კიბოს ტიპების მიხედვით დიაგნოსტიკისა და მკურნალობის განყოფილებას ნაზოფარინქსის (ზედა ხახის) კიბოს ნაწილი დაემატა
ნაზოფარინქსის (ზედა ხახის) კიბო ვითარდება ცხვირის ღრუს უკან მდებარე ზედა ხახის ზედაპირიდან. მსოფლიოში ყოველწლიურად 80,000 ახალი დიაგნოზი ისმება და დაავადებით 50,000 ადამიანი იღუპება, თუმცა მნიშვნელოვანი რეგიონული და რასობრივი განსხვავებები არსებობს. ყველაზე ხშირად ნაზოფარინქსის კიბო სამხრეთ ჩინეთში, სამხრეთ-აღმოსავლეთ აზიაში, ჩრდილოეთ აფრიკასა და პოლარულ რეგიონში გვხვდება.
არადიფერენცირებული, არაკერატინიზებული ბრტყელუჯრედოვანი კარცინომა ყველაზე ხშირი ჰისტოლოგიური ქვეტიპია. მამაკაცებში ქალებზე 2-3-ჯერ ხშირია. მაღალი რისკის საზოგადოებებში ყველაზე ხშირია 50-59 წლის ასაკში, დაბალი რისკის საზოგადოებებში კი სიხშირე ზოგადად ასაკთან ერთად იზრდება.
ნაზოფარინქსის კიბოს სიხშირის გეოგრაფიული ცვალებადობა მის მრავალფაქტორულ წარმოშობაზე მიუთითებს. ხშირი გავრცელების საზოგადოებებში რისკზე მრავალი ფაქტორი მოქმედებს: Ebstein-Barr ვირუსის (EBV) ინფექცია, გენეტიკური მიდრეკილება, მოწევა და გარემო ფაქტორები, მაგალითად ხანგრძლივი შენახვის დანამატების შემცველი საკვები. ახალგაზრდა მოზრდილთა შემთხვევები გვაფიქრებინებს, რომ ადრეულ ასაკში ზოგი გავრცელებული ქიმიური ნივთიერების ზემოქმედება შეიძლება გადამწყვეტი იყოს. განვითარებულ და ჩვენი მსგავსი განვითარებადი ქვეყნების შემთხვევაში ძირითადი მიზეზები, თავისა და კისრის სხვა კიბოების მსგავსად, მოწევა და ალკოჰოლია.
წყაროები
2. Chang ET, Adami HO. The enigmatic epidemiology of nasopharyngeal carcinoma. Cancer Epidemiol Biomarkers Prev 2006; 15:1765.
3. Barnes L, Eveson JW, Reichart P, Sidransky D. Pathology and Genetics of Head and Neck Tumours. In: World Health Organization Classification of Tumors, IARC Press, Lyon 2005.
4. Ferlay J, Bray F, Pisani P, Parkin DM. GLOBOCAN 2002: Cancer Incidence, Mortality and Prevalence Worldwide. In: IARC CancerBase, 5, IARC Press, Lyon 2005. Vol 2.0.
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.
მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.