კიბოს მითები - 3: ხელოვნური დამატკბობლების, მობილური ტელეფონების, ელექტროგადამცემი ხაზებისა და მცენარეული პროდუქტების კავშირი კიბოსთან

ამ სტატიაში განვიხილეთ ჩვენს ცხოვრებაში სულ უფრო მნიშვნელოვანი ხელოვნური დამატკბობლების, მობილური ტელეფონების, ელექტროგადამცემი ხაზებისა და მცენარეული მკურნალობების კიბოსთან კავშირი.
იწვევს ხელოვნური დამატკბობლები კიბოს?
არა. მკვლევრებმა ხელოვნური დამატკბობლების (საქარინი, ციკლამატი, ასპარტამი, კალიუმის აცესულფამი, სუკრალოზა, ნეოტამი) უსაფრთხოება შეისწავლეს და ადამიანში კიბოს გამომწვევობის მტკიცებულება ვერ იპოვეს. ციკლამატის გარდა ყველა მათგანის ამერიკაში გაყიდვა FDA-მ დაამტკიცა.
იწვევს მობილური ტელეფონი კიბოს?
არა. არსებული კვლევებით მობილური ტელეფონი კიბოს არ იწვევს. ზოგ კიბოს გენეტიკური მუტაციები წარმოქმნის, ტელეფონები კი გენების არდამაზიანებელ დაბალი სიხშირის ენერგიას ასხივებს.
იწვევს ელექტროგადამცემი ხაზები კიბოს?
არა. კვლევებით ხაზები კიბოს არ იწვევს. ისინი ელექტრულ და მაგნიტურ ენერგიას ასხივებს. ელექტრული ენერგია კედლებითა და სხვა საგნებით შეიძლება დაიბლოკოს ან შესუსტდეს, მაგნიტური კი გენების არდამაზიანებელი დაბალი სიხშირის გამოსხივებაა.
არსებობს კიბოს მკურნალი მცენარეული პროდუქტები?
არა. ალტერნატიულ ან დამატებით მკურნალობად შეთავაზებული ზოგი ბალახი კიბოს ან მკურნალობის გულისრევის, სისუსტისა და მადის დაკარგვის მსგავსი გვერდითი მოვლენების დასაძლევადაა რეკომენდებული. თუმცა კვლევებში არცერთი მცენარეული პროდუქტი კიბოს სამკურნალოდ ეფექტიანი არ აღმოჩნდა. პირიქით, ზოგმა ქიმიოთერაპიასა ან რადიოთერაპიასთან ურთიერთქმედებით ზიანი შეიძლება მიაყენოს. ამიტომ პაციენტმა გამოყენებამდე ექიმს უნდა ჰკითხოს დამატებითი და ალტერნატიული დანამატების, ვიტამინებისა და მცენარეული საშუალებების ჩათვლით.
წყაროები
Causes and Prevention, Risk Factors
https://www.cancer.gov/about-cancer/causes-prevention/risk/myths
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.





მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.