იცოდეთ საშიში პროდუქტების შესახებ, რომლებიც აუტიზმის მკურნალობას აცხადებს

აუტიზმის მკურნალობის მომთხოვნი პროდუქტები ან მეთოდები მატყუარა და შეცდომაში შემყვანია, რადგან აუტიზმის განკურნება არ არსებობს. იგივე ეხება მრავალ პროდუქტს, რომელიც აუტიზმის ან მასთან დაკავშირებული ნიშნებისა და ჩივილების „მკურნალობას“ აცხადებს. ამასთან ზოგიერთს ჯანმრთელობის მნიშვნელოვანი რისკები შეიძლება ჰქონდეს.

აუტიზმის შესახებ

აუტიზმი სოციალური ურთიერთობისა და ვერბალური თუ არავერბალური კომუნიკაციის პრობლემებით, განმეორებადი ქცევებითა და შეზღუდული ინტერესებით გამოვლენილი ნეიროგანვითარებითი აშლილობაა. ნეიროგანვითარებითი ნიშნავს, რომ ის ტვინისა და ნერვული სისტემის განვითარების დროს წარმოქმნილი პრობლემებიდან მომდინარეობს. არსებითად აუტიზმი აუტისტური სპექტრის აშლილობებად (OSB) წოდებული ფართო ჯგუფიდან მხოლოდ ერთია, რომელთა ნიშნები საერთოა, მაგრამ განაწილება და სიმძიმე განსხვავდება. სხვებია Asperger სინდრომი, Rett სინდრომი, ბავშვობის დეზინტეგრაციული აშლილობა და სხვაგვარად დაუზუსტებელი გავრცელებული განვითარების დარღვევები (სტატიაში აუტიზმი მთელი სპექტრის აღსანიშნავად გამოიყენება).

მიუხედავად ნიშნების ცხოვრების პირველ 3 წელიწადში დაწყებისა, დიაგნოზი ჩვეულებრივ დაახლოებით 4 წლის ასაკში ისმება და აშლილობა მთელი სიცოცხლე გრძელდება. აუტიზმი ყოველ 68 ბავშვიდან დაახლოებით 1-ში გამოვლენილი მდგომარეობაა. მოიცავს ყველა რასობრივ, ეთნიკურ და სოციალურ-ეკონომიკურ ჯგუფს და ბიჭებში გოგონებთან შედარებით დაახლოებით 4-ჯერ უფრო ხშირად გვხვდება: ყოველ 42 ბიჭში 1-ს, ხოლო ყოველ 189 გოგონაში 1-ს აქვს.

ამჟამად აუტიზმის სადიაგნოსტიკო სისხლის ტესტი, გამოსახულებითი მეთოდი ან გენეტიკური ტესტი არ არსებობს. დიაგნოზი პედიატრებისა და ბავშვთა ფსიქიატრების შეფასებით, საეჭვო შემთხვევებში სხვადასხვა განვითარების ტესტის შედეგად შეიძლება დაისვას.

აუტისტ ბავშვებს შემდეგი ნიშნები და გამოვლინებები ახასიათებს

სოციალური ურთიერთობის სირთულე, ვერბალური და არავერბალური კომუნიკაციის პრობლემები, განმეორებადი და ობსესიური ქცევები. ქცევები შეიძლება მსუბუქიდან შესაძლებლობების შეზღუდვამდე მერყეობდეს. ზოგი ბავშვი უკეთ ფუნქციონირებს, ზოგს კი შემეცნებასა და განვითარებაში მნიშვნელოვანი შეფერხება შეიძლება ჰქონდეს.

აუტიზმსა და სხვა მდგომარეობებს შორის, როგორიცაა ყურადღების დეფიციტისა და ჰიპერაქტიურობის აშლილობა (DEHB), ნიშნების გადაფარვა შესაძლებელია, ამიტომ მკურნალობის ადამიანის სპეციფიკურ საჭიროებებზე ფოკუსირება მნიშვნელოვანია. არსებული ქცევითი ჩარევებისპეციფიკური სიმპტომების (განსაკუთრებული ნიშნების), განსაკუთრებით კომუნიკაციის პრობლემების მოსაგვარებლადაა შექმნილი და გაუმჯობესება შეიძლება უზრუნველყოს. ადრეული ჩარევა მთავარია.

