არის თუ არა ღამის ოფლიანობა კიბოს ნიშანი?

კიბოს სიმპტომები განსხვავდება როგორც ადამიანებს შორის, ისე კიბოს ტიპის, მდებარეობისა და სტადიის მიხედვით. ქიმიოთერაპიის მსგავსმა მკურნალობამ დამატებითი სიმპტომებიც შეიძლება გამოიწვიოს. ღამის ოფლიანობა ქიმიოთერაპიის შემდეგ კიბოს პაციენტებში ხშირად გვხვდება.

ოფლიანობა სხეულის ფიზიოლოგიური რეაქციაა ტემპერატურის დასაწევად.

ოფლიანობისას კანის საოფლე ჯირკვლებიდან მარილი და წყალი გამოიყოფა. სხეულის ყველა უბანში გვაქვს ნერვული უჯრედებით კონტროლირებული საოფლე ჯირკვლები. ოფლიანობა მუდმივად მიმდინარეობს, მიუხედავად იმისა, რომ ყოველთვის ხილული არ არის.

ოფლიანობის რაოდენობა დამოკიდებულია ადამიანის აქტივობაზე, ემოციურ მდგომარეობასა და ტემპერატურაზე.

ღამის ოფლიანობა ხშირად გვხვდება ნეიროენდოკრინული სიმსივნეების, თირკმელზედა ჯირკვლის კიბოს, თირკმლის კიბოს, ლიმფომისა და ლეიკემიის დროს; ესენი შედარებით იშვიათი კიბოებია. ღამის ოფლიანობა პროსტატის კიბოს დროსაც აღწერილია.

კიბოს დროს ოფლიანობის ზოგი თავისებურება

• კიბოს პაციენტებში ოფლიანობა და მაღალი ტემპერატურა შეიძლება თვით სიმსივნემ ან მკურნალობამ გამოიწვიოს.
• ღამის ოფლიანობა ხშირად გვხვდება კიბოს მქონე ქალებში.
• ეს მდგომარეობა კიბოს პაციენტების ძილის ხარისხზე მოქმედებს.
• ოფლიანობის მკურნალობის გეგმა მის ძირითად მიზეზზეა დამოკიდებული და სიმსივნის მკურნალობასაც მოიცავს.
• მკურნალობის პირველი ნაბიჯი ღამის ოფლიანობის პირველადი მიზეზის პოვნაა.

ღამის ოფლიანობა უმეტესად კიბოთი არ არის გამოწვეული; ღამის ოფლიანობის სხვა მიზეზები:

ღამის ოფლიანობა უმეტესად არაონკოლოგიური მიზეზებით ვითარდება. ჰიპერჰიდროზიეწოდება დღისით ან ღამით ჭარბი ოფლიანობით ხასიათებულ დარღვევას და ის საზოგადოებაში ხშირია. ჩვეულებრივ, მნიშვნელოვან ჩივილს არ იწვევს და მკურნალობის ვარიანტები არსებობს.

ღამის ოფლიანობა ასევე გვხვდება ქვემოთ ჩამოთვლილ მრავალ მდგომარეობაში:

• მენოპაუზა,
• ინფექციები,
• სისხლში შაქრის დაბალი დონე (ჰიპოგლიკემია),
• ჰორმონული დარღვევები,
• ინსულტის მსგავსი ნევროლოგიური მდგომარეობები,
• შფოთვა ან სტრესი,
• ალკოჰოლის ან წამლის მოხსნის სინდრომი ან დამოკიდებულება,
• HIV

ღამის ოფლიანობისთვის გამოყენებული მკურნალობა შემდეგია;

• ჰორმონჩანაცვლებითი თერაპია (hormone replacement therapy=HRT),
• ანტიდეპრესანტები,
• კლონიდინი (მაღალი წნევისა და ყურადღების დეფიციტისა და ჰიპერაქტივობის დარღვევის დროს გამოყენებული წამალი),
• ანტიკონვულსანტები (ანტიეპილეფსიური=ეპილეფსიის სამკურნალო წამლები)
• რელაქსაციური თერაპიები და აკუპუნქტურა

უეცარი ალები შეიძლება ესტროგენით მკურნალობით კონტროლდებოდეს. თუმცა ძუძუს კიბოს მქონე ზოგ ქალში ესტროგენის გამოყენება შეუძლებელია. ამავდროულად, ასეთი მკურნალობა ზრდის ძუძუს კიბოსა და მისი განმეორების რისკს და გულის მიზეზებით სიკვდილიანობას იწვევს.

პროსტატის კიბოს მქონე პაციენტებში ანალოგიურად შეიძლება ესტროგენ-პროგესტინის, ანტიდეპრესანტებისა და ანტიკონვულსანტების გამოყენება.

კიბოს პაციენტებში მკურნალობით გამოწვეული ჩივილები და გვერდითი მოვლენები თქვენს ონკოლოგს სათანადო შეფასებით შეუძლია მართოს. ნუ მოგერიდებათ ჩივილების გამოთქმა და სამედიცინო გუნდს აცნობეთ; ამგვარად, მრავალი ჩივილი თუ გვერდითი მოვლენა გაუარესებამდე გაკონტროლდება.

შეიძლება დაგაინტერესოთ:

კიბოს ნიშნები და მკურნალობა (სახეობების მიხედვით)

კიბოსა და მისი მკურნალობის გვერდითი მოვლენები