ძუძუს კიბოს დიაგნოზის მქონე დედები და მათი შვილები

ჩვენი ბევრი პაციენტი, განსაკუთრებით ძუძუს კიბოს დიაგნოზის მქონე ახალგაზრდა ქალები, დიდ ყოყმანს განიცდის, გაუზიაროს თუ არა თავისი მდგომარეობა შვილებს. საყვარელი ადამიანისთვის ცუდი ამბის თქმა ყოველთვის რთულია, განსაკუთრებით თუ ის თქვენი შვილია.
სირთულე, უთხრათ შვილს, რომ კიბო გაქვთ
ინგლისის ყოველკვირეულ რეცენზირებად ჟურნალში, The British Medical Journal-ში (The BMJ) გამოქვეყნებულ კვლევაში მკვლევრები ძუძუს კიბოს დიაგნოზის მქონე 32 დედას დიაგნოზიდან 4 თვის შემდეგ გაესაუბრნენ. მათ ჰკითხეს, როდის უთხრეს შვილებს დიაგნოზის შესახებ და რას მოიცავდა საუბარი.
კვლევის ბოლოს აღმოჩნდა, რომ ბავშვების მეხუთედს დედის ოპერაციის დროს ინფორმაცია არ ჰქონდა. მონაწილეთა უმეტესობამ ასევე განაცხადა, რომ შვილებისთვის დიაგნოზისა და პროცესის ახსნაზე შფოთვა ჰქონდა და სურდა ამ საკითხზე სპეციალისტ ჯანდაცვის პროფესიონალთან საუბარი.
მყისიერი გადაწყვეტებით გამოწვეული არასწორი გაგება
ვიცით, რომ როგორც დედას, წუხილი გაქვთ. მიუხედავად იმისა, რომ გადაწყვეტილებებს „იმ მომენტში“ ბავშვის სასიკეთოდ მიღებულად მიიჩნევთ, მათ გრძელვადიანი უარყოფითი შედეგები შეიძლება მოჰყვეს. ერთად გადავხედოთ სტატიას, როგორ უნდა აცნობონ ძუძუს კიბოს დიაგნოზის მქონე დედებმა შვილებს დაავადების შესახებ.
გასაგებია, რომ ბავშვის წყენინების თავიდან ასაცილებლად კიბოს უმალავთ. მაგრამ ბავშვები ოჯახში შეცვლილი მდგომარეობისა და სტრესის მიმართ უფრო მგრძნობიარენი არიან. ოჯახების შვილებთან საუბრისას, რომლებიც ამბობენ, რომ ბავშვმა არაფერი იცის, დაფიქსირდა, რომ ბავშვები სინამდვილეს არსებულზე უარესად აღიქვამდნენ. მდგომარეობის ნათელი ენით ახსნა ბავშვს ოჯახში მოსალოდნელი ცვლილებებისთვის მომზადებაში ეხმარება. ბავშვების ადაპტაციის უნარი ჩვენ, ზრდასრულებზე წარმატებულია. პროცესზე ინფორმაცია მათ უსაფრთხოების განცდას უქმნის.
პატარა ბავშვებსაც შეუძლიათ გარკვეულწილად გაგება და ეს მათ უსაფრთხოების განცდას აძლევს
შეიძლება ფიქრობდეთ, რომ თქვენი შვილი პატარაა და ვერ გაიგებს. გარკვეულწილად მართალიც ხართ: ასაკი მნიშვნელოვანია იმის განსასაზღვრად, რა და რამდენი უთხრათ კიბოს დიაგნოზზე. ძალიან პატარა ბავშვებსაც ესმით მარტივი ახსნა, რა არის უჯრედები, როგორ „არ ემორჩილებიან წესებს“ ზოგჯერ და სათანადოდ არ იზრდებიან. ასევე შეგიძლიათ აუხსნათ, რომ ექიმმა ძუძუში კიბოს მთელი უბანი ან ნაწილი უნდა მოაცილოს, შემდეგ კი განსაკუთრებული ძლიერი წამლებით კიბოს სხეულიდან სრულად გაქრობას შეიძლება მიაღწიოს. პატარებისთვის სათამაშოთი ახსნა ან გამოსახულებით დახმარება საკითხების უკეთ გაგებასა და კონკრეტულად წარმოდგენაში სასარგებლოა.
ბავშვის სტრესისა და შფოთვისგან დასაცავად შეიძლება იფიქროთ, უთხრათ, რომ კიბო მარტივი დაავადებაა ან ოპერაცია მცირე იყო. მკურნალობის ხანგრძლივობის გათვალისწინებით ბავშვში გაჩნდება კითხვა, რატომ არ მთავრდება ასეთი მარტივი დაავადება ან ოპერაცია. ამან შეიძლება საკუთარი უმცირესი დაავადებისასაც შიში გამოიწვიოს, რომ მასაც დიდხანს გასტანს და ზოგჯერ მძიმე გვერდითი მოვლენები ექნება. გახსოვდეთ, გაურკვევლობა და მოსალოდნელზე ხანგრძლივი ყველაფერი შფოთვასა და სტრესს იწვევს.
დასკვნა
პატარა ბავშვებს დეტალური ინფორმაცია არ სჭირდებათ, მაგრამ სჭირდებათ გულწრფელობა და დარწმუნება, რომ უსაფრთხოდ არიან. თუ მდგომარეობას პირდაპირ არ აუხსნით, ბავშვებმა შესაძლოა იგი არსებულზე უარესად აღიქვან. გულწრფელობა ნდობის განცდას ქმნის, რომელიც არა მხოლოდ ამ ვითარებასთან, არამედ ცხოვრების სხვა გარდაუვალ სირთულეებთან გამკლავებაშიც დაეხმარება.
რჩევებს იმის შესახებ, როგორ აუხსნათ შვილს მშობლის კიბო და როგორ დაეხმაროთ, იხილავთ ჩვენს სტატიაში „როგორ ვუთხრათ ბავშვებს, რომ დედას ან მამას კიბო აქვს?“.
წყაროები
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.





მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.