Xərçəng mifləri - 3: Süni şirinləşdiricilər, mobil telefonlar, elektrik xətləri, bitki məhsulları və xərçəng əlaqəsi

Bu yazıda həyatımızdakı yeri gündən-günə artan süni şirinləşdiricilərin, mobil telefonların, elektrik xətlərinin və bitki müalicələrinin xərçənglə əlaqəsinə toxunduq.
Süni şirinləşdiricilər xərçəng yaradırmı?
Xeyr. Araşdırmaçılar süni şirinləşdiricilərin (saxarin, siklamat, aspartam, asesulfam kalium, sukraloza, neotam) təhlükəsizliyini araşdırmaq üçün tədqiqatlar aparmış və insanda xərçəng yaratdığına dair sübut tapmamışlar. Siklamatdan başqa hamısının Amerikada satışı Amerika Dərman İdarəsi (FDA) tərəfindən təsdiqlənmişdir.
Mobil telefonlar xərçəng yaradırmı?
Xeyr. Araşdırmalara görə mobil telefonlar xərçəng yaratmır. Genetik mutasiyalar bəzi xərçənglərin inkişafına səbəb olur. Lakin mobil telefonlar genlərə zərər verməyən aşağı tezlikli enerji növü yayır.
Elektrik xətləri xərçəng yaradırmı?
Xeyr. Araşdırmalara görə elektrik xətləri xərçəng yaratmır. Həm elektrik, həm də maqnit enerjisi yayırlar. Yayılan elektrik enerjisi divarlar və başqa əşyalarla dayandırıla və ya zəiflədilə bilər. Maqnit enerjisi isə genlərə zərər verməyən aşağı tezlikli radiasiyadır.
Xərçəngi müalicə edən bitki məhsulları varmı?
Xeyr. Alternativ və ya tamamlayıcı müalicə kimi təqdim edilən bəzi şəfalı otlar xərçəngin özünə və ya müalicəsinə bağlı ürəkbulanma, halsızlıq, iştahasızlıq kimi yan təsirlərin öhdəsindən gəlmək üçün tövsiyə edilir. Lakin araşdırmalarda heç bir bitki məhsulunun xərçəng müalicəsində təsirli olduğu görülməmişdir. Əksinə, bəziləri kimyaterapiya və ya radioterapiya zamanı qəbul edildikdə qarşılıqlı təsirə girib zərərli ola bilər. Buna görə xəstələr tamamlayıcı və alternativ əlavələri (vitaminlər və bitki əlavələri daxil) istifadə etməzdən əvvəl həkimlə məsləhətləşməlidirlər.
Mənbələr
Causes and Prevention, Risk Factors
https://www.cancer.gov/about-cancer/causes-prevention/risk/myths
Bu məqalə sizə faydalı oldu?
Rəyiniz məzmunumuzu yaxşılaşdırmağa kömək edir.





Oxucu şərhləri
Şərhinizi paylaşın
Adınız və şərhiniz yalnız administrator təsdiqindən sonra dərc olunur. E-poçt ünvanınız ziyarətçilərə heç vaxt göstərilmir.
İlk şərhi siz yazın.