ლიმფურ კვანძებში გავრცელებული პროსტატის კიბოს დროს დამცავმა რადიოთერაპიამ შეიძლება სიცოცხლე გაახანგრძლივოს

რადიკალური პროსტატექტომიის შემდეგ რადიოთერაპიისა და მამაკაცის ჰორმონის დამთრგუნველი მკურნალობის(androgen deprivation therapy) კომბინაცია პროსტატის კიბოს მქონე პაციენტებში სიცოცხლეს ახანგრძლივებს, როგორც ეს Cancer ჟურნალში გამოქვეყნებულმა კვლევამ აჩვენა.
პროსტატის კიბოს მქონე პაციენტებში, რომელთაც დაზიანებული აქვთ პროსტატის მეზობელი ლიმფური კვანძები, მაგრამ სხვა ორგანოებში გავრცელება არ აქვთ, საწყისი მკურნალობის ვარიანტებია ოპერაცია და რადიოთერაპია. ამ ჯგუფში სულ უფრო ხშირად ირჩევენ ოპერაციასა და ლიმფური კვანძების გაფართოებულ ამოკვეთას. თუმცა ოპერაციის შემდეგ დამცავი (ადიუვანტური) მკურნალობის საჭიროება სადავოა. მიუხედავად იმისა, რომ აქამდე ჩატარებული კვლევები შერჩეულ პაციენტებში საზარდულის ლიმფური კვანძების გაფართოებული ამოკვეთის შემდეგ რადიოთერაპიის ჩატარებას უჭერს მხარს, ეს მიდგომა კლინიკურ პრაქტიკაში არ ასახულა.
კვლევა
კვლევაში გააანალიზეს 2003 და 2011 წლებს შორის რადიკალური პროსტატექტომიის ჩატარებისა და საზარდულის ლიმფურ კვანძებში დაავადების გავრცელების დადასტურების მქონე 2569 პროსტატის კიბოს პაციენტის მონაცემები.
კვლევის შედეგად, რადიოთერაპიის მიმღებ პაციენტებში 5-წლიანი გადარჩენა %87 იყო, ხოლო მათში, ვისაც რადიოთერაპია არ ჩატარებია — %82 (P = .007).
საკითხზე, რომლის შესახებაც რანდომიზებული კლინიკური კვლევა ჯერ არ ჩატარებულა, ეს შედეგები შეიძლება მკურნალობის გადაწყვეტილების დამხმარე გზამკვლევი იყოს პროსტატის კიბოს მქონე პაციენტებისთვის, რომელთაც ლიმფური კვანძების ჩართულობა აქვთ, მაგრამ დაავადება სხეულის სხვა ადგილებში არ გავრცელებულა. შედეგების დასადასტურებლად საჭიროა ფართომასშტაბიანი პერსპექტიული კვლევები.
წყაროები
The role of adjuvant radiotherapy in pathologically lymph node positive prostate cancer.
Cancer. 2016 Nov 8. doi: 10.1002/cncr.30373
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.





მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.