MR-ით მართული ულტრაბგერითი აბლაცია: პროსტატის კიბოს უფრო უსაფრთხო და უკეთესი მკურნალობა

სტანდარტული მკურნალობის გვერდითი მოვლენების აცილებითა და ულტრაბგერის სამკურნალო რეჟიმით პროსტატის კიბოს უფრო ეფექტიანი მკურნალობა შეიძლება. 2 დეკემბრის, 2019 წლის ახალმა კვლევამ პროსტატის როგორც კეთილთვისებიანი, ისე ავთვისებიანი გადიდებისთვის გამოსადეგი MR (მაგნიტური რეზონანსის) კონტროლით ფოკუსირებული ულტრაბგერითი აბლაციის შედეგები წარმოადგინა. პროსტატის კიბო ფილტვის კიბოსთან ერთად მამაკაცებში 2 ყველაზე ხშირიდან ერთია. ბუშტის ქვემოთ პატარა ჯირკვლის სიახლოვე სწორ ნაწლავთან, ურეთრასთან, გამავალ პენისთან და ნერვებთან სტანდარტულ ჩარევას ართულებს. ქირურგია ან დასხივება ყოველთვის ვერ მუშაობს და შეიძლება შეუკავებლობა, იმპოტენცია და ნაწლავის სერიოზული პრობლემები გამოიწვიოს. რადიოსიხშირული ან ლაზერული აბლაცია ან კრიოთერაპია ნაკლებად გავრცელდა, რადგან მოწინავე გამოსახულებით მართვასა და ტემპერატურის მონიტორინგს მოითხოვს.

სქემა აჩვენებს კონტროლირებულ და ზუსტ აბლაციას TULSA-ით (ტრანსურეთრული ულტრაბგერითი აბლაცია).
MR მართული ულტრაბგერა
დიდი სამკურნალო პოტენციალის მქონე ახალი მეთოდია MR -ით მართული ტრანსურეთრული აბლაცია, სავაჭრო სახელით TULSA. მინიმალურად ინვაზიური მეთოდი ზუსტად გამოთვლილ ულტრაბგერით დოზებს პათოლოგიურ პროსტატაზე მიმართავს და ჯანმრთელი გარემოს დაზიანებას ზღუდავს. მაღალი ინტენსივობის ფოკუსირებული ტალღები კიბოს უჯრედებს განადგურებამდე ათბობს; ამჟამად ჯირკვლიდან კიბოს ქსოვილის ფიზიკურად მოსაცილებლად ყველაზე ნაკლებად ინვაზიური, ქსოვილის მთლიანობის ყველაზე ნაკლებად დამრღვევი მეთოდია. MR გამოსახულებები ულტრაბგერითს ერთვის სხივის მაღალი სიზუსტით სამართავად. ამჟამად გამოიყენება პროსტატის გარეთ გაუვრცელებელ, ადრეულ კიბოში და სხვა მკურნალობამდე ან შემდეგ, მაგალითად, წარუმატებელი დასხივების შემდეგ.
კვლევა
TULSA-ს კვლევის (TACT= Tusla Ablation Clicin Trial) ფარგლებში მრავალ ცენტრში გამოყენების 12-თვიანი შედეგები გააანალიზეს. მონაცემები 65 წლის მედიანური ასაკის 115 მამაკაციდან მიიღეს. ყველა კიბო ჯირკვალში ლოკალიზებული, ადრეული, დაბალი ან საშუალო რისკის იყო. მთელი ჯირკვალი საშუალოდ 51 წუთი TULSA-ით დამუშავდა.
შედეგები
მკურნალობის შემდეგ % 80-ში ზომით ან ქცევით კლინიკურად მნიშვნელოვანი კიბო ვერ გამოვლინდა (რადიოლოგიური და კლინიკური სრული პასუხი). % 65-ში ერთი წლის ბიოფსიით კიბო არ იყო. სისხლის პროსტატის სპეციფიკური ანტიგენი (PSA) % 95-ით შემცირდა. გვერდითი მოვლენა მინიმალური იყო, ნაწლავის გართულება — არ იყო. MR -ით მართული TULSA-ს შედეგები შთამბეჭდავია. პროსტატის მოცულობა % 90-ზე მეტად შემცირდა, იმპოტენცია იშვიათი იყო, შეუკავებლობა კი თითქმის არ გამოვლენილა. ეს ტრადიციულ ულტრაბგერით სისტემებთან შედარებით დიდი უპირატესობაა. შესაძლებელია ამბულატორიულად ჩატარება და იმავე დღეს გაწერა. საჭიროებისას TULSA განმეორდება; შეიძლება სხვა მეთოდიც, ქირურგიისა და დასხივების ჩათვლით. იგი ევროპასა და აშშ-ში დამტკიცებულია (FDA 510 (k) მუხლით). ადრეული შედეგების დასადასტურებლად მეტი კვლევა საჭიროა, თუმცა დადასტურებისას როგორც კეთილთვისებიანი პროსტატის ჰიპერპლაზიის ისე კიბოს მკურნალობას მნიშვნელოვნად გააუმჯობესებს.
წყაროები
RSNA Press Release, 2 Dec 2019
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.





მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.