რომელ ასაკობრივ ჯგუფს აქვს სიმსუქნესთან დაკავშირებული კიბოს უფრო მაღალი რისკი?

JAMA Network Open -ში Koroukian-ისა და მისი კოლეგების მიერ გამოქვეყნებულმა ახალმა კვლევამ აჩვენა, რომ 2000-დან 2016 წლამდე სიმსუქნესთან დაკავშირებული კიბოს შემთხვევები უფრო ახალგაზრდა ასაკობრივ ჯგუფებში სულ უფრო ხშირად გვხვდებოდა. ავტორების აზრით, საჭიროა ჩარევები სიმსუქნის შესამცირებლად და ინდივიდუალურად მორგებული სკრინინგის პროგრამების დასანერგად.
ამ პოპულაციურ, ჯვარედინ-სექციურ კვლევაში 2000 წლის იანვრიდან 2016 წლის დეკემბრამდე „სიმსუქნესთან დაკავშირებული“ და „სიმსუქნესთან დაუკავშირებელი“ კიბოს დიაგნოზის მქონე პაციენტთა რაოდენობის დასადგენად აშშ-ის კიბოს სტატისტიკის (SEER) საიტიდან აღებული მონაცემები გამოიყენეს.
მკვლევრებმა ამ პერიოდში გამოავლინეს სიმსუქნესთან დაკავშირებული კიბოს 2665574 და სიმსუქნესთან დაუკავშირებელი კიბოს 3448126 შემთხვევა.
ქვემოთ მოცემულია სიმსუქნესთან დაკავშირებული კიბოს სახეობები
კვლევაში შესაფასებელი ძირითადი შედეგები იყო სიმსუქნესთან დაკავშირებული კიბოს შემთხვევების ასაკობრივ განაწილებაში დროთა განმავლობაში მომხდარი ცვლილებები, რასის / ეთნიკური წარმომავლობისა და სქესის მიხედვით დაყოფილ ფენებში.
კვლევის შედეგი
კვლევის ყველაზე მნიშვნელოვანი შედეგის მიხედვით, 50-64 წლის ასაკობრივ ჯგუფში როგორც სიმსუქნესთან დაკავშირებული, ისე დაუკავშირებელი კიბოს მაჩვენებლები 197%-მდე გაიზარდა. თუმცა ამ ასაკობრივ ჯგუფში სიმსუქნესთან დაკავშირებული კიბოს სიხშირემ უფრო მეტად მოიმატა, ვიდრე სიმსუქნესთან დაუკავშირებელისამ.
დასკვნის სახით, 2000-დან 2016 წლამდე 17-წლიანი პერიოდის მომცველმა ტენდენციის ამ ანალიზმა სიმსუქნესთან დაკავშირებული კიბოს შემთხვევათა რაოდენობის უფრო ახალგაზრდა ასაკობრივ ჯგუფებში გადანაცვლება აჩვენა. შედეგები მიუთითებს საზოგადოებრივი ჯანმრთელობის ჩარევების საჭიროებაზე სიმსუქნისა და სხვა ცნობილი რისკფაქტორების თავიდან აცილებისა და შემცირებისათვის, ასევე ინდივიდუალურად მორგებული სკრინინგის სტრატეგიების დასანერგად.
წყაროები
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.





მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.