კიბოს უჯრედის შაქარზე დამოკიდებულების შემცირებამ ონკოლიზური ვირუსის ვაქცინური მკურნალობის ეფექტიანობა შეიძლება გაზარდოს

კიბოს უჯრედებს ძალიან სწრაფი გამრავლების უნარი აქვთ, ამიტომ დიდი ენერგია სჭირდებათ. ნორმალურის მსგავსად მათი მთავარი ენერგიის წყაროც გლუკოზაა. 2018 წლის ნოემბერში Cancer Research ჟურნალში გამოქვეყნებულ კვლევაში აჩვენეს, რომ კიბოს უჯრედისთვის გლუკოზის ხელმისაწვდომობის დაბლოკვამ ან მეტაბოლიზმის დარღვევამ ონკოლიზური ვირუსის კიბოს ვაქცინების ეფექტი შეიძლება გაზარდოს.
კვლევა გაერთიანებული სამეფოს Oxford უნივერსიტეტში ჩატარდა. Cancer Research UK-ის მხარდაჭერით გამოიყენეს საკვერცხის, ფილტვისა და ნაწლავის სიმსივნეების თაგვის მოდელები. როგორც ცნობილია, ონკოლიზური ვირუსებიკიბოს უჯრედის სპეციფიკური დამიზნებისა და განადგურების უნარის მქონე ვირუსებია. მათ სიმსივნეში შესვლით გარშემო ნორმალური უჯრედების დაუზიანებლად კიბოს განადგურება შეუძლიათ.
რა არის ონკოლიზური ვირუსის ვაქცინა?
სამკურნალო კიბოს ვაქცინების ერთ-ერთი ძირითადი პრინციპია ვირუსებით კიბოს უჯრედების მოშორება. მათ შესაქმნელად გამოყენებულ ვირუსებს ონკოლიზური ეწოდება. სიტყვა სიმსივნის გამანადგურებელს ნიშნავს. გენეტიკური ტექნიკით მათ კიბოს უჯრედის სამიზნედ ქცევისთვის ცვლიან.
შეისწავლეს, ზრდის თუ არა კიბოს უჯრედში გლუკოზის მეტაბოლიზმის დარღვევა ონკოლიზური ვირუსის ეფექტიანობას. ადამიანის სხეულში სიმსივნის მიკროგარემოში სუსტი სისხლის ნაკადის გამო გლუკოზა მცირეა. რეალობასთან მაქსიმალურად ახლო შედეგისთვის მოდელებში გლუკოზა დაბალ დონეზე შეინარჩუნეს.
კვლევის შედეგებით,
- გარემოში გლუკოზის მცირე რაოდენობისას ონკოლიზური ვირუსები უფრო ეფექტური იყო.
- აგრეთვე გლუკოზის მეტაბოლიზმის დამრღვევი წამლის გამოყენებისას ვირუსების კიბოს საწინააღმდეგო ეფექტი კიდევ უფრო გაიზარდა.
რას ნიშნავს ჩვენთვის ეს კვლევა?
- აღმოჩნდა, რომ კიბოს უჯრედისთვის გლუკოზაზე წვდომის დაბლოკვა ან მეტაბოლიზმის დარღვევა ვირუსების ანტისიმსივნურ მოქმედებას ზრდის.
- გლუკოზის მეტაბოლიზმზე მიმართული წამლებისა და ონკოლიზური ვირუსების კომბინაცია ეფექტური სტრატეგია შეიძლება იყოს.
- ხაზგასასმელია, რომ კვლევა ჯერ პრეკლინიკურია. მიდგომის გამოსაცდელად კლინიკური კვლევები იგეგმება.
- თუმცა მტკიცებულება არ არსებობს, რომ დიეტით შაქრის შემცირება მკურნალობისას კიბოს საწინააღმდეგო ეფექტს გაზრდის. კვლევაში ამას განსაკუთრებით უსვამენ ხაზს.
- დიეტაში შაქრის შემცირებას კიბოს რისკის არაპირდაპირ შემცირებაზე გავლენა აქვს. ეს სიმსუქნის რისკის შემცირებით ხდება.
- იწვევს თუ არა შაქარი კიბოს?
წყაროები
Antagonism of glycolysis and reductive carboxylation of glutamine potentiates activity of oncolytic adenoviruses in cancer cells.
Cancer Research, 28 November 2018.
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.





მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.