აღმოჩენა, რომელიც შესაძლოა კიბოდ გარდაქმნადი უჯრედების პროგნოზში დაგვეხმაროს

კიბოს წარმოშობის საპოვნელად და იმ უჯრედების საპროგნოზოდ, რომლებიც შეიძლება კიბოდ გარდაიქმნას, ძუძუს უჯრედების კატალოგი შექმნეს.
ძუძუს ქსოვილი ქალის სიცოცხლის განმავლობაში მკვეთრად იცვლება, ამიტომ კიბომდე მიმყვანი უეცარი ცვლილებების ბიოლოგიური მარკერის პოვნა განსაკუთრებით რთულია. Cold Spring Harbor-ის ლაბორატორიის (CSHL) ასოცირებულმა პროფესორმა, დოქტორმა Camila dos Santos-მა და გუნდმა ადამიანის და თაგვის ათასობით ნორმალური ძუძუს უჯრედის ტიპი განსაზღვრეს და ძუძუს უჯრედების კატალოგი შექმნეს. ახალი კატალოგი ჯანმრთელ ქსოვილს ახლებურად აღწერს და მეცნიერებს კიბოდ გარდაქმნის ან ძუძუს ქსოვილის სხვა ცვლილებების წარმოშობის განსაზღვრის შესაძლებლობას აძლევს.
ძუძუს ნებისმიერი უჯრედი შეიძლება კიბოდ გარდაიქმნას. Dos Santos ამბობს: "ძუძუს კიბოს რისკის გასაგებად ჯერ ნორმალური უჯრედები უნდა გავიგოთ; ასე, პრევენციულ და მიზნობრივ მკურნალობაზეც ფიქრისას, სათანადო ტიპის უჯრედების კიბოს უჯრედებად გარდაქმნას აღკვეთთ."

სურათი-1: ძუძუს ქსოვილი სხვადასხვა უჯრედისგან შედგება, მათ შორის თაგვის ძუძუს ამ განივ ჭრილში ნაჩვენები ეპითელური (ვარდისფერი), იმუნური (cyan / მომწვანო-ცისფერი) და ცხიმოვანი (შავი) უჯრედებისგან.
უჯრედების კატალოგიზაციის ტრადიციული გზაა მათ ფუნქციასთან დაკავშირებული რამდენიმე სპეციფიკური გენის დაკვირვება. უფრო ყოვლისმომცველი კლასიფიკაციისთვის Dos Santos-ის გუნდმა შედარებით ახალი მეთოდი, ერთუჯრედიანი RNA სეკვენირება (single cell rna sequencing), გამოიყენა. თაგვისა და ადამიანის ძუძუს ქსოვილის 15000-ზე მეტ უჯრედში გუნდმა რამდენიმე გენის აქტივობას დააკვირდა. Stony Brook-ის უნივერსიტეტის Dos Santos-ის ლაბორატორიის მაგისტრანტმა Samantha Henry-მ კვლევის შესახებ თქვა: "თითოეული ჯგუფის უკეთ დასახასიათებლად მართლაც მრავალი გენისგან შემდგარი კატალოგი შევქმენით."
უჯრედების მრავალფეროვნება ძუძუს ქსოვილში
უჯრედების ერთი ჯგუფი, ჩვეულებრივ, ესტროგენრეცეპტორ-დადებით უჯრედებს შეიცავს. თუმცა გუნდმა აღმოაჩინა, რომ ეს ჯგუფი რამდენიმე ქვეჯგუფად იყოფა, რომელთაგან თითოეულს მკურნალობაზე განსხვავებული რეაქცია შეიძლება ჰქონდეს. კიბოს არმქონე, ნულიპარული (არასოდეს ნამშობიარები) ქალების ქსოვილის ანალიზით მიიღეს ძუძუს უჯრედების (hTM) ჯგუფი, რომელიც წარმოადგენდა ეპითელურ (EPCAM+), მიელოიდურ (SERPINE1+), T ლიმფოციტების (CD3E+), B ლიმფოციტების (MS4A1+), ენდოთელიუმის მსგავს Claudin 5 (CLDN5) და ფიბრობლასტის მსგავს (MYLK+) უჯრედთა კლასტერებს (სურათი-2A).

სურათი-2: A) კიბოს არმქონე ნულიპარული ქალების მთლიანი ძუძუს ქსოვილის კლასტერების განაწილების UMAP გრაფიკი (n=5, hTM). B) UMAP გრაფიკები, რომლებიც hTM კლასტერებში EPCAM, SERPINE1, CD3E, MS4A1, CLDN5 და MYLK mRNA-ის ექსპრესიის დონეებს აჩვენებს.

სურათი-3: A) წერტილოვანი გრაფიკი და დენდროგრამის განშტოება, რომლებიც ეპითელური უჯრედული ხაზების (hEC) კლასტერების განმასხვავებელი და კლასიფიცირებელი ექსპრესირებული გენების საშუალოსა და პროცენტს აჩვენებს. B) დიფუზიის რუკის პროექცია, რომელიც hEC კლასტერების Monocle-ით ინფორმირებულ ტრანსკრიპციულ ტრაექტორიას აჩვენებს. ისრები ვარაუდობს, რომ უჯრედების ბიპოტენციური პროგენიტორული ბედის (hEC3) შესაძლო ნაწილი მიოეპითელურ პროგენიტორებსა (hEC5) და სავარაუდო ლუმინურ პროგენიტორებს (hEC2 და hEC4) წარმოქმნის.
CSHL-ის გამოთვლითი ბიოლოგიის პროფესორ Adam Siepel-თან და გუნდთან თანამშრომლობით Santos-ის გუნდმა აჩვენა, რომ თაგვისა და ადამიანის ძუძუს უჯრედებს მსგავსი გენეტიკური პროფილები აქვს, რაც ხსნის, რატომ შეიძლება თაგვის კვლევები ადამიანებისთვისაც რელევანტური იყოს. Dos Santos-ის ლაბორატორიის გამოთვლითი მეცნიერების სპეციალისტმა Marygrace Throusdell-მა „ყოველთვის კონკრეტული ტიპის უჯრედების მკაფიო კლასიფიკაციასთან გვიწევს ბრძოლა. ზოგჯერ იქ ყველა გენს ვხედავ და ვფიქრობ, რომ შემდეგ კიდევ სხვა რამ გამოჩნდება“ — თქვა.
ამჟამად ლაბორატორია ნორმალური გენეტიკური ცვლილებების კიბოსთან დაკავშირებული ცვლილებებისგან გარჩევას ცდილობს. Dos Santos-ის იმედით, ძუძუს უჯრედების ტიპების სია სათანადო უჯრედების ტიპებს გამოავლენს და მომავალ კვლევებს მკურნალობის ვარიანტებისკენ მიმართავს.
წყაროები
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.





მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.