შეიძლება ბედნიერების ყიდვა? თუ ფულს სწორად დახარჯავთ — დიახ!

ახალმა კვლევამ აჩვენა, რომ ჩვენი საქმეების ნაწილისთვის სხვა ადამიანის დაქირავება და ამით საკუთარი დროის გაზრდაზე ფულის ხარჯვა ბედნიერებაში გვეხმარება.
კანადის ბრიტანეთის კოლუმბიის უნივერსიტეტისა და ბოსტონის Harward Business School-ის მკვლევრები გაერთიანდნენ და შეუძლია ფულს ბედნიერება გვიყიდოს? კითხვაზე პასუხს ეძებენ.
თემის მკვლევარი პროფესორების აზრით, ფული ყველაზე მეტად დროის შესაძენად გამოდგება. მაგალითად, სახლის დამხმარის ან ძიძის დაქირავებისთვის.
მსოფლიო კვლევებით, ქვეყნებში, სადაც პირადი შემოსავალი გაიზარდა, თავისუფალი დრო ფუფუნებად იქცა. მისი შემცირება უბედურებას, შფოთვასა და ძილის პრობლემებს იწვევს.
ამიტომ მკვლევრებმა ივარაუდეს და შეისწავლეს, შეიძლება თუ არა უფრო ბედნიერი გავხდეთ, თუ ფულს თავისუფალი დროის გამზრდელ მომსახურებაზე — დამხმარეზე, სახლის დალაგებაზე, საყიდლებსა და ბავშვის მოვლაზე — დავხარჯავთ.
დროის დაზოგვით შეიძლება უფრო ბედნიერი გახდეთ
გაანალიზდა აშშ-ის, ნიდერლანდების, კანადისა და დანიის 4,469 ადამიანის მონაცემი. ყველამ სრული ინფორმაცია მიაწოდა საკუთარი თავისუფალი დროისა და საქმეების მოსაგვარებლად დახმარებაზე დახარჯული ფულის შესახებ.
კვლევით მონაწილეთა %28 ხარჯავდა ფულს დროის დამზოგველ მომსახურებაზე. ისინი ამავე დროს უფრო ბედნიერები და ცხოვრებით კმაყოფილები აღმოჩნდნენ. სახლის საქმეებში დამხმარეზე ხარჯვით საკუთარ თავზე დროს პოულობდნენ და ზოგადად უფრო ბედნიერები იყვნენ.
შედეგად, ბედნიერების პირდაპირ ყიდვა ვერ ხდება, თუმცა საკუთარ თავზე დროის გამოსაყოფად დახარჯულმა ფულმა შეიძლება ბედნიერება გაზარდოს.
წყაროები
Ashley V. Whillansa, Elizabeth W. Dunnb, Paul Smeets.
Buying time promotes happiness.
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.





მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.