მასტექტომიისა და რეკონსტრუქციის მქონე ძუძუს კიბოს პაციენტები ქრონიკული ტკივილით მეტად იტანჯებიან

ძუძუს კიბოს გამო მასტექტომიის (ძუძუს ქსოვილის ოპერაციული მოცილების) და პლასტიკური რეკონსტრუქციის მქონე ქალებს შორის ქიმიოთერაპიის მიმღებ და უფრო ახალგაზრდა პირებში კონტროლირებადი ნივთიერებების ქრონიკული გამოყენების უფრო მაღალი რისკი აღინიშნა.
რა არის ქრონიკული კონტროლირებადი ნივთიერება?
ქრონიკული კონტროლირებადი ნივთიერება (chronic controlled substance) ხანგრძლივი ტკივილის გასაკონტროლებელი სხვადასხვა პრეპარატია. კონტროლირებადი ნივთიერებები 5 ტიპისაა: ნარკოტიკული (ოპიოიდური, გამაბრუებელი) ტკივილგამაყუჩებლები, ანტიდეპრესანტები, სტიმულატორები, ჰალუცინოგენები და ანაბოლური სტეროიდები. თუმცა პირველად ნარკოტიკული ტკივილგამაყუჩებლები (მორფინი, ტრამადოლი და სხვა) გვახსენდება და ამ მიზნით ყველაზე ხშირად ისინია გამოყენებული.
2020 წლის სან-ანტონიოს ძუძუს კიბოს სიმპოზიუმზეწარმოდგენილი შედეგებით, მასტექტომიისა და რეკონსტრუქციული ოპერაციის მქონე ქალებს შორის ქიმიოთერაპიის მიმღებ და ახალგაზრდებში ახალი ქრონიკული კონტროლირებადი ნივთიერებების გამოყენების უფრო მაღალი რისკი აღინიშნა. .
მიგნებები ასევე ხაზს უსვამს ტკივილის, შფოთვისა და ძილის დარღვევების მართვისას ფსიქიკური ჯანმრთელობისა და ნივთიერებათა მოხმარების დიაგნოზის მქონე პაციენტებში მეტი ყურადღების საჭიროებას.
მკვლევრების თქმით, პაციენტთა დაახლოებით %10 ოპერაციის შემდეგ 3 თვე ან მეტხანს ოპიოიდის ქრონიკულ გამოყენებას აღწერდა. თუმცა წინა კვლევები კიბოს დიაგნოზის მქონეთა პოსტოპერაციულ ოპიოიდებს დიაგნოზის არმქონეებს არ ადარებდა.
მთავარმა ავტორმა, ნიუ-იორკის ჰემატოლოგიის / ონკოლოგიის ექიმმა ჯეიკობ კოგანმა თქვა: „კიბოს პაციენტებში ფსიქიატრიული მდგომარეობების მაღალი მაჩვენებლების მიუხედავად, მუდმივი სედაციური / ჰიპნოზური (დამამშვიდებელი) გამოყენების შესახებ კვლევა ძალიან ცოტაა“, თქვა მან.
ამიტომ მკვლევრებმა მიზნად დაისახეს მასტექტომიისა და რეკონსტრუქციის შემდეგ ახალი მუდმივი კონტროლირებადი ნივთიერებების გამოყენების სიხშირისა და მისი შემცირების გზების დადგენა.
კვლევაში 2008-2017 წლების 230 მილიონ პაციენტში მასტექტომიისა და რეკონსტრუქციის მქონე 18 წელზე უფროსი ქალების მონაცემები გაანალიზდა.
ოპიოიდებისა და სედაციურ-ჰიპნოზური პრეპარატების დანიშნულებები 3 პერიოდში განისაზღვრა:
- ოპერაციამდე (365 დღიდან 31 დღემდე; პერიოდი 1);
- პერიოპერაციული (31 დღით ადრე და 90 დღით შემდეგ; პერიოდი 2) და
- ოპერაციის შემდეგ (90-დან 365 დღემდე; პერიოდი 3).
1. პერიოდში სულ მცირე 1 კონტროლირებადი ნივთიერების რეცეპტის მქონე პაციენტები გამორიცხეს. 1. პერიოდში არმომხმარებელი, მაგრამ 2. პერიოდში სულ მცირე 1 და 3. პერიოდში სულ მცირე 2 რეცეპტის მქონენი ახალ ქრონიკულ მომხმარებლებად ჩაითვალნენ და სხვებს შეადარეს.
მკვლევრებმა თითოეული კატეგორიის ქრონიკული გამოყენების დემოგრაფიული და კლინიკური ფაქტორების შესაფასებლად ცალკე მრავალცვლადიანი ლოგისტიკური რეგრესია ჩაატარეს, მათ შორის ასაკის, რეგიონის, დაზღვევის, ძუძუს კიბოს დიაგნოზის, ქიმიოთერაპიის, დასხივებისა და წინა ფსიქიკური დიაგნოზის, ასევე წინანდელის ჩათვლით.
სულ გამოავლინეს ოპიოიდის არმომხმარებელი 25.270 ქალი და სედაციურ-ჰიპნოზურის არმომხმარებელი 27.651 ქალი.
თითო ჯგუფში ოპიოიდის არმიმღებთა % 13.1 ახალი ქრონიკული მომხმარებელი გახდა, ხოლო სედაციურ-ჰიპნოზურის არმიმღებთა % 6.6 – ახალი მუდმივი მომხმარებელი.
მაღალი რისკი აღმოაჩინეს შემდეგ პირებში:
- ახალგაზრდა პაციენტები (60 წლამდე),
- Medicaid დაზღვევით (აშშ-ის მთავრობის მომსახურება გარკვეულ შემოსავალზე დაბლა მყოფთათვის),
- ძუძუს კიბოს დიაგნოზით,
- ქიმიოთერაპიით ნამკურნალები,
- ფსიქიკური ჯანმრთელობის დიაგნოზით და
- წინა ნივთიერებათა მოხმარების დიაგნოზით
ასევე ახალი მუდმივი მომხმარებლობის რისკი გამოვლენილი ფაქტორების რაოდენობასთან ერთად იზრდებოდა. მაგალითად 5 ფაქტორი (ასაკი, Medicaid, სამხრეთის რეგიონი, ძუძუს კიბოს დიაგნოზი და ქიმიოთერაპია / დასხივება) ახალი მუდმივი ოპიოიდის მოხმარების შანსების თანაფარდობას 6,34 (% 19)-ჯერ და ახალი სედაციური / ჰიპნოზურისას 7,71 (% 10,5 )-ჯერ ზრდიდა.
დასკვნა და კომენტარი
ეს შედეგები ადრე შემჩნეული, მაგრამ კარგად აღუწერელი ცოდნა იყო. რომელ პაციენტებს უნდა მივაქციოთ ყურადღება?
პირველ რიგში ადრეული ძუძუს კიბოსთვის დაგეგმილი ან ჩატარებული მასტექტომიისა და რეკონსტრუქციის მქონეთ, განსაკუთრებით ახალგაზრდებსა და ქიმიოთერაპიის მიმღებებს. რეკონსტრუქცია აუცილებლად კიბოს ოპერაციასთან ერთად არ უნდა გაკეთდეს; მოგვიანებითაც შეიძლება უსაფრთხო დადებითი შედეგი. მეთვალყურე ექიმმაც უნდა ჰკითხოს, კვლავ იღებს თუ არა ოპიოიდურ ტკივილგამაყუჩებელს ან დამამშვიდებელს.
წყაროები
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.





მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.