მრავალი გენეტიკური დარღვევის მქონე კიბოები იმუნოთერაპიას უკეთ შეიძლება პასუხობდეს

საკმაოდ დიდი რაოდენობის გენეტიკური მუტაციების მქონე სიმსივნეებმა ძლიერი იმუნური პასუხი შეიძლება გამოიწვიოს, რადგან იმდენ ცილას (ანტიგენს) წარმოქმნის, რომ იმუნური სისტემა უცხოდ ამოიცნობს. ყველაზე მუტირებულ კიბოებს შორის მელანომა, შარდის ბუშტისა და ფილტვის კიბოა.
სიმსივნეებში მრავალი მუტაცია წარმოიქმნება გენეტიკური დარღვევით, რომელიც უჯრედის DNA-ის აღდგენის უნარს თრგუნავს და შეუსაბამობების აღდგენის დეფიციტად (mismatch repair deficiency) იწოდება. მეცნიერები ფიქრობენ, რომ ასეთი სიმსივნეები იმუნური საკონტროლო წერტილების ბლოკადისადმი უფრო მგრძნობიარე შეიძლება იყოს.
Mismatch Repair Deficiency (MRD) სახელით ცნობილი DNA-ის აღდგენის დარღვევა კოლორექტალური კიბოების დაახლოებით 15%-ში ვლინდება. ნაკლებად გვხვდება კუჭის, წვრილი ნაწლავის, ენდომეტრიუმის, პროსტატისა და საკვერცხის კიბოებშიც. ლინჩის სინდრომის მსგავსად ზოგჯერ დარღვევა ოჯახში მემკვიდრეობით გადაეცემა, თუმცა MRD უფრო ხშირად სიცოცხლის განმავლობაში შემთხვევით ვითარდება.
კვლევებში მიიღეს მტკიცებულება, რომ MRD ტიპის DNA-ის აღდგენის დარღვევის მქონე სიმსივნეები კიბოს იმუნოთერაპიისადმი მგრძნობიარეა. ამის შემდეგ FDA-მ MRD-ის მქონე მსხვილი ნაწლავის კიბოს პაციენტებისთვის იმუნოთერაპია პემბროლიზუმაბი დაამტკიცა.
მკვლევრებმა აგრეთვე აღმოაჩინეს, რომ პემბროლიზუმაბი უფრო ეფექტიანია MRD-ის მქონე ენდომეტრიუმის, ამპულის, თორმეტგოჯა ნაწლავისა და კუჭის კიბოებზე. 7 პაციენტიდან 5-მა უპასუხა, პროგრესირების გარეშე დრო კი საშუალოდ 5.4 თვე იყო.
მცირე მასშტაბის მიუხედავად, კვლევამ MRD-ის მქონე შორსწასული კიბოს პაციენტებისთვის ახალი არჩევანის შესაძლებლობა გახსნა. უფრო დაწვრილებით, იგი აჩვენებს, რომ სიმსივნის გენეტიკის შეფასება, წარმოშობის ორგანოზე ზედმეტი ყურადღების გარეშე, იმუნოთერაპიით სარგებლის მიმღებთა გამოვლენას დაეხმარება. უკვე მიიჩნევა, რომ DNA-ის აღდგენის დარღვევის მქონე კიბოები PD-1 ბლოკადისადმი უფრო მგრძნობიარე შეიძლება იყოს.
წყაროები
PD-1 blockade in tumors with mismatch-repair deficiency.
N Engl J Med 372:2509-2520, 2015
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.





მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.