ალერგიასთან დაკავშირებული სისხლის თეთრი უჯრედები კიბოს წინააღმდეგ ეფექტიანად შეიძლება გამოიყენონ

კიბოში ყოველდღიურად იმუნური სისტემის მნიშვნელობა უფრო ნათელი ხდება. ბოლო ხანებში იმუნოთერაპიები, T უჯრედებისგარდა იმუნური სისტემის სხვა უჯრედების დამიზნებასაც მოიცავს. ამ კონტექსტში, 2018 წლის იანვარში Cancer Immunology-ში გამოქვეყნებულ კვლევაში აღმოაჩინეს, რომ ალერგიაზე პასუხისმგებელი იმუნური უჯრედები, ეოზინოფილები, კიბოს უჯრედების გასანადგურებლად ეფექტიანად შეიძლება გამოიყენონ.

ზემოთ შეგიძლიათ ნახოთ სისხლის უჯრედების ტიპები. ეოზინოფილი გრანულირებული ლეიკოციტის ერთ-ერთი ტიპია.
კვლევა ისრაელში, თელ-ავივის უნივერსიტეტში ჩატარდა. ეოზინოფილები სისხლის თეთრი უჯრედებია, რომლებიც პარაზიტების წინააღმდეგ იმუნურ პასუხში მონაწილეობს. ისინი ალერგიული რეაქციების დროს დაზიანებაზეც პასუხისმგებელია. მკვლევრებმა ეოზინოფილების კიბოს საწინააღმდეგო ეფექტიანობა მსხვილი ნაწლავის კიბოს თაგვის მოდელებში გამოსცადეს. ეოზინოფილები ყველაზე მეტად ნაწლავში გვხვდება. ამიტომ მკვლევრებმა კიბოს საწინააღმდეგო მოქმედება ნაწლავის კიბოს მოდელებში შეისწავლეს.
კვლევის შედეგების თანახმად:
- აღმოჩნდა, რომ ეოზინოფილები კიბოს საწინააღმდეგოდ მოქმედებს და უშუალოდ ანადგურებს კიბოს უჯრედებს. ამ მოქმედებას T უჯრედებისგან დამოუკიდებლად ახორციელებს.
- ინტერფერონ გამას (IFN-γ) ცილით გააქტიურებისას ეოზინოფილებს უფრო ძლიერი კიბოს საწინააღმდეგო მოქმედება ჰქონდათ.
- ასევე 275 კიბოს პაციენტის სიმსივნურ ნიმუშებში ეოზინოფილების რაოდენობა დაავადების მდგომარეობასა და სტადიას შეადარეს. მაღალი რაოდენობის მქონე პაციენტებში დაავადება ნაკლებად მძიმე აღმოჩნდა.
რას გვეუბნება ეს კვლევა?
- კიბოს იმუნოთერაპიაში ახალი სამიზნე აღმოაჩინეს. ეოზინოფილებსაც, T-ლიმფოციტების მსგავსად, კიბოს უჯრედების ეფექტიანად განადგურების პოტენციალი აქვს.
- ეოზინოფილებისა და T უჯრედების ერთად გამოყენებამ შესაძლოა კიბოს ეფექტიანი მკურნალობა მოგვცეს.
- აუცილებლად უნდა აღინიშნოს, რომ კვლევა ჯერ პრეკლინიკურ ეტაპზეა. ადამიანებში კლინიკური კვლევებით ამის დადასტურებაა საჭირო.
წყაროები
Activated Eosinophils Exert Antitumorigenic Activities in Colorectal Cancer.
Cancer Immunology Research, 21 January 2019.
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.





მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.