კანალიზაციის სისტემა ძვ. წ. 600 – ჯანმრთელობისათვის უფრო მნიშვნელოვანი რა შეიძლება იყოს!
უწმინდური სასმელი წყალი ისტორიის განმავლობაში ადამიანთა სიკვდილიანობის უმნიშვნელოვანესი მიზეზი იყო.
კანალიზაციით ან კანალიზაციით დაბინძურებული წყლით გამოწვეული მრავალფეროვანი დაავადებების გათვალისწინებით, ეფექტიანი საკანალიზაციო სისტემების განვითარება ამ წიგნში ცალკე თავს ნამდვილად იმსახურებს. მაგალითად, კანალიზაციასთან დაკავშირებული ქვემოთ ჩამოთვლილი დაავადებები დღეს აშშ-ში შესაძლო საფრთხეებია და მათგან ბევრი მძიმე დიარეას იწვევს: კამპილობაქტერიოზი (აშშ-ში ყველაზე გავრცელებული დიარეის დაავადება, რომელსაც Campylobacter ბაქტერია იწვევს; ის სისხლში შეიძლება გავრცელდეს და დასუსტებული იმუნიტეტის მქონე პირებში სიცოცხლისათვის საშიში ინფექცია გამოიწვიოს), კრიპტოსპორიდიოზი (მიკროსკოპული პარაზიტის Cryptosporidium parvum-ის მიერ გამოწვეული დაავადება), დიარეაგენული E. koli (Escherichia koli ბაქტერიის სხვადასხვა სახეობა), ენცეფალიტი (ტვინის ანთება – ხშირად გადამდები ვირუსული დაავადება, რომელიც კოღოების მიერ კანალიზაციაში კვერცხების დადებით წარმოიქმნება), ვირუსული გასტროენტერიტი (გამოწვეული მრავალი ვირუსით, მათ შორის როტავირუსით), გიარდიაზი (გამოწვეული ერთუჯრედიანი მიკროსკოპული პარაზიტით Giardia intestinalis), A ჰეპატიტი (ვირუსით გამოწვეული ღვიძლის დაავადება), ლეპტოსპიროზი (ბაქტერიებით გამოწვეული) და მეთჰემოგლობინემია (ასევე ცნობილი როგორც ლურჯი ბავშვის სინდრომი; ის ჩვილებში სეპტიკური სისტემის ნიტრატებით მდიდარი წყლის დალევისას ვითარდება).
კანალიზაციასთან დაკავშირებულ სხვა დაავადებებს შორისაა პოლიომიელიტი (ვირუსით გამოწვეული) და ბაქტერიებით გამოწვეული შემდეგი დაავადებები: სალმონელოზი, შიგელოზი, პარატიფული ცხელება, მუცლის ტიფი, იერსინიოზი და ქოლერა.
Cloaca Maxima-ს, მსოფლიოში ერთ-ერთი ყველაზე ცნობილი ადრეული და დიდი საკანალიზაციო სისტემის, პირველი მშენებლობა ტრადიციულად დაახლოებით ძვ. წ. 600 წლით თარიღდება. ის ძველ რომში ადგილობრივი ჭაობებისა და არხის დასაცლელად აშენდა. თუმცა უძველესი საკანალიზაციო გამყვანი სისტემები ძველ ინდოეთში, პრეისტორიულ ახლო აღმოსავლეთში, კრეტასა და შოტლანდიაშიც არსებობდა. დღეს საკანალიზაციო წყლების გაწმენდა ჩვეულებრივ სხვადასხვა ფილტრს, მართვად გარემოში მიკროორგანიზმებით ნარჩენების ბიოლოგიურ დაშლასა და შემდეგ, გარემოში ჩაშვებამდე მათი რაოდენობის შესამცირებლად, დეზინფექციას მოიცავს. სადეზინფექციო საშუალებები შეიძლება იყოს ქლორი, ულტრაიისფერი სინათლე და ოზონი. ქიმიკატები ზოგჯერ აზოტისა და ფოსფორის დონის შესამცირებლად გამოიყენება. საკანალიზაციო სისტემებამდე ქალაქის მცხოვრებლები ნარჩენებს ხშირად ქუჩაში ყრიდნენ.
ილუსტრაციის აღწერა: Housesteads-ის რომაული ციხესიმაგრის საპირფარეშოები ჰადრიანეს კედლის გასწვრივ, ძველ რომაულ პროვინცია Britannia-ში. მეზობელი ავზებიდან მომდინარე წყალი ნარჩენებს ჩამორეცხავდა.
წყაროები
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.
მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.