ჰაერის დაბინძურება პაციენტების სიცოცხლის ხანგრძლივობაზე უარყოფითად მოქმედებს

ჰაერის დაბინძურება ბოლო წლებში მსოფლიოში დიდ გარემოსდაცვით პრობლემად იქცა. კვლევებით დადგინდა, რომ იგი სასუნთქი და გულ-სისხლძარღვთა სისტემების დარღვევებს, ასევე კიბოს იწვევს. 2013 წელს კიბოს კვლევის საერთაშორისო სააგენტომ ჰაერის დაბინძურება კანცეროგენად განსაზღვრა. ამ საკითხზე გამოქვეყნებული ბოლო სტატისტიკის მიხედვით, 2010 წელს მსოფლიოში ჰაერის დაბინძურებასთან დაკავშირებული ფილტვის კიბოთი გარდაცვლილთა რაოდენობა 223.000 იყო. თუმცა აქამდე არ იყო განსაზღვრული დაბინძურების გავლენა სიცოცხლის ხანგრძლივობაზე კიბოს დიაგნოზის შემდეგ.

სურათი: ჩინეთის დედაქალაქ პეკინში ჰაერის დაბინძურებამ ძალიან სერიოზულ მასშტაბს მიაღწია. მზე და ლურჯი ცა თითქმის აღარ ჩანს. ამის ერთ-ერთი შედეგია მოღრუბლული გარემოს გამო ქალაქის მცხოვრებთა მეტი მიდრეკილება დეპრესიისადმი. როგორც ჩანს, ქალაქის ცენტრში უზარმაზარი ეკრანების დამონტაჟებით ცდილობენ ამ უარყოფითი გარემოს ნაწილობრივ შემსუბუქებას.

გასულ თვეში გამოქვეყნებულ კვლევაში შეეცადნენ ჰაერის დაბინძურების გავლენის გარკვევას სიცოცხლის ხანგრძლივობაზე. კვლევაში შეადარეს 1988-2009 წლებში ფილტვის დიაგნოზის მქონე 352.000 ადამიანის სიცოცხლის ხანგრძლივობა და საცხოვრებელი ადგილები. პაციენტების 50 პროცენტზე მეტში კიბო შორსწასულ, 4. სტადიაზე (მეტასტაზურად) იყო გამოვლენილი. ასეთ პაციენტებში სიცოცხლის ხანგრძლივობა საშუალოდ 4 თვე იყო, ხოლო ადრეულ ეტაპზე დიაგნოსტირებულებში — 3.6 წელი.

კვლევის ყველაზე საყურადღებო შედეგი იყო ის, რომ ქალაქთაშორისი ავტომაგისტრალებიდან 1500 მეტრში მცხოვრები კიბოს მქონე პაციენტების 45 პროცენტს სიცოცხლის ხანგრძლივობა 300 მეტრში მცხოვრებებზე მეტი აღმოაჩნდა. გახლდათ.

დასკვნის სახით, დაფიქსირდა, რომ კანცეროგენად განსაზღვრული ჰაერის დაბინძურება ფილტვის კიბოს დიაგნოზის მქონე პაციენტებში პროგნოზს (დაავადების მიმდინარეობას) აუარესებს და სიცოცხლეს ამოკლებს. უნდა აღინიშნოს, რომ დაბინძურება მათი სიცოცხლის შემცირების ერთადერთი ფაქტორი არ არის. აუცილებლად გასათვალისწინებელია ცხოვრების წესი და მკურნალობაზე პასუხიც.