კიბოს მქონე პაციენტის სქესობრივი ცხოვრება — სირთულეები და გადაჭრის რეკომენდაციები

ქირურგიული მკურნალობის, ქიმიოთერაპიისა და ჰორმონული თერაპიის შემდეგ ადამიანის სხეულში მუდმივ ცვლილებებსა და ფსიქოლოგიურად მტკივნეულ ცვლილებებთან ერთად ჰორმონულ წონასწორობაშიც სერიოზული ცვლილებები ხდება. ზოგი ქალი ქიმიოთერაპიის შემდეგ დროებით ან მუდმივ მენოპაუზაში შედის, ანუ საკვერცხეების ფუნქცია ჩერდება. მკურნალობის ეფექტიანობისა და წარმატების გასაზრდელად ზოგ პაციენტში, რომელსაც მენოპაუზა ჯერ არ დაწყებია, სპეციალური წამლებით საკვერცხეების ფუნქციას ვთრგუნავთ და ამით მენოპაუზას ვიწვევთ. ყველა ეს მდგომარეობა იწვევს:

• ქალებში საშოს სიმშრალეს
• როგორც მამაკაცებში, ისე ქალებში სექსუალური სურვილის დაქვეითებასა და განცდას, რომ მიმზიდველი აღარ არიან,
• ქალებში სქესობრივი კავშირის დროს ტკივილს
• როგორც მამაკაცებში, ისე ქალებში შიშს, რომ აღარავის სურს ისინი
• მამაკაცებში ერექციისა და ეაკულაციის პრობლემებს.

ასეთ პირობებში კიბოს მქონე პაციენტისა და მისი მეუღლისგან ჯანსაღი სქესობრივი ცხოვრების მოლოდინი არ შეიძლება.

ამ პრობლემების დეტალური განხილვისას ცნობილია, რომ მათი 2/3 მოკლე შეფასების, რამდენიმე რჩევისა და პაციენტისა და მეუღლისთვის თავდაჯერებულობის მინიჭების შედეგად შეიძლება გადაიჭრას. დარჩენილი მცირე ნაწილის დაძლევა კი მათთვის რეკომენდებული სამედიცინო და ფსიქოლოგიური მხარდაჭერით არის შესაძლებელი.

კონტრაცეფცია კიბოს მკურნალობის დროს

კიბოს მკურნალობისას სქესობრივი კავშირის დროს კონტრაცეფციის მეთოდების გამოყენება ორსულობის რისკის თავიდან აცილებას ეხმარება. ამ პერიოდში დაორსულებას ახლავს შეზღუდული შესაძლებლობის მქონე ბავშვის, მუცლის მოშლისა და, შესაბამისად, აბორტის რისკი. ისეთი კონტრაცეფციის გამოყენება, როგორიცაა სპერმიციდი (სპერმის დამღუპველი საშუალება) და პრეზერვატივი, მკურნალობისას თქვენს სქესობრივ ცხოვრებაში რისკფაქტორებს მინიმუმამდე შეამცირებს.

მკურნალობის პერიოდში კონტრაცეფციის შესახებ ექიმს ესაუბრეთ. კიბოს მკურნალობის დასრულების შემდეგ შესაძლებელია ჯანსაღი ორსულობა და ბავშვის ყოლა.