Əziz dostlarım...

Son illərdə mətbuatda gördüyüm ən mühüm problem xərçəng sahəsində sensasiyalı xəbər axtarışıdır. Bu yanaşma çox vaxt yanılmaya açıq, həqiqəti əks etdirməyən və insanlara mənfi təsir edən xəbərlərə səbəb olur.
İllərdir xərçəng sahəsində mübarizə aparıram. Xoşbəxtliyin və kədərin zirvələrinin yaşandığı sahədəyəm. Erkən diaqnoz qoyulan xəstələrimizin xərçəngdən qurtulması nəticəsində ailələri ilə sevinclərini, irəliləmiş mərhələli xəstəlik diaqnozu qoyulan və ciddi həyat mübarizəsindən sonra xərçəngə bağlı həyatını itirən xəstələrin və ailələrinin acılarını demək olar ki, hər gün klinikalarımızda bütün komandamızla paylaşırıq. Cəmiyyətdə fərq etdiyim ən mühüm yanılma xərçəngin mübarizə edilə bilməyən xəstəlik olduğu təsəvvürüdür. Halbuki hazırda xərçənglə təsirli mübarizə mümkündür.
Son 20 ildə xərçəngdən qorunma, diaqnoz və müalicə sahəsində təsəvvürləri aşan inkişaflar olmuşdur. 1990-cı illərdən sonra siqaretin xərçəngin ən mühüm səbəbi olduğu ölkələr tərəfindən qəbul edilmiş və siqaretlə mübarizə çox sayda ölkədə dövlət strategiyası kimi qəbul olunmuşdur. Siqaret bütün xərçənglərin 1/3-nə cavabdehdir, ürək və damar xəstəliklərinə bağlı ölümlərin ən mühüm səbəblərindəndir. Siqaretdən uzaq həyat, düzgün qidalanma və yetərli fiziki aktivliklə bütün xərçənglərin demək olar ki, yarıya yaxınını həyatımızdan uzaqlaşdıra bilərik.
Erkən diaqnoz barədə yetərincə məlumatlı olmalı və lazım olan müayinələri özümüzə və ailəmizə müntəzəm etdirməliyik. Xərçəng diaqnozundan sonra ümid tacirlərindən uzaq durmalı, özümüzü və ailəmizi elmdənkənar müalicələrdən uzaq saxlamalıyıq.
20 il əvvəl xərçəngə tutulan hər 3 şəxsdən 1-i sağ qalarkən, hazırda bu nisbət hər 3 xəstədən 2-yə qalxmışdır. Bu, inanılması çətin müsbət dəyişiklikdir. Bu dəyişikliyi təmin edən ən mühüm şey müasir tibbin xərçəng sahəsində ortaya qoyduğu uğurdur. Demək olar ki, hər həftə xərçəng müalicəsi sahəsində müəyyən edilən yeni dərman və müalicə üsulu bizə və xəstələrimizə ümid olur.
Qurduğum güclü komanda ilə hər gün dünyada xərçəng sahəsində müəyyən edilən elmi məlumatları araşdırıb sizə faydalı olacağına inandığım məlumatları internet saytımızdan, twitterdən və facebook səhifəmdən sadə və anlaşılan dillə dərc edəcəyik. Beləliklə, daim nədənsə şikayət edən və tənqid edən olmaqdan çıxıb gördüyümüz qaranlığa bacardığımız qədər şam yandıraraq cəmiyyəti maarifləndirməyə çalışacağıq. Sizdən xahişim uyğun gördüyünüz xəbərləri mümkün qədər dostlarınızla paylaşmağınız olacaqdır.
Bu gün sizə maraqlandığınız elektron siqaret mövzusunda son inkişafları və öz fikrimizi təqdim edirik.
Sevgilərimlə
Bu məqalə sizə faydalı oldu?
Rəyiniz məzmunumuzu yaxşılaşdırmağa kömək edir.





Oxucu şərhləri
Şərhinizi paylaşın
Adınız və şərhiniz yalnız administrator təsdiqindən sonra dərc olunur. E-poçt ünvanınız ziyarətçilərə heç vaxt göstərilmir.
İlk şərhi siz yazın.