პროსტატის კიბოს აღმომჩენი ძაღლები

პროსტატის კიბო მსოფლიოში მამაკაცებში კიბოთი სიკვდილიანობის მეორე მიზეზია. პროსტატის კიბოსათვის პროსტატის სპეციფიკურ ანტიგენზე (PSA) სკრინინგის მიღმა უფრო მგრძნობიარე და სპეციფიკური დიაგნოსტიკური სტრატეგიაა საჭირო. 

კიბოს დიაგნოსტიკისათვის ძაღლის მგრძნობიარე ყნოსვაზე დაყრდნობა

ფართოდ გამოყენებულმა პროსტატის სპეციფიკური ანტიგენის (PSA) სკრინინგულმა ტესტებმა შეიძლება აგრესიული პროსტატის კიბო მამაკაცებში გამოტოვოს ან დაბალი რისკის შემთხვევაში კიბო აგრესიულად აჩვენოს. ალტერნატიული ტესტების კვლევა გრძელდება. არსებობს კვლევაც, რომლის მიხედვითაც ძაღლებს შარდის ნიმუშებში პროსტატის კიბოს მაღალი სიზუსტით გამოვლენა შეიძლება ვასწავლოთ. თუმცა ძაღლებით ფართომასშტაბიანი კიბოს სკრინინგი არაპრაქტიკული იქნება.

Florin ამოწმებს კარუსელს, რომელშიც პროსტატის კიბოს მქონე ან არმქონე მამაკაცების შარდის ნიმუშებია. გაჩერებითა და ნიმუშზე ყურებით ის კიბოზე დადებით ნიმუშს მიუთითებს და სწორი არჩევანისათვის ჯილდოვდება.

ძაღლების უნარისა და ხელოვნური ინტელექტის გაერთიანება

Guest და კოლეგები პროსტატის კიბოს დიაგნოსტიკური ტესტების განვითარებისათვის ახალი სასარგებლო შეხედულებების გამოსავლენად ხელოვნური ინტელექტის მსგავსი სხვა პერსპექტიული გამოვლენის მეთოდებისა და ძაღლების ძლიერი ყნოსვის უნარის გაერთიანებას შეუდგნენ.

მკვლევრებმა ორი ძაღლი შარდის ნიმუშებში აგრესიული პროსტატის კიბოს ამოსაცნობად გაწვრთნეს. ამ ძაღლებმა Gleason-ის ქულით 9, მაღალი აგრესიულობის პროსტატის კიბოს გამოვლენისას 71% მგრძნობელობა (რეალურად დადებითი შემთხვევების ამოცნობის უნარი) და 70 – 76% სპეციფიკურობა (რეალურად უარყოფითი შემთხვევების სწორად ამოცნობის უნარი) აჩვენეს.

(A) კვლევაში მონაწილე ძაღლები: Florin და Midas. (B) ჭურჭელი, რომელშიც ნიმუშებს ყნოსავდნენ. (C) მკლავები, რომლებზეც ნიმუშების შემცველი მეტალის სატესტო ჭურჭელი განთავსდა. (D) ორმაგად ბრმა კვლევაში ბიოფსიით უარყოფითი კონტროლისა და კიბოს ნიმუშების შედარება.

გუნდმა შარდის ნიმუშებს ორი ლაბორატორიული გამოვლენის მეთოდიც მიუსადაგა: აქროლადი ნაერთების გაზური ქრომატოგრაფია – მას-სპექტრომეტრია (GC-MS) და შარდში ბუნებრივად არსებული მიკრობული სახეობების ანალიზი. ორივე მეთოდმა კიბოზე უარყოფით და დადებით ნიმუშებს შორის მნიშვნელოვანი განსხვავებები გამოავლინა.

ბოლოს, მკვლევრებმა ძაღლების დიაგნოსტიკაში მნიშვნელოვანი წვლილის მქონე სპექტროსკოპიული მონაცემების გარკვეული ნაწილების ამოსაცნობად ხელოვნური ნეირონული ქსელი (ხელოვნური ინტელექტის ერთ-ერთი გამოყენება) აამუშავეს და ძაღლების მონაცემები გამოიყენეს. შედეგები აჩვენებს, რომ უფრო ფართო კვლევებმა შეიძლება ეს ერთმანეთისაგან განსხვავებული მეთოდოლოგიები მეტად გააერთიანოს, შორსწასული პროსტატის კიბოს გამოვლენის გასაუმჯობესებლად და ძაღლის ყნოსვის უნარის მიმბაძველი ახალი დიაგნოსტიკური საშუალებების შესაქმნელად.

კვლევის ერთ-ერთი ავტორის კომენტარი: „ვაჩვენეთ, რომ ძაღლის შესრულების სენსორებისა და ტვინების სახით მიბაძვა შესაძლებელია; ახლა დროა, ეს ტექნოლოგია ყველა სმარტფონში მოვათავსოთ.“