მსოფლიოს ყველაზე დღეგრძელი „ლურჯი ზონების“ ადამიანთა 8 საერთო თვისება
ამ სტატიაში
Blue Zones-ის („ლურჯი ზონების“) სახელით ცნობილ რეგიონებში ადამიანები, ჩვეულებრივ, 100 წლამდე ჯანმრთელად ცხოვრობენ. ისინი, ცხოვრების ხარისხისდა ხანგრძლივობისგაზრდის ხელშემწყობ ცხოვრების წესის 8 საერთო პრინციპსიზიარებენ.
National Geographic-ის წევრმა და New York Times-ის ავტორმა დენ ბიუტნერმა აღმოაჩინა ხუთი „ლურჯი ზონა“, სადაც ადამიანები ყველაზე დიდხანს და ყველაზე ჯანმრთელად ცხოვრობენ.
ეს რეგიონებია;
- სარდინიის ბარბაჯის რეგიონი - სარდინიის შიდა მთიანი ზეგნები. რეგიონი, სადაც მსოფლიოს ყველაზე ხანდაზმული მამაკაცები ცხოვრობენ
- იკარია, საბერძნეთი - ეგეოსის ზღვის კუნძული. მსოფლიოში შუახნის სიკვდილიანობის ყველაზე დაბალი და დემენციის/ჭკუასუსტობის ყველაზე დაბალი მაჩვენებლების ადგილი.
- ნიკოიას ნახევარკუნძული, კოსტა-რიკა - რეგიონი, სადაც მსოფლიოს მეორე ყველაზე ხანდაზმული მამაკაცები ცხოვრობენ
- ლომა-ლინდა, კალიფორნია - აქ მცხოვრები მეშვიდე დღის ადვენტისტები (ქრისტიანული მიმდინარეობა).
- ოკინავა, იაპონია - რეგიონი, სადაც მსოფლიოს ყველაზე დღეგრძელი ქალები ცხოვრობენ.
მსოფლიოს ყველაზე დღეგრძელი ლურჯი ზონების ადამიანთა 8 საერთო თვისება — დღეგრძელობის საიდუმლოებები
1 – ბუნებრივი მოძრაობა
- ლურჯი ზონების ადამიანები მარათონს არ დარბიან და დარბაზში მძიმე ვარჯიშს არ ასრულებენ. მათი ცხოვრების წესი მუდმივ და ბუნებრივ მოძრაობას მოიცავს.
- ცხოვრობენ და მუშაობენ გარემოში, ბაღებში — მცირე ხელსაწყოების დახმარებით — რომელიც მათ მუდმივად და დაუფიქრებლად მოძრაობისკენ უბიძგებს.
2 – მიზანი
- ოკინაველები ამას Ikigai -ს, ნიკოიელები კი plan de vida -ს უწოდებენ. ორივე ნიშნავს იცოდე, რატომ იღვიძებ დილით; დღე მიზნიანად დაიწყო!
- გამოვლინდა, რომ მიზნის მქონე ადამიანები საშუალოდ 7 წლით მეტხანს ცხოვრობენ.
3 – მოდუნება
- ლურჯი ზონების ადამიანებიც კი სტრესს განიცდიან. სტრესი ცხოვრების ხარისხის გამაუარესებელი და ზოგი დაავადების გამომწვევი ფაქტორია.
- მსოფლიოს ყველაზე დღეგრძელ ადამიანებს სტრესის შემამცირებელი ჩვევები აქვთ.
- ოკინაველები ყოველდღე რამდენიმე წუთს წინაპრების გახსენებას უთმობენ, ადვენტისტები ლოცულობენ, იკარიელები შუადღეს ცოტა იძინებენ (სიესტა), სარდინიელები ერთობიან.
4 - %80 წესი
- შიმშილის არქონასა და გადავსების შეგრძნებას შორის % 20 სხვაობა შეიძლება წონის კლებასა თუ მატებას განსაზღვრავდეს. ანუ სუფრიდან სრულ დანაყრებამდე ადგომა.
