ახალი ცნობები კიბოს გავრცელების შესახებ – კიბოს უჯრედები, რომლებიც ერთმანეთს ესაუბრებიან

ვიცით, რომ კიბო დაავადებათა ჯგუფია, რომელსაც უჯრედების უკონტროლო გამრავლება ახასიათებს. თუმცა, როდესაც კიბოს უჯრედები მეტასტაზირებას იწყებს, ანუ საწყისი მდებარეობიდან ორგანიზმში ვრცელდება, დაავადება უფრო რთულ სახეს იღებს.
Oncogene -ში მეცნიერების Heide Ford-ისა და Micheal Lewis-ის თანამშრომლობით გამოქვეყნებულ ახალ კვლევაში ძუძუს კიბოს უჯრედების მეტასტაზირების ამხსნელი ახალი მექანიზმი და მისი შენელების შესაძლო გზები აღწერეს.
Ford „მეტასტაზი დიდი პრობლემაა, რომელსაც სათანადოდ ვერ უმკლავდებიან“ ამბობს.
"როგორ უნდა დაითრგუნოს მეტასტაზირების პროცესი ან სხვა ადგილებში მეტასტაზური უჯრედების ზრდა, კვლავ გადაუჭრელი საკითხია და მეტასტაზირება კიბოს მქონე პაციენტთა უმეტესობის სიკვდილის მიზეზია. იქნება ეს მიზნობრივი წამლებითუ ნაკლებად მიზნობრივი ქიმიოთერაპიები , ფართოდ გამოყენებული კიბოს წამლებიდან ბევრი პირველად/მთავარ სიმსივნეს საკმაოდ კარგად თრგუნავს. მაგრამ კიბოს უჯრედები მეტასტაზირებისას შეიძლება იმდენად შეიცვალოს, რომ წამლებით ვეღარ დაითრგუნოს."
კრიტიკული გარდაქმნა
Ford-ისა და მისი გუნდის მიერ შესწავლილი „გარდაქმნა“ ხდება მაშინ, როდესაც ეპითელური უჯრედები, რომლებიც ერთმანეთს უფრო მჭიდროდ ეკვრის და სხეულის სხვა ნაწილებში გავრცელების ნაკლები ალბათობა აქვს, მეზენქიმური უჯრედების თვისებების შეძენას იწყებს; ეს უკანასკნელი უფრო მიგრირებადია და სხეულის სხვა ნაწილებში შეჭრის უფრო მაღალი ალბათობა აქვს. ეს გარდაქმნა „epithelial-to-mesenchmal transformation (ეპითელურიდან მეზენქიმურში გარდაქმნის)“ სახელით განისაზღვრება.
„როდესაც ეპითელური კიბოს უჯრედები ამ მეზენქიმურ თვისებებს იძენს, მეზობელ უჯრედებს ნაკლებად ეკვრის და უჯრედის მემბრანის დარღვევის უნარი უმჯობესდება. ამგვარად, მათ სისხლის მიმოქცევაში უფრო ადვილად შეღწევა შეუძლიათ.“
კიბოს უჯრედები, რომლებიც ერთმანეთს ესაუბრებიან
2017 წელს Ford-მა გამოაქვეყნა კვლევა, რომელმაც აჩვენა, რომ როდესაც ეპითელურიდან მეზენქიმურში გარდაქმნილი უჯრედები გარდაუქმნელ უჯრედებთან „საუბარს“ იწყებს, ეს მეტასტაზირების პროცესს ხელს უწყობს, რადგან ამ უჯრედების მიერ მეტასტაზური თვისებების შეძენის ალბათობას ზრდის.
დეკემბერში ახლად გამოქვეყნებულ კვლევაში Ford და მისი მკვლევრები, რომლებიც Baylor-ის სამედიცინო სკოლის Lewis-თან და მის კოლეგებთან თანამშრომლობდნენ, ვარაუდობენ, რომ ეს „საუბარი“ ბუნებრივად წარმოქმნილი ცილის, VEGF-C-ის, საშუალებით მიმდინარეობს.

Ford ამბობს: „VEGF-C უჯრედების მიერ გამოიყოფა. ის მეზობელი უჯრედების რეცეპტორებს უკავშირდება და შემდეგ, მიუხედავად იმისა, რომ hedgehog სასიგნალო გზის გააქტიურების ჩვეულებრივ გზას გვერდს უვლის, ამ გზას ააქტიურებს. ეს რთავს სასიგნალო მექანიზმს, რომელიც საბოლოოდ GLI-დ წოდებული ცილის გააქტიურებით სრულდება და ამ უჯრედებს უფრო ინვაზიურსა და მიგრირებადს ხდის.“
ამ ახალ პუბლიკაციაში Ford, Lewis და მათი გუნდები თუ VEGF-C-ის წარმოქმნას დათრგუნავთ, მეტასტაზირების მნიშვნელოვნად შენელება შეგიძლიათ აჩვენებენ.
„თუ გარდაუქმნელ უჯრედებს სიგნალის მიმღებ რეცეპტორებს მოაშორებთ ან VEGF-C-ს დაბლოკავთ, მეტასტაზირებას იმავე ხარისხით ვეღარ წაახალისებთ. თუ ამ სხვადასხვა ტიპის უჯრედებს „საუბრის“ უნარს წაართმევთ, მაშინ უჯრედები, რომლებსაც გარდაქმნა საერთოდ არ გაუვლიათ, ვეღარ იმოძრავებს. ისინი ეფექტიანად ვეღარ მეტასტაზირდება.“
მკვლევრები ახლა ცხოველებზე ექსპერიმენტების საწყის ეტაპზე არიან, რათა მეტასტაზირება უკეთ დათრგუნონ და ამ სასიგნალო გზის სამიზნედ ქცევის საუკეთესო ხერხი იპოვონ. მათ სურთ გაარკვიონ, შეძლებენ თუ არა მეტასტაზირების სრულად შეჩერებას და ამ პროცესის შენელებას პაციენტებში, რომლებშიც მეტასტაზირება უკვე დაწყებულია; ასევე სურთ ნახონ, შეძლებენ თუ არა სიმსივნის ზრდის დათრგუნვას მეორეულ / მეორე ადგილებშიც.
„წლებია, ადამიანები ამბობენ, რომ მეტასტაზირების დათრგუნვის ეფექტიანი გზა არ არსებობს. უჯრედებს სიმსივნიდან გამოსვლა მანამდე შეუძლიათ, სანამ კიბო სიმპტომებს გამოავლენს. მაგრამ ეს აუცილებელი არ არის, რომ სწორი იყოს. ამჟამინდელი მონაცემები მიუთითებს, რომ თუ მეორეულ ადგილას მეტასტაზირებული უჯრედები გაქვთ – მაგალითად, ძუძუს კიბო გაქვთ და თქვენი უჯრედები ფილტვებში გადავიდა – ფილტვებში არსებული უჯრედები სინამდვილეში სხვა ადგილას მეტასტაზირებას იწყებს. ამ პროცესის რომელ ეტაპზეც უნდა იყოთ, მისი შეჩერება გსურთ.“
წყაროები
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.





მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.