როდის და რა სახის მუსიკას უნდა უსმენდნენ კიბოს პაციენტები?

„მუსიკას უზარმაზარი ძალის ინსტრუმენტად მივიჩნევ...“ — ამბობს მუსიკის მკვლევარი, ნევროლოგი და მწერალი Oliver Sacks. მუსიკათერაპია კიბოსთან მებრძოლი პაციენტებისთვის ძალიან მნიშვნელოვანი დამხმარეა, განსაკუთრებით სამედიცინო მკურნალობის გვერდითი მოვლენების შესამცირებლად და განწყობის ასამაღლებლად.
კვლევებზე დაყრდნობით შეიძლება ითქვას, რომ მუსიკა, კომუნიკაციის ერთ-ერთი უძველესი ფორმა, ამცირებს ბრაზს, სტრესს, დაძაბულობას, შფოთვასა და სირცხვილსაც და მათ დადებითი ემოციებით ცვლის. კვლევებში ასევე გამოვლინდა, რომ სწორი მუსიკა კიბოს პაციენტთა განწყობას აუმჯობესებს, შფოთვას ამცირებს და სხვებთან კავშირს აძლიერებს.
როდის უნდა უსმენდნენ კიბოს პაციენტები მუსიკას?
ადამიანის გონებასა და სხეულს შორის კავშირი ძალიან ძლიერია. ყველა გონებრივი მოძრაობა და ცვლილება სხეულზე პირდაპირ მოქმედებს. მუსიკა კიბოს პაციენტთა გაუმჯობესებისთვის გამოყენებული თერაპიაა. მარტოობისა და სტრესის შემცირებით იგი დაავადების მიმართ განსაკუთრებით გონებრივი და, შესაბამისად, ფიზიკური გამძლეობის ზრდას ეხმარება.
ზოგ დროს განსაკუთრებით სწორი მუსიკის მოსმენა სასარგებლო იქნება;
- ქიმიოთერაპიისას დასამშვიდებლად და წნევის დასაბალანსებლად,
- ოპერაციამდე ძლიერი შფოთვის შესამსუბუქებლად,
- ოპერაციის შემდეგ გამოჯანმრთელებისას სტრესის შესამცირებლად,
- დაძაბული ხანგრძლივი დღის ბოლოს მოსადუნებლად და უკეთ დასასვენებლად,
- დილით გაღვიძებისას ახალი იმედიანი დღის დაწყებისას,
- დღის განმავლობაში სტრესისა და უბედურების განცდის ნებისმიერ დროს მუსიკის მოსმენას გონების დასაწყნარებლად ძალიან დადებითი სარგებელი აქვს.

კვლევები აჩვენებს, რომ მუსიკათერაპია კიბოსთან ბრძოლაში ძალიან დამხმარეა
რა სახის მუსიკას უნდა უსმენდნენ კიბოს პაციენტები?
ცნობილია, რომ გემოვნებასა და ფერებზე არ დაობენ. პირადი არჩევანი, მოწონება და მუსიკალური გემოვნებაც ინდივიდუალურია. ზოგჯერ ერთის სიხარულით მოსმენილ მუსიკას სხვა ცუდი მოგონებების გამო სევდით უსმენს. თუმცა სამეცნიერო კვლევების მიხედვით, ზოგი მუსიკალური ჟანრი გონებაზე უფრო დადებითად მოქმედებს.
მუსიკის სახეობები საზოგადოებების მიხედვით განსხვავდება. ზოგი ჟანრი სიამოვნებისა და მოდუნების მომგვრელად მიიჩნევა, თუმცა სინამდვილეში შესაძლოა უფრო დეპრესიული, ზედმეტად ემოციური და მელანქოლიური იყოს. ამან კიბოსთან მებრძოლ პაციენტს შეუმჩნევლად კიდევ უფრო შეიძლება დაუქვეითოს განწყობა და აამაღლოს ემოციურობა.
ექსპერტების მიხედვით, კიბოს პაციენტებმა ემოციურობისა და უბედურების შემცველი რიტმების, მელოდიებისა და ტექსტების მუსიკა არ უნდა აირჩიონ. ზოგი მუსიკა ფსიქოლოგიაზე გაცილებით დადებითად მოქმედებს.
კიბოს პაციენტებზე ჩატარებული კვლევების თანახმად;
- სოული და სმუთ ჯაზი,
- კლასიკური მუსიკა,
- მაღალი რიტმის საცეკვაო მუსიკა,
- მედიტაციური მუსიკა,
- ბუნების ხმებით შექმნილი კომპოზიციები უნდა შეირჩეს.
ცალკე ინსტრუმენტის მოსმენის მოყვარულებს შეუძლიათ მხოლოდ აკუსტიკურ გიტარას, ფორტეპიანოს ან არფას უსმინონ. დამამშვიდებელი ეფექტი ტრადიციულ თერაპიულ მუსიკასაც აქვს. უცხოურ საიტებზე ძიებისთვის შემდეგი საკვანძო სიტყვებით ასეთ მუსიკას უფრო ადვილად მიაგნებთ: soulful Jazz, soulful jazz vocalist, a relaxing classical orchestral piece, high energy dance music track, inspirational lyrics, empowering songs, classical music, acoustic guitar, piano, harp, traditional therapeutic music.
მუსიკათერაპია მუსიკათერაპევტმა პაციენტზე მორგებულად, ინდივიდუალურად უნდა განახორციელოს. თუმცა კვლევებმა აჩვენა, რომ მხოლოდ მუსიკის მოსმენაც მკურნალობას ეხმარება და ფსიქოლოგიაზე დადებითად მოქმედებს.
მუსიკა უსიტყვო, შემოქმედებითი, კომპოზიციის, სულისა და ემოციების მქონე სამკურნალო ხელოვნების დისციპლინაა, რომელიც კიბოს პაციენტთა სხვებთან კავშირს, სოციალიზაციას, თვითგამოხატვასა და პიროვნულ განვითარებას უჭერს მხარს.
წყაროები
Malgorzata Monika Stanczyk
Reports of Practical Oncology and Radiotherapy, 2011
2. Can Music Therapy Cure Cancer? No, But Studies Say It Sure Helps in Survival
Jeffrey Paul
Mesothelioma HelpNow, October,8 2015
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.





მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.