შეიძლება ხანგრძლივი სიცოცხლის საიდუმლო დაბერების საწინააღმდეგო ფერმენტი იყოს?

2020 წლის ივლისში Science Advances სახელწოდების ჟურნალში გამოქვეყნებული კვლევის თანახმად, ხანგრძლივი სიცოცხლის ერთ-ერთი საიდუმლო იხსნება. მეცნიერთა მიხედვით, ახლად აღმოჩენილი ფერმენტი ხანგრძლივად მცხოვრებ ადამიანებში საკვანძო როლს ასრულებს. მოდით, ერთად უფრო დეტალურად განვიხილოთ.
ხანგრძლივი სიცოცხლის მოლოდინის საიდუმლო დეტალებშია
ქრომოსომების ბოლოებში ტელომერების სახელწოდების სპეციალური მიმდევრობებია. ეს მიმდევრობები ადამიანის დნმ-ს გაწყვეტისგან იცავს და უჯრედების გამრავლებისას მნიშვნელოვან მარეგულირებელ როლს ასრულებს. ყოველი უჯრედული გაყოფისას ტელომერების ბოლოები მოკლდება და ამას დაბერებაც მოსდევს. ახალ კვლევაში მეცნიერები აჩვენებენ, რომ ამ მდგომარეობის შეცვლა შესაძლებელია.
კორეის მეცნიერებისა და ტექნოლოგიების მოწინავე ინსტიტუტის მკვლევრების კვლევამ ხანგრძლივ სიცოცხლესთან დაკავშირებული უჯრედული ენერგიის გზისშესახებ ახალი პერსპექტივა შექმნა. ადამიანის უჯრედებსა და მრგვალ ჭიებზე ჩატარებულმა კვლევამ გაზარდა მოლოდინი დაბერების საწინააღმდეგო მიდგომებისა / კანდიდატი პრეპარატების მიმართ, რომლებსაც ამ გზის გააქტიურებით სიცოცხლის გახანგრძლივება შეუძლიათ.
AMPK (ადენოზინმონოფოსფატით აქტივირებული პროტეინკინაზა)არის ცილა, რომელსაც უჯრედულ მეტაბოლიზმში მნიშვნელოვანი როლი აქვს და მოქმედების ფართო სპექტრი ახასიათებს — გულის ჯანმრთელობის გაუმჯობესებიდან სიცოცხლის გახანგრძლივებამდე. ის აქტიურდება უჯრედული ენერგიის დაბალი დონის საპასუხოდ, რაც ხშირად ვარჯიშისას ან კალორიების შეზღუდვის პერიოდში აღინიშნება. ცხოველებზე ჩატარებულ კვლევებში AMPK-ის გააქტიურება სიცოცხლის ხანგრძლივობის მნიშვნელოვან მატებას იწვევდა.
კვლევაში აღმოაჩინეს უჯრედული ენერგიის პროცესების რეგულირებისთვის AMPK-სთან ერთად მოქმედი VRK-1 სახელწოდების ფერმენტი. მრგვალ ჭიებში VRK-1 აქტივობის ზრდა AMPK-ის აქტივობას ასტიმულირებდა და ორგანიზმის სიცოცხლეს ახანგრძლივებდა. ფერმენტის აქტივობის დათრგუნვისას კი საპირისპირო ეფექტი აღინიშნებოდა.
ჭიებზე ჩატარებულ ცდებში შესაბამისი გენები უჯრედებში VRK-1 ცილის გამოსამუშავებლად გაააქტიურეს. კვლევების შედეგად, ჭიების უჯრედული ენერგიის გამოყენებაში მონაწილე ცილების აღდგენისას სიცოცხლის გახანგრძლივება დაფიქსირდა; საკონტროლო ჭიები საშუალოდ 16,9 დღე ცოცხლობდნენ, ხოლო მაღალი VRK-1 აქტივობის მქონე ექსპერიმენტული ჭიები პირველ ჯგუფში საშუალოდ 20,8 დღეს, მეორე ჯგუფში კი საშუალოდ 23,7 დღეს.
უჯრედული ტესტებით მუშაობის გაგრძელებისას გუნდმა დაადასტურა, რომ მსგავსი VRK-1/AMPK მექანიზმი ადამიანის უჯრედებშიც მოქმედებს. ამ აღმოჩენაზე დაყრდნობით მკვლევრები ვარაუდობენ, რომ VRK-1-ის აქტივობის შემცვლელი პრეპარატებით სიცოცხლის გახანგრძლივება შეიძლება. ამასთან, აქტიური / მოძრავი და არამსუქანი ადამიანების ხანგრძლივად ცხოვრების მიზეზსაც მექანისტურად ხსნის VRK-1/AMPK კავშირი (იხილეთ ლურჯი ზონის ადამიანები).
თუმცა VRK-1-ის მიერ AMPK-ის გააქტიურების უკეთ გასაგებად მეტი კვლევაა საჭირო. უნდა დადგინდეს მექანიზმები, რომლებითაც AMPK უჯრედულ ენერგიას აკონტროლებს.
ეს მცირე ექსპერიმენტია, რომელიც მრგვალ ჭიებსა და ადამიანის რამდენიმე უჯრედზე ჩატარდა. იმის დასამტკიცებლად, რომ VRK-1-ს AMPK-სთან ერთად ხანგრძლივი სიცოცხლის გამოწვევა შეუძლია, ის სხვა ძუძუმწოვრებშიც, მაგალითად თაგვებში, უნდა გამოიცადოს. კვლევა სამომავლო უფრო მასშტაბური კვლევებისთვის შთაგონების წყაროდ გამოიყურება.
წყაროები
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.





მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.