წელს სტამბოლის უნივერსიტეტის დერმატოლოგიაში უფროს ასისტენტად დაიწყო მუშაობა.

1976 წელს ლეპრის, ანუ კეთრის, კვლევა დაიწყო და კეთრთან ბრძოლის ასოციაცია და ფონდი შექმნა. 1986 წელს ინდოეთში „საერთაშორისო განდის პრემია“ მიიღო. 2006 წლამდე WHO-ს კეთრის მრჩეველი იყო, ასევე საერთაშორისო ლეპრის კავშირის დამფუძნებელი წევრი და ვიცეპრეზიდენტი.

სტატია Rana Şahnaz-ის წიგნიდან „მარტოობის ტანგო“ ძლიერი ქალების აღმწერი ციტატით დავასრულოთ:

არცერთი გოგონა ძლიერ ქალად არ იბადება. ყველა უდანაშაულო ოცნებების მქონე განებივრებულ პრინცესას ჰგავს. ბედისწერა აქცევს მათ ჯადოქრად, მაცდურად ან ძლიერ ქალად. შეუსრულებელი დაპირებები, დაუსრულებელი ბედისწერა, განუცდელი ბედნიერება, სიკვდილი და განშორება ადამიანს ძალას აძლევს. როდესაც ოცნებები კარტის კოშკივით ინგრევა, ღმერთი ადამიანს ძალას აძლევს, რომ ამ ნანგრევებში არ გაისრისოს...