მადის დაკარგვა

მადის დაკარგვა არის ჭამის სურვილის დაქვეითება. ეს წონის კლებას იწვევს. წონის კლება ყოველდღიურ აქტივობებზე მოქმედებს და შეიძლება სისუსტე და ძალაგამოცლილობა გაგრძნობინოთ. სწორი კვება წინააღმდეგობის უნარს ზრდის და ორგანიზმს ინფექციებისგან დაცვაში ეხმარება.
ამასთან, წონის ან მადის დაკარგვა კიბოს ან მისი მკურნალობის ერთ-ერთ გვერდით მოვლენად შეიძლება განვითარდეს. გამოჯანმრთელებასა და მკურნალობის ეფექტის ზრდაში დაბალანსებული კვება და ძლიერი მეტაბოლიზმი მნიშვნელოვან როლს ასრულებს. ამიტომ წონის გარკვეულ დონეზე შენარჩუნება თქვენთვის სასარგებლოა.
როგორ შეიძლება მადის გაღვივება?
წონის გარკვეულ დონეზე შენარჩუნება მნიშვნელოვანია ყოველდღიური აქტივობების შესრულებისა და მკურნალობის წარმატებისთვის. ამიტომ წონის შესანარჩუნებლად:
გააღვივეთ მადა:
- შეეცადეთ დღეში 5-6-ჯერ მცირე ულუფებით მიირთვათ. ეს თავიდან აგაცილებთ ერთ ჯერზე ბევრი ჭამით გამოწვეულ დანაყრებასა და დისკომფორტს.
- სწრაფად რომ არ დანაყრდეთ, ჭამისას სითხის მიღება შეზღუდეთ. სითხე ჭამამდე სულ მცირე 30 წუთით ადრე მიიღეთ.
- მიირთვით ცილით მდიდარი პროდუქტები, მაგალითად ყველი, იოგურტი, კვერცხი, ხორცი, რძე და ნიგოზი.
- კვებათა შორის მიიღეთ ცილებითა და ნახშირწყლებით მდიდარი საკვები ან დალიეთ ხილის წვენი თუ რძიანი კოქტეილი.
- მეგობრებთან ან ოჯახთან ერთად, თქვენთვის კომფორტულ გარემოში მიირთვით.
- ჭამის წინ მსუბუქი ვარჯიშები შეასრულეთ.
- სცადეთ ახალი რეცეპტები. ისინი შეიძლება მადისაღმძვრელი იყოს.
დანაყრების შეგრძნება:
- მოერიდეთ ცხიმიან საკვებს.
- სითხე ჭამამდე 30 წუთით ადრე მიიღეთ.
- დაღეჭეთ ნელა.
- მოერიდეთ ისეთ საკვებს, როგორიცაა კომბოსტო და ბროკოლი, და ნახშირწყლების შემცველ სასმელებს, მაგალითად ლუდსა და სოდიან წყალს, რადგან ისინი აირებს წარმოქმნის.
მედიკამენტური მკურნალობა:
- ექიმმა შეიძლება გადაწყვიტოს მადის გასაძლიერებელი ზოგი წამლის დანიშვნა: Megastrol acetate (Megace), დეკსემეტაზონი (Kordexa, Decort).
- წონის კლების ან უმადობის დასაძლევად გადადგმული ნაბიჯების წარმატების დასაკვირვებლად:
- შეგიძლიათ კვების დღიური აწარმოოთ.
- შეგიძლიათ წონა ჩაიწეროთ და აკონტროლოთ.
- მიმართეთ ექიმს
- თუ სითხის მიღება არ შეგიძლიათ
- თუ დგომისას თავბრუ გეხვევათ
- თუ მყარ საკვებს ვერ იღებთ
- თუ კვების წესში ცვლილებაა
მიმართეთ ექიმს
დაუყოვნებლივ უნდა მიმართოთ ექიმს. ექიმის ინფორმირების გარეშე არასოდეს გამოიყენოთ თვითნებურად ყურმოკრული რჩევები. ექიმი საჭირო გამოკვლევებს ჩაატარებს და აუცილებელი დამატებებითა და/ან ცვლილებებით მადის დაკარგვის საწინააღმდეგო ზომებს მიიღებს.
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.





მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.