HER2-დადებითი ძუძუს კიბოს სამკურნალოდ კანქვეშა Herceptin-მა FDA-ის დამტკიცება მიიღო

28 თებერვალს აშშ-ის სურსათისა და წამლის ადმინისტრაციამ (FDA) HER2-დადებითი ადრეული სტადიის ძუძუს კიბოს მქონე ზოგიერთი პაციენტისთვის ქიმიოთერაპიასთან ერთად დაამტკიცა მიზნობრივი პრეპარატი — ტრასტუზუმაბის სუბკუტანური (კანქვეშა) ფორმა, სახელწოდებით trastuzumab / hyluronidaz-oysk (Herceptin Hylecta) . ამ მკურნალობისთვის შესაფერისად განისაზღვრა პაციენტები დადებითი ლიმფური კვანძებით, ან უარყოფითი კვანძებითა და უარყოფითი ჰორმონული სტატუსით, ან ერთ-ერთი მაღალი რისკფაქტორით. FDA-მ ასევე დაამტკიცა trastuzumab / hyluronidaz-oysk-ის გამოყენება HER2-დადებითი მეტასტაზური ძუძუს კიბოს სამკურნალოდ მათში, ვისაც მეტასტაზური დაავადებისთვის მანამდე ქიმიოთერაპიის ერთი ან მეტი ხაზი ჰქონდა მიღებული — პაკლიტაქსელთან ერთად ან ცალკე.
ეს ახალი პრეპარატი შეიცავს იმავე მონოკლონურ ანტისხეულს, რასაც კლასიკური ტრასტუზუმაბი, თუმცა ამჯერად კანქვეშ შეყვანისთვის ადამიანის რეკომბინანტულ ჰიალურონიდაზა PH20 ფერმენტთან ერთადაა მომზადებული. კლასიკური ტრასტუზუმაბი (Herceptin) ინტრავენური (ვენაში) ინფუზიით 30-90 წუთის განმავლობაში შეჰყავთ, ხოლო trastuzumab / hyaluronidaz-osk ხელმისაწვდომია მზა შპრიცების ფორმით, რომლებიც კანქვეშ 2-5 წუთში გამოიყენება.
კვლევები, რომლებმაც კანქვეშა ტრასტუზუმაბს FDA-ის დამტკიცება მოუტანა: HannaH, SafeHER და PrefHER
FDA-ის დამტკიცება მიღებული იქნა ადრეული სტადიის HER2-დადებითი ძუძუს კიბოს დროს ჩატარებული 3 კლინიკური კვლევის შედეგებით:
- III ფაზის HannaH კვლევაში ქიმიოთერაპიასთან ერთად ნეოადიუვანტური და ადიუვანტური trastuzumab / hyaluronidaz oysk შედარდა ინტრავენურ ტრასტუზუმაბს. ტრასტუზუმაბისა და hyaluronidaz-oysk-ის კანქვეშ შეყვანით სისხლში ინტრავენური ტრასტუზუმაბის ტოლი დონეები მიიღეს და კლინიკური ეფექტიანობის შედეგებიც მსგავსი იყო. პათოლოგიური სრული პასუხის მაჩვენებელი trastuzumab / hyaluronidaz oysk-ით 45.4 % იყო, ხოლო მხოლოდ ტრასტუზუმაბით — 40.7 %.
- ადიუვანტური trastuzumab / hyaluronidase-oysk-ის III ფაზის SafeHER კვლევა შეესაბამებოდა ინტრავენური ტრასტუზუმაბისა და trastuzumab / hyaluronidaz-oysk-ის უსაფრთხოების ცნობილ პროფილებსა და ამტანობის მონაცემებს.
- PrefHER კვლევაში კი შეამოწმეს, შეყვანის რომელ მეთოდს ანიჭებდნენ პაციენტები უპირატესობას, და აღმოჩნდა, რომ პაციენტების უმრავლესობა (86 %) ინტრავენური ტრასტუზუმაბის ნაცვლად trastuzumab / hyaluronidaz oysk-ს ირჩევდა.
ადრეული ძუძუს კიბოს გამო trastuzumab / hyaluronidaz oysk-ის მიმღებ ადამიანებში ყველაზე ხშირი გვერდითი ეფექტები იყო დაღლილობა, სახსრების ტკივილი, დიარეა, ინექციის ადგილის რეაქცია, ზედა სასუნთქი გზების ინფექცია, გამონაყარი, კუნთების ტკივილი, გულისრევა, თავის ტკივილი, შეშუპება, გაწითლება, ცხელება, ხველა და კიდურის ტკივილი.
წყაროები
fda.gov - 28 February 2019
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.





მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.