Covid-19 ეპიდემიისას ონკოლოგების 6 ემოციური სირთულე

ახალი კორონავირუსის დაავადებით გამოწვეული ეპიდემიის, COVID-19 პანდემიისშედეგად მრავალი ადამიანის განცდილი სირთულეები წინა ხაზის ჯანდაცვის მუშაკებს სცდება. COVID-19-მა მთელი სამედიცინო სფერო დააზიანა და მაღალი სტრესი და გადაწვა გამოიწვია.
PLOS One ჟურნალში ახლახან გამოქვეყნებულმა კვლევამ COVID-19 ეპიდემიისას ამერიკელი ონკოლოგების ემოციური ჯანმრთელობა შეისწავლა. მკვლევრებმა, პაციენტების უკეთ მკურნალობისა და თავად ექიმების ფსიქიკური ჯანმრთელობის შესანარჩუნებლად, ამ ექიმებში მოსაგვარებელი სირთულეების შემაშფოთებელი დონე აღმოაჩინეს.
შფოთვა და დეპრესია
კვლევამ შეისწავლა 27 მარტიდან 10 აპრილამდე, 2020 წელს, გამოკითხვის შემვსები 374 ონკოლოგის საზრუნავი. დაახლოებით სამი მეოთხედი (% 74,5) მუშაობდა შტატში, სადაც 1000-ზე მეტი დადასტურებული COVID-19 შემთხვევა იყო. ექიმების დაახლოებით ორ მესამედს (% 62) შფოთვის სიმპტომები ჰქონდა, ხოლო ამ ექიმების %36.6-ს დეპრესიის ნიშნები ჰქონდა. მკვლევრებმა აღნიშნეს უფრო მაღალი შფოთვის ალბათობასთან შესაძლო დაკავშირებული თვისებები, მაგალითად ახალგაზრდა ასაკი და კლინიკური პრაქტიკის ნაკლები გამოცდილება.
მუშაობის შეფერხების შიში
აღმოჩნდა, რომ COVID-19-ის მიერ ონკოლოგის ყოველდღიურობაზე გავლენის გზები უფრო მაღალ შფოთვას უკავშირდება. პანდემიის ქვეყანაში სწრაფი გავრცელებისას ექიმთა უმეტესობამ განაცხადა, რომ ეშინოდათ, ის აქტიური კიბოს მქონე პაციენტებისთვის კარგი მკურნალობის მიწოდებას შეუშლიდა ხელს. ონკოლოგები პანდემიის მიერ კიბოს მკურნალობაში ჩარევას შფოთვის ნიშნებისგან დამოუკიდებლად პრობლემად აფასებდნენ. თუმცა შფოთვის მქონენი ამას უფრო მძიმე პრობლემად მიიჩნევდნენ, რაც დამატებითი შეშფოთების წყაროდ იქცა. ამასთან, 243 ონკოლოგმა (%65.9) თქვა, რომ პაციენტებზე COVID-19-ის გადაცემაზე ზომიერად ან უკიდურესად წუხდა.
ოჯახისთვის გადაცემის შიში
COVID-19-ით ინფიცირებისა და ოჯახის წევრებისთვის გადაცემის შიში ონკოლოგების სხვა მნიშვნელოვანი საზრუნავია. გამოკითხული 374 ექიმიდან 279-მა (% 74.6) ოჯახის რომელიმე წევრისთვის COVID-19-ის გადაცემის ზომიერი ან ძლიერი შიში აღნიშნა. ეს შფოთვის სიმპტომებთან მჭიდროდ იყო დაკავშირებული.
მუშაობის სურვილის დაკარგვა
ძლიერი შფოთვა შეიძლება დამთრგუნველი იყოს და მნიშვნელოვანი ფსიქოლოგიური სირთულეები წარმოქმნას, რომლებიც ჯანდაცვის მუშაკებში სხვადასხვაგვარად ვლინდება. Comprehensive Psychiatry ჟურნალის 2020 წლის კვლევამ 2019 წლის თებერვალში 2 კვირის განმავლობაში ჩინეთის ჩუნცინის 5 საავადმყოფოს თანამშრომელთა ფსიქოლოგიური სირთულეები შეისწავლა. მასთან მჭიდროდ დაკავშირებული შფოთვა სამსახურში მისვლის სურვილს ამცირებდა. ზოგმა აღნიშნა, რომ მუშაობა იმდენად არ სურდა, გადადგომაზეც ფიქრობდა.
ძილის დარღვევები
არათანმიმდევრულმა ძილმა, იქნება არარეგულარული განრიგის თუ სტრესის გამო, შეიძლება შფოთვა გააუარესოს. JMIR Public Health and Surveillance ჟურნალში გამოქვეყნებულმა 2020 წლის დეკემბრის კვლევამ აჩვენა, რომ ინდოეთში COVID-19 ეპიდემიისას ძილის დაბალი ხარისხის მქონე ჯანდაცვის მუშაკებს უფრო მაღალი შფოთვა ჰქონდათ. ასევე დადგინდა ძილის დარღვევების კავშირი ახალგაზრდა ასაკსა და მოწყობილობების არასაკმარის ხელმისაწვდომობასთან. მკვლევრებმა დაასკვნეს, რომ შფოთვა და ძილის პრობლემები არა მხოლოდ სტრესს აუარესებს, არამედ თანამშრომლებში COVID-19-ით ინფიცირების რისკს ზრდის .
თამბაქოსა და ალკოჰოლის მოხმარება
JCO Global Oncology-ში გამოქვეყნებულ კვლევაში საფრანგეთის 222 ონკოლოგიის რეზიდენტმა პანდემიის ფსიქოლოგიურ გავლენაზე უპასუხა კითხვებს. შედეგებით, %31-ში თამბაქოს მოხმარება გაიზარდა, ხოლო % 29-ში — ალკოჰოლის.
გადაწვის მართვა ონკოლოგებისა და მათი პაციენტების კეთილდღეობისთვის ძალიან მნიშვნელოვანია. თუ ფსიქიკური ჯანმრთელობისა და კოლეგების მხარდაჭერის პროგრამები ხელმისაწვდომია, გამოიყენეთ. ძილის მართვა ან უფრო ხშირი მედიტაცია შეიძლება მცირედ ჩანდეს, მაგრამ ფსიქიკურ მდგომარეობაში დიდი ცვლილება შეიტანოს.
წყაროები
2. Thomaier L, Teoh D, Jewett P, et al. (2020). Emotional health concerns of oncology physicians in the United States: fallout during the COVID-19 pandemic. PLoS One.
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.





მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.