დისფაგია (ყლაპვის გაძნელება)
ამ სტატიაში
ყლაპვა ნიშნავს პირში მოთავსებული ნივთიერების დაღეჭვის შემდეგ საყლაპავში გადატანასა და იქიდან კუჭში ჩასვლას. თუ საყლაპავში გადატანილი მასა კუჭში ვერ ჩადის, ეს საყლაპავის კუნთების პრობლემაზე შეიძლება მიუთითებდეს. ამიტომ პირიდან კუჭში საკვების ან სითხის გადატანისას სირთულეს დისფაგია, ანუ ყლაპვის გაძნელება ეწოდება. იგი ტვინის ზოგი დაავადების ან რევმატული დაავადებების შედეგად შეიძლება განვითარდეს. თუმცა ყველაზე სერიოზული მიზეზია კიბო საყლაპავში ან თავისა და კისრის უბანში. კიბოსთან ან მის მკურნალობასთან დაკავშირებული ყლაპვის გაძნელება დამოკიდებულია მკურნალობის ტიპსა და ფორმაზე, სიმსივნის ზომასა და მდებარეობაზე.
რა იწვევს დაავადებასა და მკურნალობასთან დაკავშირებულ ყლაპვის გაძნელებას?
კიბოს ზოგიერთ სახეობასა და მკურნალობის მეთოდს ყლაპვის გაძნელება შეუძლია გამოიწვიოს. ამის მიზეზი შეიძლება გახდეს თავისა და კისრის ან საყლაპავის კიბო, ქიმიოთერაპია, რადიოთერაპია და ქირურგიული ჩარევის მეთოდები.
- ქირურგიული ჩარევა: პირის გზით ჩატარებული ქირურგიული ჩარევები ამცირებს პირში საკვებისა და სასმლის კონტროლს, რაც ყლაპვის გაძნელებას იწვევს.
- რადიოთერაპია და ქიმიოთერაპია: რადიოთერაპიამ შეიძლება პირის ღრუს წყლულები, სიმშრალე და პირის მოძრაობის შეზღუდვა გამოიწვიოს. ეს ჭამისა და სითხის ყლაპვის დროს სირთულეს ქმნის.
- მკურნალობის შემდეგ პირსა და ხახაში შეიძლება სოკოვანი ნადები, კანდიდოზი განვითარდეს. ეს ერთ-ერთი ყველაზე ხშირი მდგომარეობაა. ექიმს უნდა გაესაუბროთ და სოკოს აღმოჩენის შემთხვევაში მკურნალობა მიიღოთ. სოკოსგან დასაცავად ყურადღება მიაქციეთ პირის ჰიგიენას.
დისფაგიის ნიშნები
შესაძლო ნიშნებია:
- ტკივილი ყლაპვისას
- პირში ნერწყვის მომატება
- ყლაპვის შეუძლებლობა
- ყელში უცხო სხეულის ან ნაჭრის შეგრძნება
- ხველა, რომელიც ვითარდება ჭამისას ძნელად გამავალი საკვების ნაწილაკების, სითხისა და ნერწყვის სასუნთქი გზით ფილტვებში მოხვედრის შედეგად
- ყელში ან გულმკერდში საკვების გაჩხერის შეგრძნება
- გულმკერდში დაწოლა და ტკივილი
- ხშირი გულძმარვა
- წონის კლება და უმადობა
ამ ჩივილების შესამსუბუქებლად საჭირო ზომები ქვემოთ არის მოცემული.
- სხეულის პოზის შეცვლა
- ჭამისა და სმისას რაც შეიძლება სწორად დაჯექით.
- ჭამისა და სმისას არასოდეს დაწვეთ.
- ნებისმიერი დისკომფორტისას წამოდექით, სხეული გაჭიმეთ და ზედმეტი გადაღლის გარეშე სიარულით იმოძრავეთ.
- დაძინებამდე 3 საათის განმავლობაში ნუ შეჭამთ. წინააღმდეგ შემთხვევაში საყლაპავში დარჩენილმა საკვებმა შეიძლება ტკივილი და მთელი ღამის დისკომფორტი გამოიწვიოს.
- თუ კბილის პროთეზი გაქვთ, დარწმუნდით, რომ პირში ზუსტად ჯდება.
ყლაპვის წესის შეცვლა
- საკვები პატარა ნაჭრებად დაჭერით.
- ყურადღება მიაქციეთ, რომ საკვების სუნი და იერი მადისაღმძვრელი იყოს.
- სასიამოვნო გემო მეტი ნერწყვის გამოყოფაში დაგეხმარებათ.
- საკვები უხვი სითხის თანხლებით გადაყლაპეთ.
ჭამის დროს ნუ იჩქარებთ. - შეეცადეთ მშვიდ და წყნარ გარემოში მიირთვათ.
- საჭიროების შემთხვევაში საკვები გაასქელეთ.
მიმართეთ ექიმს
თუ მდგომარეობა თქვენს ყოველდღიურ ცხოვრებაზე მოქმედებს, ექიმს უნდა მიმართოთ. ექიმის ინფორმირების გარეშე არასოდეს გამოიყენოთ თვითნებურად ყურმოკრული რჩევები. ექიმი საჭირო გამოკვლევებს ჩაატარებს და აუცილებელ დამატებებსა და/ან ცვლილებებს შეიტანს.
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.
მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.