რა არის გლისონის ქულა? როგორ გამოითვლება გლისონის ხარისხები პროსტატის კიბოში?

გლისონის ქულა პროსტატის კიბოს უჯრედების გამრავლებისა და გავრცელების სიჩქარეზე წარმოდგენას იძლევა და კიბოს უჯრედების ნორმალური უჯრედებისგან განსხვავების ხარისხს აფასებს. გლისონის ქულა 2-10 ფარგლებშია; მაღალი ქულა ნიშნავს უფრო აგრესიულ კიბოს და უფრო სწრაფ პროგრესირებას.

პათოლოგი მიკროსკოპით პროსტატის ბიოფსიით აღებულ ქსოვილის ნიმუშში გლისონის პატერნებს იკვლევს. ისინი 1-დან 5-მდე რიცხვებით აღინიშნება. მიკროსკოპით 1. პატერნში კიბოს უჯრედები პროსტატის ნორმალურ ჯირკვლებს ჰგავს, ხოლო 5. პატერნში ნორმალური ჯირკვლის სურათი ძალიან იშვიათად ან საერთოდ არ ჩანს. ეს ანაპლაზიურ კარცინომას შეესაბამება.

შემდეგ პათოლოგი ადგენს სიმსივნის ნიმუშში ყველაზე ხშირად ნანახ პატერნებს. დომინანტს პირველადი პატერნი ეწოდება (ყველა ნანახი პატერნის %50-ზე მეტი უნდა იყოს). შემდეგ სიხშირის მიხედვით მეორეულ (%5-ზე მეტი, მაგრამ %50-ზე ნაკლები) და მესამეულ პატერნებს განსაზღვრავს.

ბოლოს პათოლოგი „საბოლოო გლისონის ქულას“ პირველადი და მეორეული პატერნების რიცხვების შეკრებით ადგენს. თუ მხოლოდ 2 პატერნი ჩანს, მათ რიცხვებს კრებენ. მაგრამ თუ 3 პატერნი ჩანს, პირველადი და მაღალი ხარისხის პატერნები იკრიბება. მაგალითად, პირველადი პატერნის ქულა 2-ია, მეორეულის 3, თუმცა ზოგი უჯრედი 4. ხარისხისაა; მაშინ გლისონის ქულაა 2+4=6.