როგორ მოქმედებს ჯდომა ტვინის ჯანმრთელობაზე?

ტექნოლოგიისა და მეცნიერების შესაძლებლობებით ცხოვრება გაგვიმარტივდა. შოპინგი, მუშაობა და ურთიერთობაც კი მჯდომარე შეგვიძლია. ბევრ ჩვენგანს სიფხიზლის დროის უმეტესობა დივანზე, მაგიდასთან ან მანქანაში ჯდომაში გააქვს. ფიზიკური აქტივობისა და ჯდომის ხანგრძლივობის ცვლილების გათვალისწინებით, ბოლო 20 წელში მკვლევრებმა ჯდომის გავლენის ადამიანის ტვინზე შესწავლა დაიწყეს.
ამერიკის ფსიქოლოგთა ასოციაციის მიერ გამოცემულ ფსიქოლოგია და დაბერება ჟურნალში გამოქვეყნებულმა კვლევამ ხაზი გაუსვა, რომ ხანდაზმულთათვის ჯდომა, გავრცელებული მოსაზრების საპირისპიროდ, ტვინისთვის ყოველთვის საზიანო არ არის და შეიძლება შემეცნებითად სასარგებლოც იყოს.
ეს კვლევა ვარაუდობს, რომ მიუხედავად ზოგადი ჯანმრთელობისთვის ხანდაზმულებში ფიზიკური აქტივობის სარგებლიანობისა, თუ ადამიანი საკმარისად აქტიურია, გარკვეულ პერიოდებში უმოძრაობამ ზოგი შემეცნებითი შესაძლებლობა შეიძლება გააუმჯობესოს ამას ვარაუდობს.
მკვლევრებმა აღმოაჩინეს, რომ
- ყოველდღიური საშუალო და მაღალი ინტენსივობის ფიზიკური აქტივობა, აღქმის სიჩქარისა და მსჯელობის ჩათვლით, უკეთეს ფლუიდურ ინტელექტს ანუ დამუშავების სიჩქარესა და მეხსიერებას, პრობლემის გადაჭრასა და მსჯელობას უკავშირდებოდა,
- ხოლო ჯდომაში გატარებული მეტი დრო ლექსიკის ტესტებსა და მსჯელობაში უკეთეს შედეგებს უკავშირდებოდა.
ხანდაზმულებში ჯდომისა და შემეცნებითი ფუნქციების შემფასებელი კვლევის დეტალები
მკვლევრები 60-დან 80 წლამდე 228 ხანდაზმულისთვის აერობული აქტივობის ჩარევის წინა 6-თვიანი კვლევის საწყის მონაცემებზე კონცენტრირდნენ. მონაწილეები მემარჯვენეობისა და ნევროლოგიური თუ ფსიქიატრიული დაავადების ისტორიის არქონის პირობით შეირჩა. ასევე გათვალისწინებული იყო მინი-მენტალური მდგომარეობის გამოკვლევა და მენტალური მდგომარეობის კითხვარი. ეს გამოკვლევა აფასებს ორიენტაციას, საკუთარი თავისა და გარემოს ცოდნას, მიმდინარე მოვლენების ცოდნას, ყურადღებას, ხანმოკლე მეხსიერებასა და სწავლას, ხანგრძლივ მეხსიერებასა და მსჯელობას.
მონაწილეები 7 დღის განმავლობაში სიფხიზლისას წელ-თეძოს მიდამოში მოძრაობის სენსორს ატარებდნენ. მონაცემები ჯდომის დროდ და საშუალო-მაღალი ინტენსივობის აქტივობად დაიყო.
დასკვნა
მკვლევრებმა მონაცემების შესწავლით ფლუიდური ინტელექტი — დამუშავების სიჩქარე, მეხსიერება და მსჯელობა — და კრისტალიზებული ინტელექტი, ანუ ლექსიკა, ვირჯინიის კოგნიტური დაბერების სკალით შეაფასეს.
შედეგად ასაკის, სქესისა და სხვადასხვა შეცვლადი სოციალურ-ეკონომიკური, ფიზიკური და ფუნქციური ჯანმრთელობის ფაქტორების გათვალისწინების შემდეგ, ყოველდღიურად საშუალო-მაღალი ინტენსივობის აქტივობაში გატარებული დრო ფლუიდურ ინტელექტთან, აღქმის სიჩქარესა და მსჯელობასთან დადებით კავშირში აღმოჩნდა. ასევე დაასკვნეს, რომ მეტხანს მჯდომარე პირებს ლექსიკისა და მსჯელობის ამოცანებში უკეთესი შედეგები ჰქონდათ.
კვლევის ძლიერ მხარესკვლევის წამყვანი ავტორის Aga Burzynska-ს სიტყვებით ავხსნი: „კითხვარებში ადამიანები ყოველდღიურ მოძრაობას აჭარბებენ და ჯდომის დროს ამცირებენ. ამიტომ კვლევის მნიშვნელოვანი ასპექტია ცხოვრების წესისა და აქტივობის ობიექტური გაზომვისთვის კითხვარის ნაცვლად სენსორების გამოყენება. ეს ყოველდღიური, განსაკუთრებით დაბალი ინტენსივობის აქტივობის უფრო ობიექტურად შეფასებას იძლევა."
კომენტარი
ამ შედეგებით მეტ ჯდომას ვერ ვურჩევ, თუმცა მიმაჩნია, რომ მნიშვნელოვანია მაქსიმალური ფიზიკური აქტიურობა და ჯდომისას გონებრივი საქმიანობით, მაგალითად კითხვით, ტვინის სტიმულირება. ამ კვლევიდან გამოსატანი დასკვნაა: ფიზიკური აქტივობისა და შემეცნებითი ფუნქციებისთვის დროის გამოყოფის, რაც ხშირად მჯდომარეც შეიძლება, კომბინაცია ტვინზე ზრუნვის ერთ-ერთი საუკეთესო გზაა.
წყაროები
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.





მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.