Avropa Xərçəng Konqresi ESMO 2018 və Önə Çıxan Yeniliklər

26 min onkologiya mütəxəssisini bir araya gətirəcək Avropa Xərçəng Konqresi ESMO 2018, 19-23 Oktyabr tarixlərində Almaniyanın Münhen şəhərində keçiriləcək.

Avropa Tibbi Onkologiya Cəmiyyəti (European Society for Medical Oncology, ESMO), yaradıldığı 1975-ci ildən bəri başda Avropa olmaqla dünyanın hər yerində xərçəng araşdırmalarını dəstəkləmək missiyasını yerinə yetirir.

Konqresə bu il də rekord iştirakla yanaşı rekord sayda elmi iş müraciəti oldu və 1600-ə yaxın orijinal araşdırma qəbul edildi.

ESMO 2018-in şüarı, «hər xərçəng xəstəsinin ən uyğun müalicəyə / qayğıya çıxışının təmin edilməsi» olaraq müəyyənləşdirildi. Konqresin əhatəsi haqqında ESMO Prezidenti Dr. Josep Tabernero-nun məktubu belədir:

Hörmətli Həmkarlarım və Dostlar,

İllik Konqresimiz (19-23 Oktyabr) sürətlə yaxınlaşır və ESMO Prezidenti olaraq bu tədbirin il boyu əhatə və mövzu dərinliyi baxımından genişlənməyə davam etməsi çox həyəcanvericidir. Bu ilki toplantıda çoxsaylı maraqlı tərəflərin müzakirələri, ilk dəfə açıqlanacaq ən yeni dönüş yaradan nəticələr və onkologiya təhsili haqqında seçkin forum var.

Elmi və klinik məlumatlar

«Hər xərçəng xəstəsinin ən uyğun müalicəyə / qayğıya çıxışının təmin edilməsi» şüarını konkretləşdirmək üçün hamımız ən yeni elmi məlumatları, daha əlverişli qiymətli, dayanıqlı qayğı modellərini kəşf etməyi və onkologiyanı birlikdə irəli aparmaq üçün Münhendə bir araya gəlməyi səbirsizliklə gözləyirik. Cəmi 21 müxtəlif kateqoriyada və ilk dəfə Avropa Onkologiya Tibb Bacıları Cəmiyyəti ilə birgə təşkil edilmiş üçgünlük xüsusi tibb bacılığı bölməsi olan ESMO 2018 Konqresi bütün ixtisaslardan onkologiya mütəxəssislərini cəlb edəcək. Konqreslərimizin də daxil olduğu multidissiplinar çərçivə bu birliyi həmişə olduğu kimi xəstə qayğısını davamlı yaxşılaşdırmaq ortaq arzusu ilə aparılan elmi mükəmməllik və sübuta əsaslanan müzakirələr üçün etibarlı və aparıcı meydana çevirəcək.

Konqresimiz haqqında müsbət düşüncələrimdə tək deyiləm və çoxsaylı həmkarımın Konqresimizin dəyərini qəbul etməsindən və dəyərli işlərinin nəticələrini paylaşmaq üçün onu seçməsindən qürur duyuram. Təxminən 2,000 şifahi təqdimat, poster müzakirəsi və poster 200 sessiya ərzində yer alacaq.

Ən yüksək keyfiyyət standartlarına sadiq qalmaq

ESMO toplantılarının təşkilində ehtiyatlı və uzaqgörən olmağı hədəfləyir və ən yüksək keyfiyyət standartlarına dərindən bağlıdır. Məsələn, akademik çərçivədən kənarda aparılan klinik sınaqlar aydın müəyyənləşdirilmişdir və işini təqdim edən hər kəs maraq bəyanatı (declaration of interest) verir. ESMO-nun bütün təşəbbüsləri irəli sürülən məlumat və baxışların ən güclü və ən sərt sübutlara əsaslanmasını təmin etmək üçün hazırlanmışdır.

Sübutlardan söz düşmüşkən, bu ilki konqres proqramının geniş yayılmış xərçənglər haqqında yayımlanan və çox diqqət çəkən bəzi tədqiqatların müzakirəyə açıq qalan əlavə nəticələrinə dair vacib məlumatlar ehtiva etdiyini bildirməkdən məmnunluq duyuram.

Və bu yalnız başlanğıcdır…

ESMO 2018 Konqresini biz də komanda olaraq yerində izləyib onkologiya sahəsindəki inkişafları sizinlə paylaşacağıq.