ელექტრონული სიგარეტის უმსხვილეს მწარმოებელ JUUL-ს FDA-მ გაფრთხილება მისცა

წებოებში გამოყენებული ფორმალდეჰიდი, ფილტვის დაავადებების გამომწვევი დიაცეტილი და ლეიკემიასთან დაკავშირებული კანცეროგენი ნივთიერება ბენზოლიელექტრონულ სიგარეტში არსებული ნაერთებიდან მხოლოდ რამდენიმეა. ამასთან, მასში მრავალი მეტალის ნაწილაკიც გვხვდება.

ელექტრონული სიგარეტები ისეთი მოწყობილობებია, რომელთა ხანგრძლივი გავლენა და ჩვეულებრივ სიგარეტთან შედარებით უსაფრთხოება ჯერ უცნობია; თუმცა დღემდე ჩატარებული კვლევები მათ უარყოფით ჯანმრთელობის ეფექტებსა და შედეგებს აჩვენებს. ამასთან, დამოკიდებულების გამოწვევით, განსაკუთრებით ახალგაზრდებისა და ბავშვების ნიკოტინზე დამოკიდებულებით, უკიდურესად საშიშ პოტენციალს შეიცავს.

ვხედავთ, რომ ელექტრონული სიგარეტის ბაზრის მკაფიო ლიდერის, JUUL-ის პროდუქცია განსაკუთრებით ახალგაზრდების ინტერესს ზრდის და USB მეხსიერების მსგავსი მცირე ზომით სკოლებში შეტანასაც ამარტივებს.

საყურადღებო მოვლენაა, რომ 9 სექტემბრის FDA-ს (აშშ-ის სურსათისა და მედიკამენტების ადმინისტრაციის) გაფრთხილებამ სწორედ ამ საკითხს მიაქცია ყურადღება: სააგენტომ JUUL-ს წერილი გაუგზავნა, მატყუარა რეკლამის შეწყვეტა და სხვადასხვა ცვლილების გატარება მოსთხოვა.

JUUL რეკლამებში აცხადებდა, რომ მისი პროდუქტის შემთხვევაში თამბაქოსთან დაკავშირებული დაავადებების რისკი დაბალია, ჩვეულებრივ თამბაქოზე ნაკლებად საზიანოა და მავნე კომპონენტები ნაკლებად გამოიყენება. სკოლის პრეზენტაციაზე JUUL-ის წარმომადგენელმა ასევე თქვა:

• JUUL ჩვეულებრივ სიგარეტზე ბევრად უსაფრთხოა.
• FDA მალე განაცხადებს, რომ JUUL ჩვეულებრივ სიგარეტზე %99-ით უსაფრთხოა.
• მოსწავლემ მეგობრებს JUUL-ის შესახებ უნდა უამბოს, რადგან იგი მოწევის უსაფრთხო ალტერნატივაა.

ამასთან, მშობლის მიერ JUUL-ის ვებგვერდზე ბავშვებისთვის ელექტრონული სიგარეტის მიყიდვის შესახებ საჩივარს კომპანიის აღმასრულებელმა დირექტორმა ასე უპასუხა: „JUUL მარტივი და მოსახერხებელი სისტემაა, რომელსაც ნიკოტინის სითხის გასაცხელებლად ტემპერატურის რეგულირება აქვს. ჩვენი პროდუქცია მომხმარებელს სასურველ კმაყოფილებას აძლევს ჩვეულებრივი მოწევისას არსებული წვისა და მასთან დაკავშირებული ზიანის გარეშე.“

ამ გარემოებების გათვალისწინებით FDA-მ JUUL-ს მოსთხოვა, სამეცნიერო მტკიცებულებებით ეჩვენებინა პროდუქტების ნაკლები რისკი. წინააღმდეგ შემთხვევაში ამგვარი მცდარი რეკლამა შეწყდებოდა, განაცხადა სააგენტომ. FDA-მ JUUL-ს ასევე ჰკითხა, რატომ იყენებს პროდუქციაში ნიკოტინის მარილს შეცდომაში შემყვანი შთაბეჭდილების შესაქმნელად და რატომ აქვს ნიკოტინის ასეთი მაღალი, %5 შემცველობა.

FDA-ს წერილზე JUUL-მა 30 დღეში უნდა უპასუხოს; შედეგების მოლოდინში ნიკოტინის მარილებს ცალკეც შეგახსენებთ.

რა არის ნიკოტინის მარილი?

ნიკოტინის მარილი ნიკოტინის ახალი ფორმაა, რომელიც მის უფრო ეფექტიან მიწოდებას უზრუნველყოფს. ეს ნიშნავს ნიკოტინის უფრო ძლიერ და მაღალ ექსპოზიციას. მარილები გარკვეულ დაფარულ კომპონენტებს შეიცავს. ეს დაფარული კომპონენტი ბენზოის მჟავის სახელითაა ცნობილი.

მონაცემების მიხედვით ნიკოტინის მარილის ხსნარებში ნიკოტინის კონცენტრაცია ელექტრონული სიგარეტების უმეტესობაზე 2-დან 10-ჯერ მეტია. JUUL-ის ვებგვერდზე მითითებულია თითო კაფსულაში 0.7 ml ნიკოტინი [კონცენტრაცია მილილიტრზე 59 mg (% 5)], რაც დაახლოებით 20 ჩვეულებრივი სიგარეტის ტოლფასია . პატენტების განხილვა აჩვენებს, რომ მარილზე დაფუძნებული ნიკოტინისა და დანამატების კომბინაცია მაღალი კონცენტრაციის დროსაც დამაკმაყოფილებელ გამოცდილებას იძლევა. ახალგაზრდებზე გავლენის კიდევ ერთი მიზეზიც, როგორც ჩანს, ესაა: ნიკოტინის მარილით დიდი რაოდენობის მიწოდებისას გემოსა და შეგრძნების პრობლემის არქონა მოხმარების გაგრძელების მნიშვნელოვანი ფაქტორია. ნიკოტინის დამოკიდებულების გამომწვევი მოქმედება მეცნიერულად დადასტურებულია და მაღალი მიღება დამოკიდებულებას გზას უხსნის. JUUL-ის %5 ნიკოტინის მაღალი შემცველობაც საფრთხეს ზრდის. Juul-ის მომხმარებელ 15-დან 24 წლამდე ახალგაზრდებში %80-ის მიერ მოხმარების გაგრძელებაც ამ შეშფოთების საფუძვლიანობას აჩვენებს.