პირის ღრუს გარკვეული ბაქტერიები პანკრეასის კიბოს რისკს დაუკავშირეს

ღრძილების დაავადებადაც ცნობილი პერიოდონტიტი, საკმაოდ გავრცელებული მდგომარეობაა, რომელიც ღრძილისა და მისი უფრო ღრმა ქსოვილების ანთებით მიმდინარეობს. აღმოჩნდა, რომ ეს დაავადება, რომელსაც სამედიცინო ენაში პერიოდონტიტისი ეწოდება, პანკრეასის კიბოს რისკს ზრდის. British Journal of Cancer ჟურნალში გამოქვეყნებული კვლევის მიხედვით, კბილის ირგვლივ ქსოვილების დამაზიანებელი დაავადების — პერიოდონტიტის — გამომწვევი ბაქტერიები შესაძლოა პანკრეასის კიბოს დაწყებაში მონაწილეობდეს.
კვლევაში პირის ღრუს კიბოების და ზოგი სხვა კიბოს განვითარებისას პერიოდონტიტის გამომწვევ ბაქტერიებსა და კიბოთი სიკვდილს შორის კავშირი გამოიკვლიეს.
პერიოდონტიტი მრავალი ფაქტორით გამოწვეულ ინფექციასთან დაკავშირებული ქრონიკული ანთებაა. ქრონიკულმა ანთებებმა კარცინოგენეზის (კიბოს წარმოქმნის) პროცესზე შეიძლება იმოქმედოს.
პირველად დამტკიცდა, რომ პერიოდონტიტთან დაკავშირებულ ბაქტერიას, Treponema denticola-ს (Td), მოლეკულურ დონეზე კიბოს დაწყებაზე მოქმედი მექანიზმის ამოქმედება შეუძლია. ამ ბაქტერიის ფერმენტი Td-CTLP კუჭ-ნაწლავის სისტემის კიბოებშიც აღმოაჩინეს, მაგალითად პანკრეასის კიბოში. აღმოჩნდა, რომ CTLP ფერმენტს შეუძლია იმ ფერმენტების (pro-MMP-8 და -9) გააქტიურება, რომლებსაც კიბოს უჯრედები ჯანმრთელ ქსოვილებში შეჭრისთვის იყენებს. ამავე დროს CTLP-მა იმუნური სისტემის ეფექტიანობა შეამცირა.
სხვა კვლევაში, რომლის მიზანი პერიოდონტიტის კიბოთი სიკვდილის რისკფაქტორად განსაზღვრა იყო, 68.273 ზრდასრულს 10 წლის განმავლობაში აკვირდებოდნენ. შეაფასეს ასაკის, სქესის, სოციალურ-ეკონომიკური მდგომარეობის, პირის ღრუს ჯანმრთელობის, სტომატოლოგიური მკურნალობისა და დიაბეტის გავლენა. თამბაქოსა და ალკოჰოლის მოხმარების მონაცემები არ გამოიყენეს. კვლევის ყველაზე საყურადღებო შედეგი პერიოდონტიტსა და პანკრეასის კიბოთი სიკვდილს შორის ძლიერი კავშირი იყო.
რას ნიშნავს ეს კვლევები ჩვენთვის?
- პირველად აჩვენეს, რომ ღრძილების დაავადების საფუძველში არსებული პათოგენური ბაქტერიები პირიდან სხეულის სხვა უბნებში ვრცელდება და კიბოსთან დაკავშირებული ქსოვილის დაზიანების ცენტრალურ მექანიზმებში შეიძლება ჩაერთოს.
- აღმოჩნდა, რომ დაბალი ხარისხის სისტემური ანთება პირის ბაქტერიების ტოქსინების (ვირულენტობის ფაქტორების) სხეულის სხვა უბნებში გავრცელებას აადვილებს.
- გამოვლინდა, რომ პერიოდონტიტის პრევენციასა და ადრეულ დიაგნოზს როგორც პირის ღრუს, ისე ზოგადი ჯანმრთელობისთვის დიდი მნიშვნელობა აქვს.
- კიბო და სტომატოლოგიური მკურნალობა! რას უნდა მიაქციონ ყურადღება ძვლის დამცავი წამლების მომხმარებლებმა?
წყაროები
Treponema denticola chymotrypsin-like proteinase may contribute to orodigestive carcinogenesis through immunomodulation.
British Journal of Cancer, 2017
2. Pia Heikkilä, Anna But, Timo Sorsa, Jari Haukka.
Periodontitis and Cancer Mortality: Register-based Cohort Study of 68 273 Adults in 10-year Follow-up.
International Journal of Cancer, 2018
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.





მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.