არსებობს ზოგი დამტკიცებული წამალი, რომელიც აუტიზმის ნიშნების შემცირებას შეიძლება დაეხმაროს. მაგალითად ADB სურსათისა და წამლის ადმინისტრაციამ (FDA) აუტისტურ აშლილობასთან დაკავშირებული გაღიზიანებადობის (ნერვიულობის, ადვილად გაბრაზების) სამკურნალოდ ანტიფსიქოზური რისპერიდონი (5-დან 16 წლამდე პაციენტებისთვის) და არიპრიპაზოლი (6-დან 17 წლამდე პაციენტებისთვის) დაამტკიცა. აუტიზმის მკურნალობის ან განკურნების მომთხოვნი ნებისმიერი ქცევითი თუ მედიკამენტური მკურნალობის გამოყენებამდე ექიმს უნდა დაეკითხოთ.

თუმცა დღეს ხშირად ვხვდებით ნაწერებს, რეკლამებსა და ხმებს აუტიზმის ან მისი ნიშნების მკურნალობის შესახებ არასათანადო განცხადებებით. ზოგ ასეთ ფსევდომკურნალობას ჯანმრთელობის მნიშვნელოვანი რისკები აქვს.

რისკიანი ფსევდომკურნალობები

ქელაციური მკურნალობები

ეს პროდუქტები აცხადებს, რომ ტოქსიკური ქიმიკატებისა და მძიმე ლითონების შეკავშირებითა და სისხლიდან და სხეულიდან მოცილებით წმენდს. გვხვდება სპრეების, სანთლების, კაფსულების, თხევადი წვეთებისა და თიხის აბაზანების ფორმით. მედიცინაში მართლაც არსებობს ქელაციური აგენტები, თუმცა ექიმის მეთვალყურეობით ზოგი მწვავე მოწამვლისას, მაგალითად ტყვიით მოწამვლისა და ჭარბი რკინის დაგროვებისას გამოიყენება და აუტიზმის მკურნალობას არ უკავშირდება.

აუტიზმისთვის ფსევდოქელაციურ მკურნალობას სხეულისთვის აუცილებელი მნიშვნელოვანი მინერალების ქელაციის მსგავსი მძიმე და სიცოცხლისთვის საშიში შედეგები შეიძლება ჰქონდეს.

ჰიპერბარიული ჟანგბადის მკურნალობა

მოიცავს წნევიან კამერაში ჟანგბადის სუნთქვას და დამტკიცებულია მხოლოდ ზოგი სამედიცინო მდგომარეობისთვის, როგორიცაა მყვინთავთა დეკომპრესიული დაავადება, ნახშირჟანგით მოწამვლა და ქრონიკული ჭრილობები. 

დეტოქსიკაციის თიხის აბაზანა

აბაზანის წყალში დამატებულ ამ პროდუქტებზე აცხადებენ, რომ სხეულიდან ქიმიურ ტოქსინებს, დამაბინძურებლებსა და მძიმე ლითონებს აშორებს. აუტიზმის „დრამატული გაუმჯობესების“ ხმამაღალი რეკლამის მიუხედავად, ვერ ვიტყვით, რომ რაიმე აუტისტურ ნიშანს აუმჯობესებს.

სხვადასხვა პროდუქტი

მათ შორის ნედლი აქლემის რძე, MMS (ქლორის დიოქსიდი) და ეთერზეთები. ეს პროდუქტები აუტიზმისა და მასთან დაკავშირებული ნიშნების სამკურნალოდ იყიდება, თუმცა რეკლამირებული გამოყენებისთვის უსაფრთხოება და ეფექტიანობა დამტკიცებული არ არის.

რამდენიმე მოკლე რჩევა მცდარი ან შეცდომაში შემყვანი განცხადებების ამოსაცნობად

• ეჭვით შეხედეთ პროდუქტებს, რომლებიც ერთდროულად მრავალი დაავადების მკურნალობას აცხადებს. 
• პირადი რეკომენდაციები და ცალკეული შემთხვევები სამეცნიერო მტკიცებულებას ვერ ანაცვლებს. 
• ძალიან ცოტა დაავადება მკურნალდება სწრაფი ჩარევით, ამიტომ ეჭვით შეხედეთ ნებისმიერ მკურნალობას, რომელიც „სწრაფ განკურნებას“ აცხადებს.
• მეცნიერული საფუძვლის მომთხოვნი ე.წ. „სასწაულმოქმედი მკურნალობები“ სავარაუდოდ თაღლითობაა. 

დაკავშირებული თემა:

- აუტიზმი: ვაქცინები, სპეციალური დიეტები და კიბოსთან კავშირი (დეტალურად)