Xərçəng növlərinə görə diaqnoz və müalicə bölməsinə larinks və hipofarinks xərçəngləri bölməsi əlavə edildi

Xərçəng və sağlam həyat mövzusunda ictimai məlumatlılığı artırmaq, düzgün və etibarlı məlumatı yaymaq məqsədilə yaratdığımız internet saytımıza “larinks (qırtlaq) və hipofarinks (alt udlaq) xərçəngləri” bölmələrini əlavə etmişik.

Baş-boyun xərçəngləri dünya üzrə geniş rast gəlinən xərçəng növlərindəndir. Baş-boyun xərçəngləri ilə əlaqəli əsas risk amilləri tütün istifadəsi, alkoqol istehlakı, insan papillomavirusu (HPV) infeksiyası və Epstein-Barr virusu (EBV) infeksiyasıdır.

Dünya üzrə ildə 550,000-dən çox yeni baş-boyun xərçənginin görüldüyü məlumdur. Kişilərdə qadınlara nisbətən 2 ilə 4 dəfə daha çox rast gəlinir.

Baş-boyun nahiyəsi anatomik olaraq aşağıdakı hissələrə ayrılır:

• Ağız boşluğu (dodaqlar, yanaq, dil, dil kökü, sərt damaq)
• Udlaq (yuxarı udlaq, orta udlaq, alt udlaq (hipofarinks))
• Qırtlaq (larinks)
• Burun boşluğu və paranazal sinuslar
• Tüpürcək vəziləri

Bu yazımızın mövzusu isə larinks (qırtlaq) və hipofarinks (alt udlaq) xərçəngləridir.