როგორ ამოვიცნოთ ყალბი N95 ნიღაბი?

ყალბი N95 სახის ნიღბების გამოყენება სულ უფრო გავრცელებული ხდება (N95-ის მსგავს ნიღბებს სამედიცინო ენაზე რესპირატორები ეწოდება). აშშ-ის დაავადებათა კონტროლისა და პრევენციის ცენტრების (US-CDC) თანახმად, გარანტირებული არ არის, რომ ყალბი N95 ნიღბები ისეთივე დაცვას უზრუნველყოფს, როგორსაც აშშ-ის შრომის უსაფრთხოებისა და ჯანმრთელობის ეროვნული ინსტიტუტის (NIOSH) მიერ დამტკიცებული ნიღბები. აშშ-ში გამფილტრავი სახის რესპირატორების რეგულირებას NIOSH ახორციელებს.
რა სტანდარტები აქვს რესპირატორებს?
აშშ-ის დაავადებათა კონტროლის ცენტრები N95 რესპირატორულ სტანდარტს COVID-19 -ისა და SARS-ის სახელმძღვანელოებში რეკომენდებული დაცვის აღჭურვილობის ნაწილად ასახელებს. ევროპაში კი „გამფილტრავი სახის ნაწილის“ მაჩვენებელი (FFP) EN სტანდარტიდან 149: 2001 მოდის. ჩვენს ქვეყანაშიც ეს სტანდარტია საფუძვლად აღებული.
ცნობილი რესპირატორების მახასიათებლებია:
- FFP2-ის ფილტრაციის უნარი 94%-ია.
- N95-ის ფილტრაციის უნარი 95%-ია.
- FFP3-ისა და n99-ის ფილტრაციის უნარი 99%-ია.
- N100-ის ფილტრაციის უნარი 99,7%-ია.
შენიშვნა: „ფილტრაციის უნარი“ ნიშნავს, 0,3 მიკრონის ან უფრო დიდი ნაწილაკების რამდენ პროცენტს ფილტრავს ნიღაბი.
როგორ გავიგო, ჩემი N95 ნიღაბი ყალბი ან იმიტაციაა თუ არა? რამდენიმე მარტივი მინიშნება

- ნამდვილ / სანდო N95 ნიღბებს წინა მხარეს აქვთ დამტკიცების ნომერი TC ასოებთან ერთად, ასევე მითითებული მოდელის ნომერი და, შესაძლოა, პარტიის ნომერიც.
- სანდო ნიღბებზე მითითებულია ფილტრის კლასი (N, P ან R ასოებით) და ფილტრაციის ეფექტიანობა (95, 99 ან 100 რიცხვებით). N95 ნიღაბს კლასისათვის N აქვს, ეფექტიანობისათვის კი 95, ანუ მას განსაზღვრული ზომის ნაწილაკების 95%-ის ან მეტის გაფილტვრა შეუძლია.
- ნამდვილ ნიღბებს ასევე აქვს NIOSH-ის ლოგო ან უწყების სახელი ბეჭდური დიდი ასოებით, ბრენდის სახელი, რეგისტრირებული სავაჭრო ნიშანი ან ნიღბის დამტკიცების მქონე საწარმოს შემოკლებული სახელი. სახეზე დასამაგრებლად მას თავის ზოლები ექნება და არა ყურის მარყუჟები.
- ყალბი ნიღბის აშკარა ნიშანია FDA-ს ლოგო ან სურსათისა და მედიკამენტების ადმინისტრაციის დამტკიცების ან რეგისტრაციის ხსენება; FDA სახის ნიღბებს არ არეგულირებს, ამას მხოლოდ NIOSH აკეთებს. NIOSH ბავშვებისათვის სახის ნიღბებს არ ამტკიცებს – შესაბამისად, თუ ბავშვის უსაფრთხოებაა ნახსენები, ეს ყალბი ნიღბის კიდევ ერთი ნიშანია.
დაკავშირებული თემები
- Covid-19-ის მიმდინარე სტატისტიკა მსოფლიოსა და თურქეთში
- კორონავირუსის შესახებ უახლესი ამბები და სამეცნიერო სიახლეები
წყაროები
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.





მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.