რატომ არ უნდა გამოიყენონ ახალგაზრდებმა ელექტრონული სიგარეტი?

Pediatrics-ის სახელწოდების ჟურნალში გამოქვეყნებული კვლევა ელექტრონული სიგარეტის ახალგაზრდებისთვის მავნებლობას ადასტურებს და მოზარდთა ჯანმრთელობის დაცვისკენ მოუწოდებს.
ელექტრონული სიგარეტებიბატარეის, კარტრიჯისა და გამფრქვევისგან შემდგარი ელექტრონული მოწყობილობებია, რომლებიც ბაზარზე ჩვეულებრივ სიგარეტზე უფრო ჯანსაღის ლოზუნგით გამოვიდა. ნიკოტინიანი მოდელების გარდა, მომხმარებელს უნიკოტინო მოდელის არჩევაც შეუძლია. მოწყობილობა ჩვეულებრივი მოწევის მსგავსად გამოიყენება და ხელოვნური ორთქლი კლასიკურ მოწევას ბაძავს. ელექტრონულ სიგარეტზე მრავალი შეშფოთება არსებობს; ერთ-ერთია ადრე ჩვენს სტატიებში ნახსენებიმდგომარეობა, როცა ახალგაზრდების ელექტრონული სიგარეტის გამოყენება ჩვეულებრივ თამბაქოზეც დამოკიდებულების კარს ხსნის .
კალიფორნიის უნივერსიტეტის ბოლო კვლევები კი გვიჩვენებს, რომ ახალგაზრდებზე ახალ დამოკიდებულებებზე გადასვლის შესაძლებლობის მიღმაც უნდა ვღელავდეთ. მკვლევრებმა აღმოაჩინეს, რომ ელექტრონული სიგარეტის შედეგად ახალგაზრდები კანცეროგენულ (კიბოს გამომწვევ) ზოგ საშიშ ქიმიურ ნივთიერებას ექვემდებარებიან.
კვლევაში საშუალოდ 16.4 წლის 104 მოზარდის შარდის ნიმუშები გააანალიზეს. 104-დან 67 ელექტრონულ სიგარეტს იყენებდა, 17 ელექტრონულსაც და ჩვეულებრივსაც, ხოლო 20 არცერთს.
ანალიზით, ელექტრონული სიგარეტის მომხმარებელ ახალგაზრდებში არმომხმარებელ თანატოლებთან შედარებით სამჯერ მეტი მავნე ქიმიური ნივთიერება აღმოჩნდა.
ეს ასევე ახალგაზრდულ ელექტრონული სიგარეტის მომხმარებელთა ორგანიზმში კანცეროგენების არსებობის შემსწავლელი პირველი კვლევაა. აღმოჩენილი მავნე ნივთიერებებიდან ზოგია:
- აკრილონიტრილი (Acrylonitrile),
- აკროლეინი (Acrolein),
- პროპილენის ოქსიდი (Propylene Oxide),
- აკრილამიდი (Acrylamide) და
- კროტონალდეჰიდი (Crotonaldehyde).
ზოგი შესწავლილი ნივთიერება არომატიზებული, უნიკოტინო სითხის მომხმარებელ მოზარდებშიც აღმოჩნდა. ეს სითხეები, FDA-ის მიერ დამტკიცების მიუხედავად, გახურებისას კანცეროგენული ნაერთების წარმოქმნის უნარის მქონე პროპილენგლიკოლსა და გლიცეროლს შეიცავს.
აორთქლებისთვის საჭირო მაღალ ტემპერატურამდე გახურებისას პოტენციურად კანცეროგენული შხამიანი ნივთიერებები შეიძლება გამოიყოს.
შედეგად, არ უნდა დაგვავიწყდეს, რომ ელექტრონული სიგარეტის ორთქლი უვნებელი არ არის. ის ჩვეულებრივი სიგარეტის კვამლში არსებულ ზოგ მავნე ნივთიერებასთან ერთად გარკვეულ მძიმე მეტალებსაც შეიცავს.
წყაროები
Adolescent Exposure to Toxic Volatile Organic Chemicals From E-Cigarettes.
Pediatrics, March 2018.
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.





მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.