როგორ უნდა შეფასდეს პერიტონეუმის (მუცლის გარსის) მეტასტაზები კუჭ-ნაწლავის კიბოებში?

Annals of Surgical Oncology-ში გამოქვეყნებული კვლევით, გამოცდილი ონკოქირურგები კუჭ-ნაწლავის კიბოს ლაპაროსკოპიისას (დახურული ოპერაციისას) კეთილთვისებიანი პერიტონეული (მუცლის გარსის) კერების მეტასტაზებისგანგასარჩევად მხოლოდ კერის გარეგნობის გამოყენებისას მიუღებელი სიხშირით უშვებენ შეცდომას.
პერიტონეუმი (მუცლის გარსი) კუჭ-ნაწლავის კიბოების ერთ-ერთი ყველაზე ხშირი მეტასტაზირების ორგანოა და პერიტონეული მეტასტაზების ამოცნობას ოპერაციული სტადირებისთვის კრიტიკული მნიშვნელობა აქვს. თუმცა კეთილთვისებიანი პერიტონეული კერები კიბოს არმქონეებშიც გვხვდება, რაც ოპერაციისას თვალით შეფასებას ართულებს. მრავალ შემთხვევაში ყველა ნანახი კერის ცალ-ცალკე ბიოფსია და პასუხის ლოდინი შესაფერისად არ მიიჩნევა და ბიოფსიის არჩევანი კერის უხეში ფიზიკური თვისებებით კეთდება.
კვლევა მოიცავს 2014-დან 2017 წლამდე აშშ-ის Massachusetts-ის Lahey საავადმყოფოში ერთი ქირურგის მიერ ჩატარებული და ვიდეოზე ჩაწერილი კუჭ-ნაწლავის კიბოს ლაპაროსკოპიული (დახურული) ოპერაციის 35 პაციენტს (საყლაპავის, ღვიძლისა და კოლორექტალური კიბოს გარდა).
ოპერაციისას ყოველი პერიტონეული კერიდან ბიოფსია აიღეს. ბიოფსიის შესახებ არაინფორმირებულმა 10 გამოცდილმა კუჭ-ნაწლავის ონკოქირურგმა კერები გარეგნობის მიხედვით კეთილთვისებიანად ან მეტასტაზურად დააკლასიფიცირა.
დამატებით, ბიოფსიის პასუხის არმცოდნე 3 გამოცდილმა მკვლევარმა კერის ზომის, ფერისა და გრადიენტის (თითოეული კერის კიდესთან სიკაშკაშის ცვლილების) მონაცემებით ციფრული გამოსახულების დამუშავების პროგრამა ImageJ გამოიყენა და ნანახი კერები გააანალიზა. ისინი ასევე ღრმა ხელოვნური ნერვული ქსელის მქონე მანქანური სწავლის მოდელით შეფასდა.
კვლევის შედეგები
- პათოლოგიის პასუხებით, ჩართული კერების % 68 კეთილთვისებიანი და % 32 მეტასტაზური იყო.
- გამოცდილი კუჭ-ნაწლავის ონკოქირურგების ჯგუფში პერიტონეული მეტასტაზების % 36 კეთილთვისებიანად შეფასდა (ცრუ უარყოფითი მაჩვენებელი). ანუ მხოლოდ გამოსახულებით ვარაუდისას ქირურგები რეალურად კიბოვანი კერების %36-ს კეთილთვისებიანს უწოდებდნენ.
- კეთილთვისებიან-ავთვისებიანი გარჩევა ImageJ პროგრამამ %66, მანქანური სწავლის მოდელმა კი %47 სიზუსტით შეასრულა. საბოლოოდ მკვლევრებმა ამ მონაცემების საფუძველზე ხაზი გაუსვეს, რომ კუჭ-ნაწლავის კიბოში ყველა თვალით ხილული პერიტონეული კერა ლაპაროსკოპიისას ბიოფსიით უნდა შეფასდეს.
წყაროები
Can we accurately identify peritoneal metastases based on their appearance? An assessment of the current practice of intraoperative gastrointestinal cancer staging.
Ann Surg Oncol, 25 March 2019.
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.





მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.