HPV-თან დაკავშირებული კიბოების სიხშირე მატებას იწყებს

დაბალი შემოსავლისა და მოწევის მაღალი სიხშირის მქონე ქვეყნებში ადამიანის პაპილომავირუსთან (HPV) დაკავშირებული კიბოების სიხშირის საგრძნობი მატება აჩვენა JNCI Cancer Spectrum ჟურნალის 2022 წლის აპრილის ნომერში გამოქვეყნებულმა კვლევამ.
ჰიუსტონის UTHealth-ის საზოგადოებრივი ჯანმრთელობის სკოლიდან Yueh-Yun Lin-მა და მისმა კოლეგებმა 2000-დან 2008 წლამდე HPV-სთან დაკავშირებული კიბოების გამოსავლენად მეთვალყურეობის, ეპიდემიოლოგიისა და საბოლოო შედეგების (SEER) 2021 წლის მონაცემთა ბაზა გამოიყენეს. ზრდის ტენდენცია რეგიონულ დონეზე შემოსავლისა და მოწევის სიხშირის მიხედვით შეაფასეს.
მკვლევრებმა დაადგინეს, რომ დაბალი შემოსავლის მქონე ქვეყნებში ვულვის/ვაგინის კიბოს ინციდენტობა ქალებში, ხოლო ანალური კიბოს ინციდენტობა როგორც ქალებში, ისე მამაკაცებში საგრძნობლად იზრდებოდა. მაღალი შემოსავლის მქონე ქვეყნებში ზრდა ნელი იყო: მაგალითად, ვულვის კიბოს ინციდენტობის მატება დაბალი შემოსავლის ქვეყნებში 1,9% იყო, მაღალშემოსავლიანებში კი – 0,8%.
შენიშვნა: კიბოს ინციდენტობა ყოველ 100 ათას ადამიანზე წელიწადში გამოვლენილი ახალი შემთხვევების რაოდენობას ნიშნავს.
საშვილოსნოს ყელის კიბოს ინციდენტობა, HPV-ის ვაქცინის წყალობით, მაღალი შემოსავლის მქონე ქვეყნებში ბოლო წლებში ზრდის შემდეგ დასტაბილურდა (წლიური მატება 0%-ია). თუმცა დაბალშემოსავლიან ქვეყნებში ამ კიბოს ინციდენტობა ყოველწლიურად 1,6%-ით იზრდება. ასევე, მოწევის მაღალი სიხშირის ქვეყნებში შესაბამისი კიბოების მატება იმავე შემოსავლის დონის ქვეყნებზე მეტი იყო. მაგალითად, მსგავსი შემოსავლის ორი ქვეყნიდან მაღალი მოწევის სიხშირის მქონეში მამაკაცთა ანალური კიბოს წლიური მატება 4,4% იყო, დაბალი მოწევის სიხშირის ქვეყანაში კი – 1,2%.
ავტორები ზრდას ასე აჯამებენ: „საშვილოსნოს ყელის კიბოს ინციდენტობის კლების ტენდენცია შემოტრიალებას იწყებს, ხოლო არახელსაყრელ რეგიონებში ანალური, ოროფარინგეალური (პირ-ხახის) და ვულვის კიბოს ინციდენტობა მნიშვნელოვნად გაიზარდა. მზარდი უთანასწორობის შესამცირებლად სასწრაფოდ საჭიროა მიზნობრივი საზოგადოებრივი ჯანმრთელობის ჩარევები.“
წყაროები
2. HPV-Associated Cancer Insidence Starting to Increase. (2022). Cancer Therapy Advisior: https://www.cancertherapyadvisor.com/home/cancer-topics/gynecologic-cancer/hpv-associated-cancer-incidence-starting-to-increase/
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.





მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.