ევროპის კიბოს კონგრესი ESMO 2018 და გამორჩეული სიახლეები

ონკოლოგიის 26 ათას პროფესიონალს გააერთიანებს ევროპის კიბოს კონგრესი ESMO 2018, რომელიც 19-23 ოქტომბერს გერმანიის მიუნხენში გაიმართება.

ევროპის სამედიცინო ონკოლოგიის საზოგადოება (European Society for Medical Oncology, ESMO) დაარსების, 1975 წლიდან, განსაკუთრებით ევროპის, ასევე მსოფლიოს კიბოს კვლევების მხარდაჭერის მისიას ასრულებს.

რეკორდულ მონაწილეობასთან ერთად წელს სამეცნიერო ნაშრომების რეკორდული განაცხადიც იყო და დაახლოებით 1600 ორიგინალური კვლევა მიიღეს.

ESMO 2018-ის დევიზად „კიბოს ყველა პაციენტისთვის ყველაზე შესაფერის მკურნალობაზე / მოვლაზე წვდომის უზრუნველყოფა“ განისაზღვრა. კონგრესის მოცულობაზე ESMO-ს პრეზიდენტის დოქტორ Josep Tabernero-სწერილი ასეთია:

ძვირფასო კოლეგებო და მეგობრებო,

ჩვენი ყოველწლიური კონგრესი (19-23 ოქტომბერი) სწრაფად ახლოვდება და როგორც ESMO-ს პრეზიდენტს, მახარებს მისი მოცულობისა და თემების სიღრმის წლიდან წლამდე ზრდა. წლევანდელ შეხვედრაზე იქნება მრავალი დაინტერესებული მხარის დისკუსიები, პირველად გასაჯაროებული უახლესი გარღვევის შედეგები და ონკოლოგიური განათლების გამორჩეული ფორუმი.

სამეცნიერო და კლინიკური ინფორმაცია

დევიზის „კიბოს ყველა პაციენტისთვის ყველაზე შესაფერის მკურნალობაზე / მოვლაზე წვდომის უზრუნველყოფა“ გასაცოცხლებლად მოუთმენლად ველით მიუნხენში შეკრებას უახლესი მეცნიერების, უფრო ხელმისაწვდომი და მდგრადი მოვლის მოდელების გამოსაკვლევად და ონკოლოგიის ერთობლივად წინ წასაწევად. სულ 21 კატეგორიითა და პირველად ევროპის ონკოლოგიური ექთნობის საზოგადოებასთან ერთობლივი სამდღიანი სპეციალური საექთნო ნაწილით ESMO 2018 კონგრესი ყველა სპეციალობის ონკოლოგს მოიზიდავს. ჩვენი კონგრესების მულტიდისციპლინური ჩარჩო ამ საზოგადოებას მეცნიერული სრულყოფისა და მტკიცებულებითი დისკუსიის სანდო, წამყვან არენად აქცევს, რომელსაც ყოველთვის პაციენტის მოვლის მუდმივი გაუმჯობესების საერთო მისწრაფება ამოძრავებს.

კონგრესზე დადებით აზრში მარტო არ ვარ და ვამაყობ, რომ ბევრი კოლეგა მის ღირებულებას აღიარებს და საკუთარი მნიშვნელოვანი ნაშრომის გასაზიარებლად ირჩევს. დაახლოებით 2,000 ზეპირი მოხსენება, პოსტერის განხილვა და პოსტერი 200 სესიაში იქნება წარმოდგენილი.

უმაღლესი ხარისხის სტანდარტებისადმი ერთგულება

ESMO შეხვედრების ორგანიზებისას ფრთხილ და წინდახედულ მიდგომას ისახავს და უმაღლესი ხარისხის სტანდარტებს მტკიცედ იცავს. მაგალითად, აკადემიური ჩარჩოს გარეთ ჩატარებული კლინიკური კვლევები მკაფიოდ არის განსაზღვრული და ყველა მომხსენებელი ინტერესთა დეკლარაციას წარმოადგენს. ESMO-ს ყველა ინიციატივა გამიზნულია, რომ წარმოდგენილი მონაცემები და ხედვები ყველაზე ძლიერ და მკაცრ მტკიცებულებებს ეფუძნებოდეს.

მტკიცებულებებზე საუბრისას მოხარული ვარ გაცნობოთ, რომ წლევანდელ პროგრამაში მნიშვნელოვანი ინფორმაციაა გავრცელებულ კიბოებზე გამოქვეყნებული, დიდი ყურადღების მქონე კვლევების ჯერ კიდევ სადისკუსიო მეორეული შედეგების შესახებ.

და ეს მხოლოდ დასაწყისია…

ESMO 2018 კონგრესს ჩვენც გუნდურად ადგილზე დავესწრებით და ონკოლოგიის სიახლეებს გაგიზიარებთ.