ელექტრონული სიგარეტით გამოწვეული პირველი სიკვდილი და იდუმალი ფილტვის დაავადება აშშ-ის ყურადღების ცენტრში მოექცა
ამ სტატიაში
24 აგვისტოს 2019 წელს აშშ-ის ილინოისის შტატში, ელექტრონული სიგარეტის გამო მძიმე სასუნთქი დაავადების განვითარების შემდეგ პაციენტის სიკვდილი აღწერეს. აქამდე ელექტრონული სიგარეტის მრავალი შესაძლო და უშუალო უარყოფითი ჯანმრთელობის ეფექტიშევისწავლეთ და გაგიზიარეთ, თუმცა ეს უეცარი სიკვდილი მოულოდნელი და ძალიან შემძვრელია.
აშშ-ში ასევე განაცხადეს, რომ ელექტრონული სიგარეტის მოხმარებასთან დაკავშირებულ იდუმალ ფილტვის დაავადებასამჟამად სპეციალისტები იკვლევენ.
აშშ-ის დაავადებათა კონტროლისა და პრევენციის ცენტრმა (CDC) განაცხადა, რომ აშშ-ის 22 შტატში 193 „შესაძლო შემთხვევაა“.
CDC-ს ექსპერტებმა თქვეს, რომ შემთხვევების უმეტესობა კანაფის მთავარი აქტიური ნივთიერების, THC-ის ვეიპინგს იყენებდა (შენიშვნა: ინგლისურად ელექტრონული სიგარეტის გამოყენებას მოკლედ vaping ეწოდება). აშშ-ში ელექტრონული სიგარეტის კარტრიჯებში კანაფისა და მისი კომპონენტების გამოყენება, სავარაუდოდ, %5-10-ია (იხილეთ შესაბამისი კვლევა).
შემთხვევები ორ თვეში, 28 ივნისიდან 20 აგვისტომდე აღირიცხა.
გარდაცვლილი პირი "ვეიპინგის ან ელექტრონული სიგარეტის მოხმარების შეტყობინების შემდეგ აუხსნელი დაავადებით საავადმყოფოში მოათავსეს", ამბობს ილინოისის ჯანდაცვის სამედიცინო თანამდებობის პირი და შტატის ეპიდემიოლოგი, ექიმი Jennifer Layden.
CDC-ს დირექტორმა Robert Redfield-მა თქვა: „ვწუხვართ, რომ ელექტრონული სიგარეტის ან ვეიპინგის მოწყობილობების მომხმარებლებში მძიმე ფილტვის დაავადების აფეთქებასთან დაკავშირებულ პირველ სიკვდილს ვაცხადებთ." და დაამატა: "ილინოისში ეს ტრაგიკული სიკვდილი ელექტრონული სიგარეტის პროდუქტების სერიოზულ რისკებს კიდევ ერთხელ ადასტურებს."
რა არის იდუმალი ფილტვის დაავადება?
მიზეზი ვერ დადგინდა, თუმცა ყველა დაავადებულს ამა თუ იმ ფორმით ელექტრონული სიგარეტი ჰქონდა გამოყენებული.
ექიმმა Ileana Arias-მა, „ბევრ შემთხვევაში პაციენტებმა აღიარეს, რომ ბოლო დროს THC-ის, კანაფის კომპონენტის შემცველი პროდუქტი გამოიყენეს“, განაცხადა.
დაზარალებულებს ჰქონდათ ხველა, ქოშინი, სისუსტე, ღებინება და დიარეა. ვირუსისა თუ ბაქტერიის მსგავსი გადამდები მიზეზის მტკიცებულება არ არსებობს. Arias-მა „გაურკვეველია, საერთო მიზეზი აქვთ თუ მსგავსი სიმპტომებითა და ნიშნებით მიმდინარე სხვადასხვა დაავადებაა“, განაცხადა. ილინოისში, სადაც სიკვდილი მოხდა, 17-დან 38 წლამდე 22 შემთხვევა იყო. მიუხედავად იმისა, რომ დაზარალებული 22 შტატი ქვეყნის ცენტრსა და ჩრდილო-აღმოსავლეთში, მინესოტიდან ჩრდილოეთ კაროლინამდეა, შემთხვევები კალიფორნიაში, ტეხასსა და ნიუ-მექსიკოშიც დაფიქსირდა.
უწყებებმა მავნე ნაერთების გამოსავლენად ვეიპინგის სითხის ნიმუშების (ელექტრონული სიგარეტის კარტრიჯების) ლაბორატორიული ტესტირება დაიწყეს.
ცნობილია, რომ არსებობს THC-ის შემცველი ვეიპის კარტრიჯების „შავი ბაზარი“, რომლებიც ზოგ შტატში სამედიცინო კანაფის მოვაჭრეებთან კანონიერად იყიდება.
ონლაინ საზოგადოებებში მომხმარებლები არარეგულირებული ყალბი კარტრიჯების საფრთხეებზე აფრთხილებდნენ.
უსაფრთხოა ელექტრონული სიგარეტის რეგულარული მოხმარება?
მიუხედავად იმისა, რომ ჩვეულებრივ სიგარეტზე ბევრად ნაკლები ხანია არსებობს, იზრდება მტკიცებულება, რომ მის მოწევას უსაფრთხოდ ვერ მივიჩნევთ. რამდენიმე მაგალითი:
- ელექტრონული სიგარეტის სითხის არომატებმა შეიძლება გულის კუნთის ფუნქცია დაარღვიოს
- ელექტრონული სიგარეტის მოულოდნელი შედეგი: ეპილეფსიური შეტევა!
- ელექტრონული სიგარეტები პირის ღრუს ჯანმრთელობას თამბაქოს მსგავსად აზიანებს
დასასრულ,, უკვე ვიცით, რომ ელექტრონული სიგარეტი უვნებელ აეროზოლს არ გამოყოფს. მის კვამლში გამოვლენილია სხვადასხვა მავნე კომპონენტი, მათ შორის ულტრაწვრილი ნაწილაკები, ტყვიისა და მძიმე მეტალების მსგავსი ქიმიკატები.
წყაროები
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.
მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.