კიბოს მითები - 5: არის კიბო მემკვიდრეობითი? იწვევს დეზოდორანტი და თმის საღებავი კიბოს?

„კიბოს შესახებ გავრცელებული მცდარი წარმოდგენების“ ბოლო სტატიაში ოჯახურ კიბოს და დეზოდორანტებისა და თმის საღებავების კიბოს რისკთან კავშირს შევეხეთ.
თუ ოჯახში კიბო ყოფილა, მეც დამემართება?
ოჯახში კიბო აუცილებელად თქვენთან განვითარებას არ ნიშნავს. კიბოს გენების მავნე ცვლილებები (მუტაციები) იწვევს, მაგრამ მემკვიდრეობით მიღებული მავნე მუტაციები კიბოების მხოლოდ დაახლოებით %5-10-ის მიზეზია. ასეთი მუტაციის მქონე ოჯახებში რამდენიმე ადამიანს ხშირად ერთი ტიპის კიბო უვითარდება. მას ოჯახურ ან მემკვიდრეობით კიბოს უწოდებენ.
მემკვიდრეობითი მიზეზით თუ მოწევის, სიმსუქნისა და ინფექციების მსგავსი გარემო ფაქტორებით წარმოქმნილი კიბო გენეტიკური დაავადებაა: მისთვის გენეტიკური ცვლილებები (მუტაციები) აუცილებელია. უმეტესობა დაბერებასა და სიცოცხლეში სხვადასხვა გარემო ზემოქმედებას უკავშირდება. ასეთ კიბოებს არამემკვიდრეობით ან სპონტანურად წარმოქმნილ კიბოს უწოდებენ.
თუ ოჯახში კიბო არავის ჰქონია, ეს ნიშნავს, რომ არც მე დამემართება?
არა. ბოლო მონაცემებით ქალებისა და მამაკაცების დაახლოებით %40 სიცოცხლის რომელიმე ეტაპზე კიბოთი დაავადდება. გენეტიკური ცვლილებებით წარმოქმნილი მრავალი კიბო ასაკსა და გარემო ფაქტორებს უკავშირდება (მოწევა, სიმსუქნე, უმოძრაობა, ვირუსები, ალკოჰოლი, მზე, გარემოს რადიაცია და რადონი). კვების სახეობა, რაოდენობა და ვარჯიშიც კიბოს განვითარების რისკზე მოქმედებს.
იწვევს ოფლის საწინააღმდეგო საშუალებები ან დეზოდორანტები ძუძუს კიბოს?
არა. კვლევებს ჯერ არ მოუპოვებია მტკიცებულება, რომ ამ პროდუქტებში არსებული ქიმიკატები კიბოს იწვევს.
ზრდის თმის საღებავი კიბოს რისკს?
კვლევებში დამაჯერებელი მტკიცებულება არ არსებობს, რომ თმის საღებავი კიბოს რისკს ზრდის. თუმცა ზოგი კვლევა ვარაუდობს, რომ დიდი რაოდენობით საღებავსა და ქიმიკატებთან რეგულარულად შეხებაში მყოფ პარიკმახერებსა და დალაქებში შარდის ბუშტის კიბოს რისკი შეიძლება მაღალი იყოს.
წყაროები
Causes and Prevention, Risk Factors
https://www.cancer.gov/about-cancer/causes-prevention/risk/myths
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.





მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.