ნირაპარიბმა საკვერცხის კიბოს პაციენტების სიცოცხლე მნიშვნელოვნად გაახანგრძლივა

Niraparib-მა (Tesaro), წამალმა, რომელიც დნმ-ის აღდგენის ერთ-ერთ გზას, PARP-ს თრგუნავს, სიცოცხლის ხანგრძლივობა მნიშვნელოვნად გაზარდა როგორც BRCA 1-2-თან დაკავშირებულ, ისე სხვა საკვერცხის კიბოებში.
საკვერცხის კიბოებისთითქმის %75 დიაგნოზისას 3. ან 4. სტადიაზეა: დაავადება მუცლის ღრუში ლოკალურადაა პროგრესირებული ან იქ არ შემოიფარგლება და სხვა ორგანოებშიცაა გავრცელებული. ოპერაციით მუცლის ღრუში დაავადების თითქმის სრული მოცილებითა და ქიმიოთერაპიით თითქმის ყველა ამ პაციენტში დაავადება კონტროლდება.
თუმცა 3. და 4. სტადიაზე დიაგნოსტირებულ პაციენტებში წარმატებული ოპერაციისა (ნარჩენი სიმსივნე 1 cm-ზე ნაკლებია) და ქიმიოთერაპიის შემდეგ განმეორების რისკი დაახლოებით %70-ია. ოპერაციის წარმატების გასაზრდელად მის წინ ან შემდეგ გამოიყენება კარბოპლატინად და პაკლიტაქსელად წოდებული ორი ქიმიოთერაპიული წამალი.
საერთაშორისო სტანდარტად ქცეული ამ მკურნალობის შემდეგ რეციდივის მქონე პაციენტები ორ ჯგუფად იყოფა:
- ბოლო ქიმიოთერაპიიდან 6 თვის შემდეგ ან უფრო გვიან განმეორება და
- 6 თვეზე ნაკლებ დროში განმეორება
ქიმიოთერაპიის დასრულებიდან 6 თვის შემდეგ ან უფრო გვიან განმეორების მქონე პაციენტებს პლატინისადმი მგრძნობიარე პაციენტები ეწოდება. სხვაგვარად, ისინი მგრძნობიარენი არიან საწყისი ქიმიოთერაპიული რეჟიმის ან მსგავსი ეფექტის მკურნალობის მიმართ და მათი გამოყენებით დაავადების მნიშვნელოვანი უკუსვლა მიიღწევა. თუმცა რეციდივის შემდეგ ეს რეჟიმები ძალიან დიდხანს ვერ გრძელდება: ზოგჯერ პაციენტი იღლება, ზოგჯერ კი წამლების შეწყვეტა გვერდითი მოვლენების გამო ხდება საჭირო. განმეორებისა და ქიმიოთერაპიით სარგებლის მიღების შემდეგ ამ მკურნალობის შეწყვეტა და ნაკლებად საზიანო, მსუბუქი შემანარჩუნებელი თერაპიის დანიშვნა ონკოლოგიის ერთ-ერთი უმთავრესი ძიებაა.
ზუსტად ასეთი საკვერცხის კიბოს პაციენტებისთვის (განმეორებული დაავადებით და ქიმიოთერაპიისადმი მგრძნობელობით) გამოიცადა მიზნობრივი, პერორალური ტაბლეტის სახით მისაღები Niraparib და მისი წარმატებული შედეგები ESMO 2016 კიბოს კონგრესზეგამოქვეყნდა. მიღწეულ წარმატებას ყოველდღიური პრაქტიკის შეცვლა შეუძლია. ESMO 216-ის ჩატარების დროს კვლევის შედეგები ავტორიტეტულ სამედიცინო ჟურნალ New England Journal of Medicine-ში ვრცლად გამოქვეყნდა.
Niraparib (Tesaro) კიბოს უჯრედის დნმ-ის აღდგენის მექანიზმშიმონაწილე ერთ-ერთი გზის, PARP-ის დამთრგუნველი წამალია. ამის გამო კიბოს უჯრედი თავს ვეღარ აღადგენს და იღუპება. ამ წამლისა და მსგავსების სარგებელი განსაკუთრებით მემკვიდრეობით (BRCA1-2) საკვერცხის კიბოებში აჩვენეს და ფიქრობდნენ, რომ ამ ჯგუფებში იქნებოდა ეფექტიანი. ამ კვლევამ ცოდნის ეს საზღვარი გადალახა და დაამტკიცა, რომ Niraparib ეფექტიანია როგორც BRCA1-2-თან დაკავშირებულ, ისე სხვა საკვერცხის კიბოებშიც.
Niraparib ეფექტიანია როგორც BRCA 1-2-თან დაკავშირებულ, ისე სხვა საკვერცხის კიბოებში
კვლევაში BRCA1-2 გენეტიკური მუტაციის მქონე 203 და ამ მუტაციების არმქონე 300 პაციენტი, სულ 503 ადამიანი ჩაერთო. რეციდივის შემდეგ ქიმიოთერაპიით სარგებლის მიმღებთაგან 372-ს Niraparib 300 mg მიეცა, დანარჩენებს კი პლაცებო — მოჩვენებითი წამალი. BRCA1-2 მუტაციის მატარებლებში Niraparib-ის ჯგუფში დაავადების კონტროლი 22 თვე გაგრძელდა, წამლის არმიმღებ ჯგუფში კი 5.5 თვით შემოიფარგლა. BRCA1-2 მუტაციის არმქონეებში კონტროლის დრო მკურნალობის ჯგუფში 13 თვე იყო, არმიმღებებში კი მხოლოდ 4 თვე. სისხლის მაჩვენებლების ზომიერი შემცირების გარდა, უმართავი მძიმე გვერდითი მოვლენა არ გამოვლენილა.
ვფიქრობთ, ამ ძალიან შთამბეჭდავმა, ყოველდღიური პრაქტიკის შეცვლის უნარის მქონე შედეგებმა უახლოეს მომავალში ამერიკის წამლის ადმინისტრაციის (FDA) თანხმობა შეიძლება მიიღოს. საკვერცხის კიბოში ახალი წამლის ასეთმა დადებითმა შედეგებმა, უპირველესად პაციენტებთან ერთად, ჩვენ, ონკოლოგებიც გაგვახარა. დამტკიცების პროცესს ვადევნებთ თვალს და შესაბამის დროს ინფორმაციას მოგაწვდით.
წყაროები
Niraparib Maintenance Therapy in Platinum-Sensitive, Recurrent Ovarian Cancer.
October 8, 2016DOI: 10.1056/NEJMoa1611310
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.




მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.