რომელ პროფესიებს აქვთ COVID-19-ის ყველაზე მაღალი რისკი?
ამ სტატიაში
ბოლო კვირებში ბევრი სახლიდან მუშაობით სოციალური იზოლაციის ზომებს იცავს. ეს შეზღუდვა ახალი კორონავირუსის SARS-CoV-2-ისა და მისით გამოწვეული COVID-19 დაავადებისკონტროლისა და ზიანის შემცირების უმნიშვნელოვანესი გზაა, თუმცა მხოლოდ მცირე ნაწილს შეუძლია დისტანციურად/სახლიდან მუშაობა. მაგალითად, აშშ-ის მუშაკთა მხოლოდ %29-ს აქვს ეს ფუფუნება; დანარჩენი %71-ის მდგომარეობა გაურკვეველია. მოსახლეობის მნიშვნელოვანი ნაწილი გათავისუფლებისა და სავალდებულო ჩაკეტვის გამო უმუშევარია. ძირითადი მომსახურების მუშაკები აგრძელებენ, თუმცა ინფიცირების რისკი გაეზარდათ. O*NET-ის (პროფესიული ინფორმაციის ქსელი) მონაცემებით შეიქმნა ინფოგრაფიკა (ინფორმაციის ვიზუალური წარმოდგენა) ყველაზე მაღალი COVID-19 ექსპოზიციის რისკის პროფესიების დასადგენად.
შენიშვნა: მონაცემები აშშ-ის სამუშაო გარემოს ეხება. რისკები და ანაზღაურება სხვა ქვეყნებზე პირდაპირ ვერ განზოგადდება, თუმცა წარმოდგენისთვის მნიშვნელოვანია.
მეთოდოლოგია და შედეგები
ქულები პროფესიულ ბაზაში არსებული სამუშაოს 3 ფიზიკური მახასიათებლის შეფასებას ეფუძნება:
- კონტაქტი სხვებთან: სამუშაოს შესასრულებლად რამდენად სჭირდება მუშაკს სხვებთან კონტაქტი.
- ფიზიკური სიახლოვე: რამდენად მოითხოვს სამუშაო სხვებთან ახლოს ფიზიკური დავალებების შესრულებას.
- დაავადებისა და ინფექციის ექსპოზიცია: რამდენად ხშირად მოითხოვს სამუშაო საშიშ პირობებთან შეხებას.
გრაფიკში ყოველ მახასიათებელს თანაბარი წონა აქვს; სამუშაოები 100-დან 0-მდე საბოლოო COVID-19 რისკის ქულას იღებს. 100 ყველაზე მაღალ, 0 ყველაზე დაბალ რისკს აღნიშნავს. 0,5-ზე დაბალი ქულის სამუშაოები შემდგომი ანალიზებით გამოვლინდა. სიის შესამცირებლად 20.000-ზე ნაკლები დასაქმებულის პროფესიები ამოიღეს. დარჩენილებიდან შეარჩიეს 100 ცნობილი პროფესია და წლიური საშუალო შემოსავლით, დასაქმებულთა რიცხვითა და რისკით დაალაგეს.
მიუხედავად აშკარა მიგნებებისა, მაგალითად ექთნებისა და მედიკოსების იურისტებსა და ვებდეველოპერებზე მეტი რისკისა, მონაცემთა ნაკრები თითოეული პროფესიის რისკის უფრო რაოდენობრივად გაგების საშუალებას იძლევა.
კორონავირუსის წინა ხაზზე მყოფთა ამოცნობა
უდავოდ, ჯანდაცვის მუშაკები ვირუსთან წინა ხაზზე თამამად იბრძვიან. თუმცა მხოლოდ მცირე ნაწილს შეუძლია სახლიდან მუშაობა და წინა ხაზის მრავალი პროფესია ჯანდაცვის მუშაკებივით იმსახურებს ბრძოლაში აღიარებას. ორი ასეთია ავტობუსის მძღოლი და მოლარე. ორივე სხვებთან ფიზიკურ სიახლოვეს მოითხოვს. მათი მომსახურება მნიშვნელოვანია და რისკის მიუხედავად მრავალი მთელი პანდემიის განმავლობაში მუშაობს. მაღაზიის თანამშრომლები ქვეყნებს სამოქალაქო არეულობისგან იცავენ: მაღაზიაში არავინ რომ მუშაობდეს, დიდ გასაჭირში აღმოვჩნდებოდით.
გრაფიკისთვის მიღებული მონაცემები ასევე აჩვენებს, რომ მაღალშემოსავლიანებს სახლიდან მუშაობის უფრო მაღალი პროცენტი აქვთ. როცა ბევრს გადასახადები ადარდებს, უთანასწორობა განსაკუთრებით დაბალშემოსავლიანებს შეიძლება მძიმედ შეეხოს. სახლიდან არმუშაობისას არსებულ ფინანსურ სირთულეებს გაზრდილი ჯანმრთელობის რისკიც ემატება.
დასკვნა
COVID-19 ეპიდემიამ პროფესიული რისკებით ყველა განსხვავებულად მოიცვა. წინა ხაზის ადამიანები თავს რისკავენ პაციენტის მოვლისთვის, მაღაზიის თაროებისთვის თუ საზოგადოების შეუფერხებელი ფუნქციონირებისთვის. სახლიდან მუშაობის იღბლიანებს კი შაბათ-კვირასაც უსაფრთხო სოციალური დისტანციით გავრცელების შენელებაში დახმარება შეუძლიათ.
ყველა ჩვენი სტატია კორონავირუსზე
წყაროები
The Front Line: Visualizing the Occupations with the Highest COVID-19 Risk.
visualcapitalist.com - 15 April 2020.
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.
მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.