Xərçəng xəstəsinin cinsi həyatı – Çətinliklər və həll tövsiyələri

Cərrahi müalicə, kimyaterapiya və hormonal müalicələrdən sonra insanın bədənində daimi və psixologiyasında zədələyici dəyişikliklərlə yanaşı hormonal tarazlığında da ciddi dəyişikliklər olur. Bəzi qadın xəstələr kimyaterapiyadan sonra müvəqqəti və ya daimi menopauzaya girir (yumurtalıq funksiyaları dayanır). Müalicənin effektivliyini və uğurunu artırmaq məqsədilə menopauzaya girməmiş bəzi xəstələrin yumurtalıq funksiyalarını xüsusi dərmanlarla susdurur, yəni menopauzaya girmələrini təmin edirik. Bütün bu hallar:

• Qadınlarda vaginal quruluğa
• Həm kişilərdə, həm də qadınlarda cinsi istəksizliyə və bəyənilməmək hissinə,
• Qadınlarda cinsi əlaqə zamanı ağrıya
• Həm kişilərdə, həm də qadınlarda arzu edilməmək qorxusuna
• Kişilərdə ereksiya və boşalma problemlərinə gətirib çıxarır.

Bu şəraitdə xərçəngli xəstənin və həyat yoldaşının sağlam cinsi həyat yaşamasını gözləmək olmaz.

Bütün bu problemlərin təfərrüatlarına baxıldıqda problemlərin 2/3-nin qısa qiymətləndirmədən sonra bir neçə tövsiyə ilə xəstəyə və həyat yoldaşına inam aşılanması nəticəsində həll edilə biləcəyi məlumdur. Geridə qalan az bir hissəsinin isə xəstəyə və həyat yoldaşına tövsiyə edilə biləcək tibbi və psixoloji dəstəklərlə öhdəsindən gəlmək mümkündür.

Xərçəng müalicəsi davam edərkən hamiləlikdən qorunma

Xərçəng müalicəsi alarkən cinsi əlaqədə hamiləlikdən qorunma üsullarının istifadəsi hamiləlik riskinin qarşısını almağa kömək edir. Xərçəng müalicəsi zamanı hamilə qalmaq əlilliyi olan uşaq, düşük və təbii olaraq abort riski daşıyır. Spermisid (sperma öldürücü) və prezervativ kimi qorunma üsullarının istifadəsi müalicə dövründə cinsi həyatınızdakı risk amillərini minimuma endirəcəkdir.

Müalicə müddətində hamiləlikdən qorunma barədə həkiminizlə danışın. Xərçəng müalicəniz bitdikdən sonra sağlam hamiləlik keçirərək uşaq sahibi olmağınız mümkündür.