- ლურჯი ზონების ადამიანები მცირე ულუფას შუადღის შემდეგ ან საღამოს ადრე იღებენ და დღის დარჩენილ ნაწილში მეტს აღარ ჭამენ (3 ძირითადი და 3 შუალედური კვების წესი არ აქვთ).
5 – ბოსტნეულზე დაფუძნებული კვება
- ჭარბობს სეზონური ბოსტნეული და ხილი,
- მიირთმევენ მთლიანი მარცვლეულის საკვებს,
- საკვებში თხის რძე და ყველიც შედის,
- კერძებში ადგილობრივ ბალახეულს იყენებენ (ვარდკაჭაჭა, კამა და სხვ.)
- უპირატესად წყალს და ბევრ სხვა სითხეს მოიხმარენ,
- ხშირად თევზს ირჩევენ,
- წითელ ხორცს ცოტას ჭამენ
6 – რწმენა
- ლურჯ ზონებში მცხოვრები 100 წელს გადაცილებული ყოველი 5 ადამიანიდან ორი რომელიმე რელიგიურ თემს ეკუთვნოდა.
- კვლევები აჩვენებს, რომ რწმენაზე დაფუძნებულ მსახურებაში თვეში ოთხჯერ მონაწილეობა სიცოცხლეს 4-14 წლით ახანგრძლივებს.
7 – ოჯახი უპირველესად
- ამ რეგიონების ადამიანებისთვის ოჯახი პრიორიტეტულია.
- ხანდაზმული მშობლები (ბაბუა, ბებია) ახლოს ან იმავე სახლში ცხოვრობენ.
- სახლში უფროსების ყოფნა ბავშვების ავად გახდომისა და სიკვდილის ალბათობას ამცირებს.
- ასევე დადგინდა, რომ ხანგრძლივი ქორწინება — ცხოვრების თანამგზავრობა — სიცოცხლეს 3 წლამდე ახანგრძლივებს.
8 – შესაფერისი სოციალური ჯგუფი / კარგი მეგობრები
- ლურჯი ზონების ადამიანებს, ჯანსაღი ქცევის მხარდამჭერი სოციალური გარემოაქვთ.
- ოკინაველებმა შექმნეს მთელი სიცოცხლით ერთმანეთთან დაკავშირებული ხუთი მეგობრისგან შემდგარი ჯგუფის ცნება moais .
- კვლევები აჩვენებს, რომ მოწევა, სიმსუქნე, ბედნიერება და მარტოობაც კი გადამდებია .
- დღეგრძელ ადამიანთა სოციალური ქსელები ჯანმრთელობასთან დაკავშირებულ ქცევებს დადებითად აყალიბებს.
.
ქვემოთ სქემაზე ლურჯი ზონების თემების საერთო და განსხვავებული მხარეებია ნაჩვენები. ძლიერი სოციალური კავშირები, ბოსტნეულზე დაფუძნებული კვება და მოწევის არარსებობა ამ საზოგადოებების უმთავრესი თვისებებია
.
Blue Zones-ის აღმოჩენის შემდეგ გამოქვეყნდა სოციალური ინტეგრაციის მნიშვნელობის დამადასტურებელი კვლევაც. მისი თანახმად, ძლიერი სოციალური ინტეგრაცია სიცოცხლის ხანგრძლივობაზე ყველაზე დადებითად მოქმედი ფაქტორია
*
წყაროები
2. Buettner, D., 2012. The Blue Zones: 9 Lessons for Living Longer from the People
Who've Lived the Longest, second ed. National Geographic Press, Washington,
DC.
3. Julianne Holt-Lunstad , Timothy B. Smith, J. Bradley Layton.
Social Relationships and Mortality Risk: A Meta-analytic Review.
PLOS Medicine, 2010.
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.
მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.